2 Piyɛli 2:2 - Ala Ya Salatikan Kula Kitabu

² Mɔɔ siyama kɛtɔ bilala wolu fɛ aiya malobaliyakolu lɔ, ado ka bɛn wolu ma, tuɲandeya siya ma yi finne.

2 Piyɛli 2:2 ပူးပေါင်းရင်းမြစ်များ

Matiyu 22:16

Wo le k'a kɛ, ai k'aiya kalannaden dɔlu ni Masakɛ Helodi kɔmɔɔ dɔlu lataa a ma. Wolu do vɛɛ a yɛ: «Kalanmɔɔ, mɔ k'a lɔn ne ko tuɲande le i le. I do yi mɔɔlu kalanna ka bɛn Ala ya siya ma tuɲandeya le boloma. Mɔɔ miliya tɛ i masiyanna, kamasɔlɔn i tɛ mɔɔ bɔla mɔɔ lɔ.

Matiyu 24:24

Kamasɔlɔn faɲafɔ kelalu wulitɔ, ani mɔɔ minu y'a fɔla ko ailu le Masa Tɔɔmasenin ne. Ai kɛtɔ tɔɔmase ba ni kawanankolu kɛla fɔsa Ala ya mɔɔ taninnu la yi fili, ni wo ka se kɛla.

Matiyu 7:14

Kɛɛ siya min yi taala niimaya banbali ma, wo donda dɔɔyayine, a do taama gbeleyanin. Mɔɔ dana le a yena dein.»

Malɛkɛ 12:14

Ai ka na k'a fɔ Isa yɛ, ai vɛɛ: «Kalanmɔɔ, mɔ k'a lɔn ne tuɲande le i le. Mɔɔ miliya t'i masiyanna, kamasɔlɔn i tɛ mɔɔ bɔla mɔɔ lɔ, mafɔ i yi mɔɔlu kalanna ka bɛn Ala ya siya ma tuɲandeya le boloma. Wo lɔ, i i miliya fɔ mɔ yɛ butu. Ka niisɔɔn sala Lɔmu masakɛba Sezale ma, wo ladaanyine mɔ ma, baa wo ladaannin tɛ? Mɔ ka kan ka wo sala, baa mɔ kà a sala?»

Malɛkɛ 13:22

Kamasɔlɔn faɲafɔ kelalu wulitɔ, ani mɔɔ minu y'a fɔla ko ailu le Masa Tɔɔmasenin ne. Ai kɛtɔ tɔɔmase ni kawanankolu kɛla, fɔsa Ala ya mɔɔ taninnu la yi fili, ni wo ka se kɛla.

Yohana 14:6

Isa do vɛɛ a yɛ: «Ǹe le siya le, ani tuɲa, ani niimaya. Mɔɔ suu suu tɛ se taala ǹ Fa fɛlɔ ni a ma timin ǹe fɛ.

Kɛkolu 13:10

k'a fɔ a yɛ, a vɛɛ: «Ile Soitana den, ile min joso lafanin namala ni koyon suu bɛ la, ile kotelennin lɔtiɲaba, i tɛnala i nɔningɛla mɔ Tii ya siya telenninu lɔkulukulula?

Kɛkolu 14:2

Kɛɛ Jahudiya minu k'i ban limaniya la, wolu ka siboloma gbɛlɛ mɔɔlu lɔsun limaniyamɔɔlu kanma.

Kɛkolu 16:17

A do vɛ bilala mɔ ni Pɔli nu kɔ ka to gbanɔla, a vɛɛ: «Masa Taala ya bɔidennu le ne, minu yi kisiko siya lasena ài ma.»

Kɛkolu 18:26

A ka kuma damina Aladalibon na josolagbeleya boloma. Pisila ni a kɛ́ Akuila k'a lamɛn mingɛ, ai ka taa a le ai fɛlɔ ka Ala ya siya ɲafɔ a yɛ k'a lagbɛ.

Kɛkolu 19:9

Kɛɛ a dɔlu kunnɔ ka gbeleya ka to limaniyabaliya lɔ, ka kuma yon fɔ Isa ya siya ma jama ɲakɔlɔ. Wo lɔ, Pɔli ka bɔ ai fɛ, ka taa Isa kɔbiladennu le Tilanusi ya kalankɛbon na, ka to ai kalanna je lon bɛ.

Kɛkolu 22:4

Wo lɔ, ǹ tɛɛ Isa ya siya lataamabalu jangatala bubale haan fɔɔ k'a dɔlu faa. Ǹ tɛɛ kɛ́ ni mosolu minala k'ai bila kaso la.

Kɛkolu 24:14

Kɛɛ ǹ'i ǹ lɔla min na i ɲana, wo le min ne: Ǹ'i mɔ bemanu Tii Ala batola ka bɛn Isa ya siya le ma. Mɔɔ minu do yi wo jatela diina kula le le. Kɛɛ minu sɛvɛnin Kela Musa ya Taulati ni kela dɔgbɛlɛlu ya kitabulu kɔnɔ, ǹ limaniyayine wo bɛ ma.

Lɔmukalu 2:24

A do sɛvɛnin tan ne kitabu kɔnɔ, ko: «Ala tɔɔ la yi feyala siboloma gbɛlɛ mɔɔlu bolo ka bɛn àilu le ma.»

1 Timote 5:14

Wo le y'a ma, a bɛnyine ǹ ɲana kɛsamoso singbilimandalu yi taa kɛ́ la, ka dennu sɔlɔn, ani k'ai jando aiya bonnakolu lɔ, alako mɔ juulu kana mɔ mafin dailu sɔlɔn.

Tite 2:5

ani ka kɛ jɛlɛlɔminamɔɔ ni mɔɔ sɛnɛyanin ne, ka ɲumaya, k'ai jando aiya luma baalelu lɔ, ani k'ai fanmajii ai kɛ́nu yɛ. Wo vɛ kɛla, mɔɔ foi tɛnala Ala kumakan mafinna.

Tite 2:8

ka kuma sɔvɛlu fɔ, mɔɔ tɛ se min sɔsɔla, fɔsa mɔ juulu yi maloya, ai kana kuma yon suu suu sɔlɔn k'a fɔ mɔ ma.

1 Piyɛli 2:12

Ài taamaɲa yi keinya Alalɔnbalilu tɛma, fɔsa hali ni ai k'ài mafin, ko koyonkɛba le ài le, ai y'ài kɛko ɲumalu ye ka magbiliyali di Ala ma a nalon.

2 Piyɛli 2:12

Faɲafɔ kalanmɔɔ wolu koni, ai yi kuma yonnu fɔla ka bɛn kolu ma ai ma minu ɲaye. Ai do kɛyine iwo tuukɔlɔsoo hangilindannu, minu ladannin ai minako ni ai faako kanma. Ai do halakitɔle iwo tuukɔlɔsoo wolu.

2 Piyɛli 2:15

Ai vɛ siya ɲuma bila k'ai jɛlɛ lafili. Ai do vɛ Beyɔli denkɛ Balaamu ya siya ta, telenbaliya sala sɔlɔnko diyanin tɛɛ min yɛ.

2 Piyɛli 2:18

Ai y'ai wasola kuma kundannu le, fɔsa mɔɔ minu yi kisi boloma ka bɔ mɔɔ filininnu tɛma, ai yi wolu manɛɛ ka bɛn falikolo niikanukolu ma.

2 Piyɛli 2:21

A tɛɛ bɛnne ai ma ni ai tɛɛ ma telenmandeya siya lɔn feu, jani ai tɛɛ a lɔn ka ban k'ai kɔdon jamali sɛnɛyanin na min dinin ai ma.

2 Piyɛli 2:7

Kɛɛ a ka telenmande Luti lakisi, min nii tɔlɔyanin tɛɛ bubale ka bɛn koyonkɛbalu ya malobaliyakolu ma.

Jude 1:10

Faɲafɔ kalanmɔɔ minu koni yi lafeyalikan ne fɔla ka bɛn kolu ma, ai ma minu ɲaye. Ai kɛyine iwo tuukɔlɔsoo hangilindannu, minu yi kolu kɛla ai kunfɛ, ka halaki lana ai jɛlɛ ma ko minu gbugbu sabu la.

Jude 1:15

ka adamaden bɛ ya kiti tɛɛ k'ai latɔn. A do kɛtɔ Alaɲasiyanɲɛbali bɛ jobaliyala ka bɛn aiya Alaɲasiyanɲɛbaliya kolu le ma, ani ka bɛn kuma yon minu fɔnin a kanma julumbutɔlu bolo minu tɛ siyanna Ala ɲa.»

Jude 1:4

Kamasɔlɔn mɔɔ dɔlu vɛ don ài tɛma doon nɔ, minu ya kolatɔn sɛvɛnin ka ta waate jaan ma. Samakan bɛlɛbɛlɛ ka bɛn mɔ Tii Ala ya nɛɛma ma, Alaɲasiyanɲɛbali wolu yi wo kɔlɔ le majɛlɛmana k'a kɛ malobaliyako dailu le, ani k'ai ban Masa Tɔɔmasenin Isa lɔ, min kelenpesa yi mɔ Kuntii le, ani mɔ Tii.

Jude 1:7

Wo boloɲa kelen ma, Sɔdɔmukalu ni Gɔmɔlikalu ni ai laminin solu k'ai fɛ bila kanukɛko la, ani niikanukolu minu bɛnnin tɛ adamadenya ma. Wo le k'a kɛ, Ala k'ai latɔn habadan taa le k'ai kɛ misali le bɛ yɛ.

Ko Lankɛnɛmayanin 12:9

Wo boloɲa ma, ai ka jijala ni aa mɛlɛkalu gbɛn k'ai laben duukolo kɔkan. Ale le taanin kɛla sa kɔlɔkɔlɔ ba le, ai y'a fɔla min ma ko Jebulusa niwotɛ Soitana, dunuɲa muumɛ lafiliba koni.

Ko Lankɛnɛmayanin 13:14

See min ka di a ma ka kawanankolu kɛ soofali kunfɔlɔ ɲakɔlɔ, a ka dunuɲamɔɔlu lafili wo le. A do vɛɛ ai yɛ ko ai yi soofali sawula ladan a batoko lɔ, min ma ka dimin siyamifan ne, kɛɛ a ka to a nii la.

Ko Lankɛnɛmayanin 13:8

Dunuɲamɔɔlu bɛ kɛtɔ soofali batola, mɔɔ minu tɔɔ sɛvɛnin tɛ niimaya kitabu kɔnɔ ka ta dunuɲa dan waate ma, min yi Saa Bolan ta le, ai ka min faa.