2 Piyɛli 2:13 - Ala Ya Salatikan Kula Kitabu

¹³ Ai na koyon minu kɛla, wo ɲɔɔzii le kɛtɔ kɛla ai sala le. A do diyayine ai yɛ ka manamanakolu kɛ tele gba la. Ni ai vɛ kɛla ài tɛma àiya feetikɛya lɔ, ai àiya kolu lakɔsɔla k'ài lanɔɔ, ai v'ai jɛlɛ diyabɔla aiya janvandeyakolu le.

2 Piyɛli 2:13 ပူးပေါင်းရင်းမြစ်များ

Lɔmukalu 13:13

Ài m'i taama mɔɔsɔvɛya boloma iwo m'i taamana teme tele gba la. Ài m'i mɔ jɛlɛ matanga dannatimin tolonnu ma, ani gbɛtɔya, ani kanukɛko, ani malobaliya, ani sɔsɔyalilu, ani keleya.

Ɛfɛsikalu 5:27

A na wo bɛ kɛla fɔsa limaniyajama nɔɔlɔnin yi lɔ a ɲakɔlɔ sɛnɛya ni jalakibaliya boloma, kɔsɔ tɛ min ma, kumatɛ fɛɛ suu suu ma.

Filipikalu 3:19

Mɔɔ wolu labantɔ halaki le ma. Aiya noomaya le ai tii le. Ai y'ai jɛlɛ matɔɔla ka bɛn ai lamaloyakolu le ma, ado ai nii lanin dunuɲakolu le kɔkan.

2 Timote 4:14

Alɛzandele min yi siyaki le, wo na koyon siyama le kɛla ǹ na. Mɔ Tii do kɛtɔ a salala ka bɛn a kɛko wolu ma.

Janguba 5:5

Ài vɛ àiya dunuɲalɔtɛɛ kɛ banaya lɔ k'ài jɛlɛ diyabɔ. Ài do vɛ ài jɛlɛ labuɲa iwo kolofennu ka bɛn ài kannatɛɛ lon ma.

1 Piyɛli 4:4

Àiya ko vɛ Alalɔnbalilu kawakoya, kamasɔlɔn ài tɛ lala ai kɔkan butu aiya manamanakolu lɔ, wo le n'a kɛla, ai y'ài tɔɔ yon fɔla yi ne.

2 Piyɛli 2:15

Ai vɛ siya ɲuma bila k'ai jɛlɛ lafili. Ai do vɛ Beyɔli denkɛ Balaamu ya siya ta, telenbaliya sala sɔlɔnko diyanin tɛɛ min yɛ.

Ko Lankɛnɛmayanin 18:6

Ài y'a sala iwo a na dɔlu salala teme. A n'a kɛko minu kɛla, ài y'a sala wo ɲɔɔzii fila la. A na mɔɔlu laminna gbɛ ɲaaminin min na, ài y'aa jiyafɛ lafa gbɛ dɔ la min faiyanin ka timin wo la siɲa fila le.