2 Piyɛli 1:4 - Ala Ya Salatikan Kula Kitabu

⁴ Ka bɛn ko wolu ma, a na lahedi kulugbɛlɛn babalu tala mɔ yɛ, fɔsa lahedi wolu fɛ, ài yi kisi ka bɔ dunuɲa kolɔtiɲalu lɔ minu yi nala niikanuko yonnu fɛ, ani ài y'ài ta sɔlɔn Ala ya foniseleya lɔ.

2 Piyɛli 1:4 ပူးပေါင်းရင်းမြစ်များ

Lɔmukalu 9:4

Bani Isilanka le ai le, Ala na minu kɛla a jɛlɛkanu dennu le, ka aa magbiliyali jiya ai la, ka salatikannu ta ale ni ailu wotɛ, ani ka aa seliya di ai ma. Ai do vɛ batokɛɲa bɛlɛbɛlɛ sɔlɔn, ani Ala ya lahedilu.

2 Kolɛntikalu 1:20

Kamasɔlɔn Ala na lahedi suu suu tala, wo bɛ ma yi fala Isa le sabu la. Wo le y'a kɛla, m'a fɔla «amiina» ka bɛn ale le ma, Ala magbiliyako lɔ.

2 Kolɛntikalu 3:18

Faani bilinnin tɛ ǹu minu ɲa la, m'i mɔ Tii nɔɔlɔ jiyala iwo jiya yi yena duwalen nɔ teme. Wo ma, mɔ Tii min kɛnin Nii Sɛnɛyanin ne, wo yi mɔ mafalinna ka mɔ kɛ iwo ale gbu, ka nɔɔlɔ dɔ la a dɔ kɔkan waate bɛ.

2 Kolɛntikalu 6:17

Wo le y'a ma, mɔ Tii k'a fɔ kɔtunun, a vɛɛ: «Ài yi bɔ ai tɛma ka falan ai la. Ài do k'ài bolo tuu fen kɔsɔnin foi la, wo vɛ kɛla, ǹ kɛtɔ m̀ bolo siila ài kɔlɔ.

Galatiyakalu 3:16

Ado Ala ka lahedi ta Nabi Ibulahima ni a bɔzɔn ne yɛ. Wo lɔ, a sɛvɛnin tɛ kitabu kɔnɔ ko: «a bɔzɔnnu,» ka kɛ iwo mɔɔ siyama, mafɔ a sɛvɛnin ko: «a bɔzɔn,» min taanin kɛla Masa Tɔɔmasenin ne.

Galatiyakalu 6:8

Ni mɔɔ min k'a falikolo ladiyanankolu sɛnɛ, wo tii kɛtɔ a halakiko le kalila. Kɛɛ do, ni mɔɔ min ka Nii Sɛnɛyanin diyanankolu sɛnɛ, wo tii kɛtɔ niimaya banbali le kalila Nii Sɛnɛyanin fɛ.

Ɛfɛsikalu 4:13

Wo do kɛtɔ tola i lɔ haan fɔɔ mɔ bɛ vɛ bɛnna a lɔ ka bɛn limaniya ma, ani ka bɛn Ala Denkɛ ya lɔnni ma, ka mɔ kɛ kɛmɔbalu le, ka se Masa Tɔɔmasenin gbu dafaɲa jate ma.

Kɔlɔsikalu 3:10

Ài do vɛ dajoo kula ta, min ma yi falinna kudein ka kɛ a kula le, fɔsa ài yi wo lɔn bɛlɛbɛlɛ kɛ min na a ladanna a jɛlɛkanu sawula lɔ.

Hebululu 12:10

Mɔ fanu tɛɛ mɔ makolola waateni le kɔlɔ iwo a bɛnnin tɛɛ ai ma teme. Kɛɛ Ala do yi mɔ makolola ka bɛn mɔ jɛlɛkanu nafako le ma, fɔsa mɔ fɛ yi kɛ aa sɛnɛyali la.

Hebululu 9:15

Wo le y'a ma, Isa le mɔɔwotɛlɔbɛnba le salatikan kula lɔ, fɔsa mɔɔ minu kilinin Ala bolo, wolu yi habadan balayi sɔlɔn min lahedi tanin. Kamasɔlɔn saya le kɛnin mɔɔlu kunmakako lɔ k'ai bɔ aiya hakɛlu lɔ, ai na minu tala salatikan kunfɔlɔ waate lɔ.

Janguba 1:27

Diina siya min sɛnɛyanin mɔ Fa Ala ɲakɔlɔ, fɛɛ pa tɛ min na, wo le k'i jando failanilu ni kɛsamosolu lɔ aiya tɔlɔya waate lɔ, ani k'i jɛlɛ matanga dunuɲa kokɔsɔnin bɛ ma.

2 Piyɛli 1:1

Ǹe Simɔn Piyɛli le yi lɛtɛlɛ min sɛvɛla, ǹe min yi Masa Tɔɔmasenin Isa ya bɔiden ni aa keladen ne. Ǹ'a lataala àilu le ma minu vɛ limaniya kulugbɛlɛn sɔlɔn iwo ǹu, ka bɛn mɔ Tii Ala ni Lakisilikɛba Masa Tɔɔmasenin Isa ya telenmandeya ma.

2 Piyɛli 3:13

Kɛɛ ǹu koni yi sangbolo ni duukolo kula le makɔnɔna min lahedi tanin Ala bolo, telenmandeya makɛnin tɛɛminja.

2 Piyɛli 3:9

Mɔ Tii kunsumanin tɛ aa lahedi mafako lɔ iwo a dɔlu y'ai milila teme. A do y'ài minala sawali bolo le ma, kamasɔlɔn a t'a fɛ mɔɔ foi yi halaki, mafɔ bɛ y'ai jɛlɛ lasei a ma.

1 Yohana 2:25

Masa Tɔɔmasenin na lahedi min tala mɔ yɛ, wo le min ne: niimaya banbali.

1 Yohana 3:2

Ǹ diyananmɔɔlu, Ala den ne mɔ le tandainɔ! Kɛɛ mɔ kɛtɔ teme, wo la ma nkɛnɛmaya ba bene. Ǹu koni k'a lɔn ne ni Masa Tɔɔmasenin la ka nkɛnɛmaya waate min nɔ, mɔ kɛtɔle iwo ale, kamasɔlɔn mɔ kɛtɔ a yena iwo a gbu yi teme.