2 Piyɛli 2:3 - Ala Ya Salatikan Kula Kitabu

³ Kalanmɔɔ wolu kɛtɔ ài tɔɲɔla natabaya boloma aiya faɲafɔ kumalu le. Kɛɛ ka ta waate jaan ma, aiya kiti vɛ ban tɛɛla, ado ai halaki waate kunnɔjaannin tɛ butu.

2 Piyɛli 2:3 ပူးပေါင်းရင်းမြစ်များ

Luka 18:8

Ǹ'a fɔ ài yɛ, Ala yi jo dile ai ma jona! Wo bɛ n'a kɛ, Mɔɔnivin Tanin vɛ nala lon min na, jalasa a yi limaniya talanne duukolo kɔkan?»

Luka 20:20

Wo le n'a kɛla, ai tɛɛ Isa lasaala ka a lakɔlɔsibalu lataa a ma, minu tɛɛ ai jɛlɛ kɛla iwo mɔɔ sɔvɛlu, fɔsa ai y'a mina a jɛlɛkanu dalakan fɛ, ka ban k'a don Lɔmu jamanatii bolo, a see yi min yɛ k'a kiti.

Luka 22:47

Isa ka to kumala, jama k'i kun labɔ ai ma. Judasi, min tɛɛ aa keladen mɔɔ tan ni fila (12) dɔ le, wo le tɛɛ jama ɲa. A do v'i madonna Isa la k'a sumu a tama lɔ.

Yohana 2:16

A k'a fɔ bilini felebalu yɛ, a vɛɛ: «Ài yi fen minu labɔ jan. Ài kà ǹ Fa ya bon kɛ julayakɛya le.»

Lɔmukalu 16:18

Mɔɔ suu wolu tɛ baalela mɔ Tii Masa Tɔɔmasenin yɛ, mafɔ ai kɔnɔgbolo. Ai do yi kuma madiyanin ne fɔla ka mɔɔlu matɔɔ fuun fɔsa ai yi koɲayebalilu manɛɛ.

2 Kolɛntikalu 2:17

Mɔ do kɛnin tɛ iwo dɔ mɔɔ siyama minu yi Ala kumakan kɛla julayafen ne, mafɔ mɔɔ sɔvɛ le mɔ le, minu yi kumala Ala ɲakɔlɔ Masa Tɔɔmasenin ya see lɔ, iwo mɔɔ minu kelanin Ala bolo.

1 Tɛsalonikakalu 2:5

Àilu gbu k'a lɔn ne ko mɔ nanin ài ma waate min nɔ, mɔ tɛɛ tɛ ài matɔɔla fuun, niwotɛ ka dalɔdiya kumalu fɔ ài yɛ maa natabaya doonko lɔ. Ala le mɔ sele le.

1 Tɛsalonikakalu 5:3

Mɔɔlu vɛ kɛla a fɔla waate min nɔ ko kolu vɛ bɛn ani tɔlɔya tɛ je butu, wo waate kelen ne, masuwako kɛtɔ balala ai lɔ, iwo tinkɔnɔdimin yi balala kɔnɔma lɔ teme. Wo do tɛnala polola ai ma feu!

1 Timote 3:3

A do kà kɛ gbɛtɔ le, niwotɛ mɔɔ faiyanin, mafɔ mɔɔ sɔniyanin. A kà kɛ sɔsɔyalikɛba le, niwotɛ wɔliko nata yi mɔɔ min na.

1 Timote 3:8

Wo boloɲa kelen ma, limaniyajama makoɲabɔbalu yi kɛ mɔɔ sɔvɛ le. Ai do kà kɛ wunafalilu le, niwotɛ gbɛtɔlu, niwotɛ wɔliko nata yi mɔɔ minu la.

1 Timote 6:5

ani kɛlɛ banbalilu mɔɔ hangili tiɲaninnu tɛma, minu dɛsɛnin tuɲa la. Wolu le y'ai milila ko Ala ya siya lataamanko yi nafolo ɲinin siya le le.

Tite 1:11

Fɔ wolu la yi jeden, kamasɔlɔn ai yi bonkelennamɔɔlu bɛ le kunnɔtɛɛla kelen ne aiya kalan bɛnbali le, fɔsa ai yi tɔnɔ sɔlɔn malobaliya boloma.

Tite 1:7

Komi Ala ya baale kalifanin a la, wo lɔ, fɔ limaniyajama kunmafɛlɛnba yi kɛ jalakibali le. A kà kɛ mɔɔ kafanin ne, niwotɛ josobatii, niwotɛ gbɛtɔ, niwotɛ mɔɔ faiyanin, niwotɛ nataba.

1 Piyɛli 2:8

A sɛvɛnin kɔtunun, ko: «Wo le kɛnin ai sen tuu kawakulun ne, ani kawa min y'ai labenna.» Ai sen tuunin kamasɔlɔn ai yi kolobaliya kɛla Ala kumakan na, iwo a latɛɛnin ai ma teme.

1 Piyɛli 5:2

ǹ ko, ài y'ài jando Ala ya saa kulu lɔ min kalifanin ài la. Ài y'ai kunmafɛlɛn lɔfɔlin boloma, diyanigbeyako tɛ, iwo Ala a fɛ ài y'a kɛ teme. Ài do kà a kɛ tɔnɔ sɔlɔnko le min mamaloyanin, mafɔ ài y'a kɛ miliya ɲuma kan.

2 Piyɛli 1:16

Mɔ n'ài lalɔnnila mɔ Tii Masa Tɔɔmasenin Isa nalon makawanin na waate min nɔ, mɔ bolomalanin tɛɛ tɛ tali fuunnu ma, mɔ na minu lɔbɛnna mɔ kunfɛ kewuya boloma, mafɔ ǹu gbu le na kɛla sele le ka mɔ ɲa la a nɔɔlɔ kɔkan.

2 Piyɛli 2:1

Iwo faɲafɔ kelalu k'i wuli teme Bani Isilankalu tɛma kɔlɔkɔlɔ le, wo boloɲa kelen ma, faɲafɔ kalanmɔɔlu wulitɔ ài tɛma doon nɔ ka na kalan dɔlu le minu yi halakili lasena mɔɔlu ma, hali k'ai ban ai Tii gbu lɔ min n'ai kunmakala. Ai do kɛtɔ halakili lasena ai jɛlɛ ma jona.

2 Piyɛli 2:9

Wo le y'a ma, mɔ Tii ka a ɲasiyanɲɛbalu lakisiɲa lɔn k'ai bɔ aiya tɔlɔyalu lɔ, a do ka telenbalilu ladaloɲa lɔn kolatɔn kanma haan fɔɔ kititɛɛlon yi se.

Jude 1:11

Gbalo y'ai yɛ! Kamasɔlɔn ai vɛ Kabila ya siya ta, ani k'ai fɛ bila Balaamu ya filibandeyako ɲɔɔzii la ka bɛn wɔliko nata ma. Ai vɛ mulutu iwo Kole ka kɛ teme, ai do yi halakile iwo wo fana.

Jude 1:15

ka adamaden bɛ ya kiti tɛɛ k'ai latɔn. A do kɛtɔ Alaɲasiyanɲɛbali bɛ jobaliyala ka bɛn aiya Alaɲasiyanɲɛbaliya kolu le ma, ani ka bɛn kuma yon minu fɔnin a kanma julumbutɔlu bolo minu tɛ siyanna Ala ɲa.»

Jude 1:16

Faɲafɔ kalanmɔɔ wolu yi kunnɔkumafɔbalu le le, ani wasabali, minu bilanin ai jɛlɛkanu niikanuko yonnu kɔ. Ai do y'ai wasola kuma babalu le le, ka mɔɔlu matɔɔ fuun nafa sɔlɔnko lɔ.

Jude 1:4

Kamasɔlɔn mɔɔ dɔlu vɛ don ài tɛma doon nɔ, minu ya kolatɔn sɛvɛnin ka ta waate jaan ma. Samakan bɛlɛbɛlɛ ka bɛn mɔ Tii Ala ya nɛɛma ma, Alaɲasiyanɲɛbali wolu yi wo kɔlɔ le majɛlɛmana k'a kɛ malobaliyako dailu le, ani k'ai ban Masa Tɔɔmasenin Isa lɔ, min kelenpesa yi mɔ Kuntii le, ani mɔ Tii.

Jude 1:7

Wo boloɲa kelen ma, Sɔdɔmukalu ni Gɔmɔlikalu ni ai laminin solu k'ai fɛ bila kanukɛko la, ani niikanukolu minu bɛnnin tɛ adamadenya ma. Wo le k'a kɛ, Ala k'ai latɔn habadan taa le k'ai kɛ misali le bɛ yɛ.