2 Piyɛli 1:5 - Ala Ya Salatikan Kula Kitabu

⁵ Ka bɛn wo gbugbu ma, ài y'ài lɔja ka ɲumaya la àiya limaniya kɔkan, ka lɔnni la àiya ɲumaya kɔkan,

2 Piyɛli 1:5 ပူးပေါင်းရင်းမြစ်များ

Luka 16:26

Wo bɛ kɔ, folon ba dɛgbɛ le lanin ǹu ni àilu tɛma, fɔsa mɔɔ foi kana bɔ jan ka taa ài fɛlɔ, niwotɛ ka bɔ ài fɛlɔ ka na jan.›

Luka 24:21

Mɔ jei siinin tɛɛ ale le la Bani Isilankalu kunmakako lɔ, kɛɛ ko wolu kɛnin vɛ, a tele sawana le ne.

Yohana 6:27

Ài kà baale kɛ dɔnnifenko lɔ min yi tolinna, mafɔ min yi mɛnna ka niimaya banbali di, Mɔɔnivin Tanin kɛtɔ min dila ài ma, kamasɔlɔn mɔ Fa Ala vɛ aa seetiiya tɔɔmase bila a kan.»

1 Kolɛntikalu 14:20

M̀ badenmalu, ài hangili kà kɛ iwo dennilu. Koyon ta fannɔ, ài yi kɛ iwo denɲanin, kɛɛ hangilimaya ta fannɔ, ài yi kɛ kɛmɔbalu le.

Ɛfɛsikalu 5:17

Wo ma, ài kà kɛ hangilindan ne, mafɔ ài y'ài lɔja ka mɔ Tii sawo lɔn.

Filipikalu 1:9

Ǹ'i Ala dalila ài yɛ fɔsa àiya ɲɔɔkanu yi to walala lɔnni ni koɲaye dafanin boloma,

Filipikalu 2:12

Wo lɔ saa, ǹ diyananmɔɔlu, iwo ài deinin tɛɛ Ala kumakan labatola teme ǹ ɲakɔlɔ, wo boloɲa kelen ma, hali m̀ ma kɛ ài fɛlɔ yi ne, ài y'a labato kɔtunun k'a timin a kunfɔlɔ ta la, ka to aiya kisiko dafa ɲaɲininna siyan ni buɲali boloma.

Filipikalu 4:8

Ka ǹa kuma laban m̀ badenmalu, ǹ'a fɛ ài yi kɛ ài milila ko minu ma, wolu le ne: ko minu yi tuɲa le, magbiliyalikolu, kotelenninu, kosɛnɛyaninnu, kokeinnu, kobɛnninu, ani ko minu ni matɔɔli kaannin.

Kɔlɔsikalu 1:9

Wo le n'a kɛla, ka ta mɔ na àiya ko mɛnna lon min na, mɔ ma mɔ nɔningɛ Ala dalila ka bɛn ài ma, fɔsa ài yi Ala sawo dafanin lɔn ka bɛn hangilimaya ni koɲaye suu bɛ ma, Nii Sɛnɛyanin yi minu dila.

Kɔlɔsikalu 2:3

hangilimaya ni lɔnni nafololu bɛ doonnin ale le lɔ.

Hebululu 11:6

Ka bɔ limaniya kɔ, mɔɔ tɛ se diyala Ala yɛ feu. Ni mɔɔ min y'a fɛ k'i masulunya Ala la, fɔ wo tii yi limaniya k'a fɔ ko Ala yi je, ani a yi mɔɔlu balayila minu y'a ɲininna.

Hebululu 12:15

Ài y'ài jando ài jɛlɛ lɔ, fɔsa mɔɔ suu suu kana fo Ala ya nɛɛma la. Lilen yon kà fɛlɛn ài josokun nɔ min yi kɛ sabu le ka fitina lawuli mɔɔlu wotɛ ka mɔɔ siyama lakɔsɔ.

Hebululu 6:11

M'a fɛ le ài kelenkelenna bɛ sɛmɛdonnin yi to wo boloɲa kelen ma, fɔsa ài bolo kɛnin yi to ài jeisii la haan fɔɔ a laban nɔ.

1 Piyɛli 3:7

Àilu kɛ́lu fana y'ài mosolu lɔmina koɲaye boloma, k'ài hangili to aiya fangandanya lɔ. Wo lɔ, ài y'ai buɲa, kamasɔlɔn Ala yi niimaya min dila aa nɛɛma lɔ, ài bɛ le kɛtɔ wo sɔlɔnna i ɲɔɔ fɛ. Ài yi wo kɛ, fɔsa ko ko si kana àiya Aladalilu lakoli.

2 Piyɛli 1:10

Wo le y'a ma, m̀ badenmalu, Ala n'ài kilila k'ài ta ko min kanma, ài y'ài lɔgbeleya k'a dɔ la wo kɔkan. Ni ài do ka wo kɛ, ài sen tɛnala tuula tuun k'ài ben.

2 Piyɛli 1:11

Wo boloɲa ma, siya yi dile ài ma feu ài donko lɔ mɔ Tii ni mɔ Lakisiba Masa Tɔɔmasenin Isa ya habadan masaya lɔ.

2 Piyɛli 3:14

Wo lɔ saa, ǹ diyananmɔɔlu, ài vɛ kɛla ko wolu makɔnɔna, ài y'ài lɔja, wo y'ài talan josolajii ni sɛnɛya ni jalakibaliya lɔ.

2 Piyɛli 3:18

Kɛɛ ài yi to taala ɲafɛ mɔ Tii ni mɔ Lakisiba Masa Tɔɔmasenin Isa ya nɛɛma ni aa lɔnni lɔ. Magbiliyali a yɛ tandainɔ ani waate bɛ. Amiina.