2 Piyɛli 1:6 - Ala Ya Salatikan Kula Kitabu

⁶ ka jɛlɛlɔmina la àiya lɔnni kɔkan, ka sawali la àiya jɛlɛlɔmina kɔkan, ka Alaɲasiyanɲɛ la àiya sawali kɔkan,

2 Piyɛli 1:6 ပူးပေါင်းရင်းမြစ်များ

Luka 21:19

Wo le y'a ma, ài y'ài lɔgbeleya, fɔsa ài nii la yi kisi.

Luka 8:15

Malo minu na benna duu kein kan, wolu le mɔɔlu le minu yi Ala kumakan mɛnna, k'ai bolo kɛ a la ai josokun ɲuma lɔ, min telenin. A do yi sawatila ai ma ka bɛn aiya sawali ma.»

Kɛkolu 24:25

A do ka to kumala ka bɛn telenmandeyako ni jɛlɛlɔminako ani kititɛɛlon ko ma, haan fɔɔ Felisi ka siyan. A do vɛɛ Pɔli yɛ: «A to ten, taa bene. M̀'ɛ waate sɔlɔnna, ǹ kɛtɔ i kilila kɔtunun.»

Lɔmukalu 15:4

Ko minu bɛ sɛvɛnin kɔlɔkɔlɔ le, wolu sɛvɛnin mɔ kalanko le lɔ, fɔsa m'i jeisii sɔlɔn ka bɛn sawali ni sɛmɛdonko ma, lɔhɔlɔma kitabulu yi minu dila mɔ ma.

Lɔmukalu 2:7

Wo ma, mɔɔ minu sawalinin aiya koɲumakɛko ma fɔsa ai yi magbiliyali ni buɲali ni habadan niimaya ɲinin ai jɛlɛ yɛ, Ala kɛtɔ niimaya banbali dila wolu le ma.

Lɔmukalu 8:25

Kɛɛ ni mɔ jei siinin ka kɛ ko yenbali dɔ la, m'i wo makɔnɔna sawali le boloma.

1 Kolɛntikalu 9:25

Mɔɔ minu yi bɔli suu wo kɛla, wolu bɛ le y'ai jɛlɛ lɔminala k'ai bolo bɔ ko bɛ lɔ, fɔsa ai yi jala sɔlɔn min yi tiɲata le. Kɛɛ ǹu do yi mɔ ta kɛla jala tiɲabali sɔlɔnko le lɔ.

2 Kolɛntikalu 6:4

Ǹu koni y'a jiyala ko bɛ lɔ ko Ala ya bɔiden ne mɔ le. Tɔlɔya kunyine mɔ lɔ, ani gbɛlɛgbɛlɛ ni masuwakolu.

Galatiyakalu 5:23

sɔniyali, ani jɛlɛlɔmina. Seliya pa tɛ je ko suu wolu kanma.

Kɔlɔsikalu 1:11

M'i Ala dalila kɔtunun k'a fɔ ko a ài sɛmɛdon boloɲa suu bɛ ma ka bɛn aa fanga makawanin ma, fɔsa ài yi se ko bɛ minala ài ma sawali ni josoladiya boloma.

1 Tɛsalonikakalu 1:3

Mɔ Fa Ala ɲakɔlɔ, mɔ hangili toyine ài kɛkolu lɔ limaniya lɔ, ani àiya baalelu kanundeya lɔ, ani àiya sawali ka bɛn ai jeisiiko ma mɔ Tii Masa Tɔɔmasenin Isa la.

2 Tɛsalonikakalu 1:4

Wo le n'a kɛla, ǹu gbu ɲalɔkɛnɛyanin àiya ko lasenko lɔ Ala ya limaniyajamalu ma, kamasɔlɔn ài yi jangata ni gbalo suu bɛ le minala ài ma, k'ài bolo kɛ àiya limaniya la kpekpe.

2 Tɛsalonikakalu 3:5

Mɔ Tii y'ài josokun daka Ala ya kanundeya yɛ, ani Masa Tɔɔmasenin ya sawali.

1 Timote 2:10

mafɔ ai kɛko ɲumalu, iwo a bɛnnin teme mosolu ma minu y'a fɔla ai jɛlɛ ma ko Alaɲasiyanɲɛmɔɔ.

1 Timote 2:2

Ài m'i Ala dali masakɛlu ni jamana ɲamɔɔlu bɛ yɛ, fɔsa m'i maa dunuɲalɔtɛɛ kɛ josolajii ni hɛlɛ lɔ, Alaɲasiyanɲɛ ni mɔɔsɔvɛya lɔ.

1 Timote 3:16

Bɛ k'a lɔn ne Alaɲasiyanɲɛ yi gbonoko ba le le, ko: A la ka nkɛnɛmaya mɔɔnivin falikolo lɔ, Nii Sɛnɛyanin ka aa telenmandeya jiya, ado mɛlɛkalu ka a ye. Aa ko la ka se siboloma gbɛlɛ mɔɔlu tɛma, ani mɔɔlu ka limaniya a ma dunuɲa. A do la ka jɛlɛ Ala bolo ka don nɔɔlɔ lɔ.

1 Timote 6:11

Ile Ala ya mɔɔ koni, i i jɛlɛ matanga ko wolu ma, ka bɔli telenmandeya kɔ, ani Alaɲasiyanɲɛ, ani limaniya, ani kanundeya, ani sawali, ani sɔniyali.

1 Timote 6:3

Ni mɔɔ mɔɔ ka na kalan gbɛlɛ le, min ni mɔ Tii Masa Tɔɔmasenin Isa ya kuma sɔvɛlu tɛ kelen ne, niwotɛ min bɛnnin tɛ Alaɲasiyanɲɛ ma,

1 Timote 6:6

Tuɲa le, Ala ya siya lataamanko yi nala nafolo ba le le, ni i sɔlɔnfen k'i ɲɛnɛ.

2 Timote 3:5

Ai do kɛtɔ ai jɛlɛ kɛla mɔɔlu ɲana iwo Alaɲasiyanɲɛmɔɔ, k'a talan ai v'i ban Ala fanga lɔ. I i majaan mɔɔ kaija wolu la feu.

Tite 1:1

Ǹe Pɔli le yi lɛtɛlɛ min sɛvɛla, ǹe min yi Ala ya bɔiden ne ani Masa Tɔɔmasenin Isa ya keladen. Ǹ tayine ka ǹ kelaya ko ǹ'i Ala ya mɔɔ taninnu madɛmɛn aiya limaniya lɔ, k'ai lalɔnni tuɲa la min y'ai taamaɲa bɛn Ala ɲakɔlɔ,

Tite 1:8

Kɛɛ fɔ a yi kɛ jetii ɲuma le le, ani koɲuma ladiyaɲɛba, ani hangilima, ani telenmande, ani mɔɔ sɛnɛyanin, ani jɛlɛlɔminamɔɔ.

Tite 2:2

A fɔ kɛmɔbalu yɛ ko ai yi kɛ mɔɔ sɔvɛ le, k'ai jɛlɛ buɲa, ani k'ai jɛlɛ lɔmina, ani ka sawati limaniya ni kanundeya ni sawali lɔ.

Hebululu 10:36

Ài mako yi sawali la, fɔsa ài vɛ banna Ala sawonanko kɛla, ài yi balayi sɔlɔn min lahedi tanin.

Hebululu 12:1

Komi mɔ lamininnin sele jama ba suu min ne, wo le y'a ma, ài m'i ko bɛ to je min yi mɔ lasumayala ani julumbu minu ta diyanin mɔ bolo, fɔsa m'i se bɔli manɔla min latɛɛnin mɔ ma,

Hebululu 6:12

Wo ma, ài kà kɛ saakɔlɔ le, mafɔ ài y'ài suma mɔɔ wolu ma, minu yi Ala ya lahedi taninnu sɔlɔnna ka bɛn aiya limaniya ni aiya sawali ma.

Hebululu 6:15

Ibulahima do k'a sawali haan fɔɔ a ka lahedi tanin sɔlɔn.

2 Piyɛli 1:3

Aa foniseleya vɛ wo bɛ di mɔ ma, mɔ mako yi minu la niimayakɛko ni Ala ya siya lataamanko lɔ, ka bɛn a lɔnko ma mɔ bolo, ale min na mɔ kilila a jɛlɛkanu ya magbiliyali ni aa ɲumaya fɛ.

2 Piyɛli 3:11

Komi fen wolu bɛ kɛtɔ halakila ten ne, ài ka kan ka kɛ mɔɔ suu mindɛ le wo lɔ? Fɔ ài yi kɛ taamana sɛnɛyali ni Alaɲasiyanɲɛ bolo le ma,

Ko Lankɛnɛmayanin 1:9

Ǹe ài badenma Yohana min y'ài lankan ne àiya jangatalu lɔ, ani àiya masaya, ani àiya sawali Masa Tɔɔmasenin ya kafonɲɔɔya lɔ, ǹ tɛɛ kaso la Patimɔsi kɔɔtɛmaduu lɔ ka bɛn Ala kumakan ne ma, ani Isa ya seleyakan.

Ko Lankɛnɛmayanin 13:10

Ni mɔɔ min ka kan ka mina jɔnya boloma, wo tii yi taa jɔnya lɔ. Ni mɔɔ min do ka kan ka faa siyamifan ne, wo tii yi faa siyamifan ne. Wo ma, fɔ mumininnu y'ai sawali ka to limaniya lɔ.

Ko Lankɛnɛmayanin 14:12

Wo le y'a ma, fɔ mumininnu y'ai sawali, ailu minu yi Ala ya jamalilu latelenna k'ai bolo kɛ aiya limaniya la Isa ma.

Ko Lankɛnɛmayanin 2:2

« ‹Ǹ k'i kɛkolu lɔn, ani iya baale gbɛlɛnnu, ani iya sawali. Ǹ k'a lɔn fana ko i tɛ diɲala mɔɔ yonnu ya ko ma, mafɔ i vɛ mɔɔ wolu lakɔlɔsi minu y'a fɔla ai jɛlɛ ma ko Isa ya keladennu, k'a talan ai tɛ wo le. I do v'a ye ko faɲafɔba le ai le.