2 Piyɛli 2:4 - Ala Ya Salatikan Kula Kitabu

⁴ Ala ma kolatɔn lagban mɛlɛkalu kunna minu ka julumbu ta kɔlɔkɔlɔ le, mafɔ k'ai lafili Jahanama k'ai sili jɔlɔkɔlu le je divi fin mainmain nɔ haan fɔɔ kititɛɛlon yi se.

2 Piyɛli 2:4 ပူးပေါင်းရင်းမြစ်များ

Matiyu 25:41

«Wo kɔ, a kɛtɔ a fɔla a bolonunmalɔ talu yɛ, a vɛɛ: ‹Àilu daantɔlu, ài yi bɔ ǹ ɲakɔlɔ ka taa taa banbali lɔ, min lɔbɛnnin Soitana ni aa mɛlɛkalu yɛ.

Matiyu 8:29

Ai ka gbanɔ, ai vɛɛ: «Ala Denkɛ, mindɛ le ile ni ǹu wotɛ? I nanin mɔ jangataya le lɔ jani a waate yi se?»

Malɛkɛ 5:7

A ka gbanɔ, a vɛɛ: «Isa, Masa Taala Denkɛ, mindɛ le ile ni ǹe wotɛ? Ǹ'i madiyala Ala tɔɔ lɔ, i kà ǹ jangata.»

Luka 10:18

Isa do vɛɛ ai yɛ: «Ǹ na Soitana bentɔla yena ka bɔ sangbolo lɔ iwo sanmɛnɛn.

Luka 8:31

Jinalu ka Isa madiya ko a kà ai jamali k'ai lataa diɲa gboon lɔjaannin nɔ.

Yohana 8:44

Àilu y'ài fa Soitana ta le le, a do lɔɔ y'ài la k'ai fa ladiyanankolu le kɛ. Ka ta dunuɲa damina ma, mɔɔfaaba le a le, min m'a bolo sii tuɲandeya kɔlɔ, kamasɔlɔn hali tuɲa den kelen gbu t'a lɔ. A vɛ kɛla faɲa fɔla, wo y'a jɛlɛkanu dajoo le le, kamasɔlɔn faɲafɔba le a le ani faɲafɔbalu fa.

Lɔmukalu 11:21

Kamasɔlɔn ni Ala ma kɔlɔman sɛnɛnin bololu to je, ile do?

Lɔmukalu 8:32

Ala min ma saya lagban a jɛlɛkanu Denkɛ kunna, mafɔ ka wo di mɔ bɛ ya ko lɔ, jalasa a tɛnala mɔ sɔla fen bɛ la fana?

2 Piyɛli 2:11

Kɛɛ hali mɛlɛka minu fanga ni aiya seetiiya walanin ka timin faɲafɔ kalanmɔɔ wolu ta la, wolu tɛ diɲala ka nii nɔɔlɔnin wolu jobaliya lafeyalikan ne mɔ Tii ɲakɔlɔ.

2 Piyɛli 2:5

A do ma kolatɔn lagban dunuɲa kɔlɔkɔlɔ kunna, mafɔ a ka ji ba lana Alaɲasiyanɲɛbalilu bɛ kɔkan. Kɛɛ a ka Sedina Nuho le lakisi, min tɛɛ kawanilikɛba le ka bɛn telenmandeya siya ma, ani aa mɔɔ wolowulan.

2 Piyɛli 2:9

Wo le y'a ma, mɔ Tii ka a ɲasiyanɲɛbalu lakisiɲa lɔn k'ai bɔ aiya tɔlɔyalu lɔ, a do ka telenbalilu ladaloɲa lɔn kolatɔn kanma haan fɔɔ kititɛɛlon yi se.

1 Yohana 3:8

Ni do mɔɔ min ka to julumbu tala, wo tii yi Soitana ya mɔɔ le le, kamasɔlɔn Soitana yi julumbu ta le la ka ta dunuɲa damina waate ma. Dailu min na kɛla Ala Denkɛ na nala dunuɲa, wo le Soitana kɛkolu lɔtiɲako le.

Jude 1:13

Ai kɛyine iwo kɔɔji kilinkilin magbɛlɛn min yi taa ni sei kɛla, aiya malobaliyakolu vɛ bɔla gbɛ la iwo kɔɔji kaanvu yi bɔla teme. Ai do kɛyine kɔtunun iwo loloni minu yi timintiminna sanma. Divi fin mainmain le ladalonin ai kanma kudein.

Jude 1:6

Ado mɛlɛka minu ma diɲa ka to ai lɔyalu lɔ mafɔ ka bɔ ai makɛya bɛlɛbɛlɛ lɔ, wolu silinin habadan jɔlɔkɔ le le divi fin mainmain nɔ, haan fɔɔ kititɛɛ lonba yi se.

Ko Lankɛnɛmayanin 20:10

Soitana min n'ai lafilila, wo la ka fili taa diɲa ba lɔ, timiliki kawa yi ɲɛninna tɛɛminja, ani soofali ni aa faɲafɔ kela yi tɛɛminja. Ai kɛtɔ tɔlɔyala je su ni tele waate bɛ ani habadan.