2 Piyɛli 2:18 - Ala Ya Salatikan Kula Kitabu

¹⁸ Ai y'ai wasola kuma kundannu le, fɔsa mɔɔ minu yi kisi boloma ka bɔ mɔɔ filininnu tɛma, ai yi wolu manɛɛ ka bɛn falikolo niikanukolu ma.

2 Piyɛli 2:18 ပူးပေါင်းရင်းမြစ်များ

Kɛkolu 2:40

Piyɛli ka kuma siyama la wo kɔkan ka to ai lalila, a vɛɛ: «Ài y'ài jɛlɛ lakisi ka bɔ jangata ma min natɔ bi mɔɔ yonnu kanma!»

Kɛkolu 8:9

Kɛ́ dɔ tɛɛ je, min tɔɔ tɛɛ ko Simɔn. A tɛɛ wɔimaya le kɛla so wo la ka Samaliyakalu bɛ lakawakoya. A do tɛɛ a jɛlɛ kɛla mɔɔba le le.

Lɔmukalu 13:13

Ài m'i taama mɔɔsɔvɛya boloma iwo m'i taamana teme tele gba la. Ài m'i mɔ jɛlɛ matanga dannatimin tolonnu ma, ani gbɛtɔya, ani kanukɛko, ani malobaliya, ani sɔsɔyalilu, ani keleya.

Ɛfɛsikalu 4:17

Ǹ'i min fɔla yi ne mɔ Tii tɔɔ lɔ k'a magbeleya, ǹ ko, ài kà kɛ taamana butu iwo Alalɔnbalilu y'a kɛla teme ai miliya fuun ne.

2 Tɛsalonikakalu 2:4

Mɔɔlu y'a fɔla fen fen si ma ko ai tii, ani ai yi fen fen si batola, kɛ́ wo kɛtɔ a wulila wolu bɛ le kanma, haan fɔɔ ka taa don Ala ya lɔhɔlɔmabonba gbu kɔnɔ, k'i sii je k'a fɔ a jɛlɛ ma ko Ala.

Janguba 5:5

Ài vɛ àiya dunuɲalɔtɛɛ kɛ banaya lɔ k'ài jɛlɛ diyabɔ. Ài do vɛ ài jɛlɛ labuɲa iwo kolofennu ka bɛn ài kannatɛɛ lon ma.

2 Piyɛli 1:4

Ka bɛn ko wolu ma, a na lahedi kulugbɛlɛn babalu tala mɔ yɛ, fɔsa lahedi wolu fɛ, ài yi kisi ka bɔ dunuɲa kolɔtiɲalu lɔ minu yi nala niikanuko yonnu fɛ, ani ài y'ài ta sɔlɔn Ala ya foniseleya lɔ.

2 Piyɛli 2:14

Waate bɛ, ai ɲa yi bɔla mosolu la jalonya boloma. Ai tɛ wasala julumbu tako lɔ. Ai yi sɔɔ lasiila mɔɔlu ɲa minu sawatinin tɛ limaniya lɔ. Ai josokun lafanin natabaya le le. Daantɔ le ai le.

2 Piyɛli 2:2

Mɔɔ siyama kɛtɔ bilala wolu fɛ aiya malobaliyakolu lɔ, ado ka bɛn wolu ma, tuɲandeya siya ma yi finne.

2 Piyɛli 2:20

Ado ni mɔɔ minu k'ai sen bɔ dunuɲa kokɔsɔninnu lɔ ka bɛn mɔ Tii ni mɔ Lakisiba Masa Tɔɔmasenin Isa lɔnko ma, ni ko wolu k'ai mina ka see sɔlɔn ai ma kɔtunun, wo vɛ kɛla, mɔɔ wolu laban kɛwonyatɔle ka timin a kunfɔlɔ ta la.

2 Piyɛli 2:7

Kɛɛ a ka telenmande Luti lakisi, min nii tɔlɔyanin tɛɛ bubale ka bɛn koyonkɛbalu ya malobaliyakolu ma.

2 Piyɛli 3:17

Àilu ǹ diyananmɔɔlu koni, komi ài la vɛ sovi, wo lɔ, ài y'ài jando ài jɛlɛ lɔ fɔsa ài la kana fili seliya sɔsɔbalu bolo k'ài bɔ ài lɔya bamanin nɔ.

Jude 1:13

Ai kɛyine iwo kɔɔji kilinkilin magbɛlɛn min yi taa ni sei kɛla, aiya malobaliyakolu vɛ bɔla gbɛ la iwo kɔɔji kaanvu yi bɔla teme. Ai do kɛyine kɔtunun iwo loloni minu yi timintiminna sanma. Divi fin mainmain le ladalonin ai kanma kudein.

Ko Lankɛnɛmayanin 13:11

Wo kɔ, ǹ ka soofali dɔgbɛlɛ bɔtɔla ye duukolo kɔlɔ, kele fila tɛɛ min ma iwo saa bolan, a vɛ kumala iwo jijala.