2 Piyɛli 1:3 - Ala Ya Salatikan Kula Kitabu

³ Aa foniseleya vɛ wo bɛ di mɔ ma, mɔ mako yi minu la niimayakɛko ni Ala ya siya lataamanko lɔ, ka bɛn a lɔnko ma mɔ bolo, ale min na mɔ kilila a jɛlɛkanu ya magbiliyali ni aa ɲumaya fɛ.

2 Piyɛli 1:3 ပူးပေါင်းရင်းမြစ်များ

Matiyu 28:18

Isa k'i madon ai la k'a fɔ ai yɛ, a vɛɛ: «See bɛ vɛ di m̀ ma duukolo kɔkan, ani haijɛnɛ.

Lɔmukalu 8:32

Ala min ma saya lagban a jɛlɛkanu Denkɛ kunna, mafɔ ka wo di mɔ bɛ ya ko lɔ, jalasa a tɛnala mɔ sɔla fen bɛ la fana?

Lɔmukalu 9:24

Hali ǹu minu kilinin Ala bolo, mɔ bɛ kilinin tɛ ka bɔ Jahudiyalu tɛma dein, mafɔ siboloma gbɛlɛ mɔɔlu fana.

1 Kolɛntikalu 1:9

Ala yi lanande le le, ale min n'ài kilila k'ài ladon a Denkɛ ya kafonɲɔɔya lɔ, min taanin kɛla mɔ Tii Masa Tɔɔmasenin Isa le.

2 Kolɛntikalu 12:9

Kɛɛ a do k'a fɔ ǹ yɛ, a vɛɛ: «Ǹ na nɛɛma min kɛla i yɛ, wo y'i wasa, kamasɔlɔn ǹa seetiiya yi jiyala fangandanya le lɔ.» Wo le n'a kɛla, ǹ kɛtɔ ǹ jɛlɛ matɔɔla sawa boloma ka bɛn ǹa fangandanya ma, fɔsa Masa Tɔɔmasenin ya seetiiya yi to ǹ kan.

Ɛfɛsikalu 4:1

Ǹe min kɛnin kasoden ne mɔ Tii ya ko lɔ, ǹ'a fɔla ài yɛ k'a magbeleya, ǹ ko, Ala n'ài kilila min kanma, ài taamaɲa yi bɛn wo ma.

Ɛfɛsikalu 4:4

Mɔ bɛ dɛnnin falikolo kelen ne la, ani Nii Sɛnɛyanin kelen, iwo ài kilinin teme jeisii kelen kanma.

Filipikalu 3:8

Tuɲa le, ǹ'i ko bɛ jatela bɔnɔ le le, kamasɔlɔn ka ǹ Tii Masa Tɔɔmasenin Isa lɔn, wo kulugbeleyanin vɛ ko bɛ le. Ale ya ko lɔ, m̀'ɛ bɔnɔ ko bɛ la ka wo bɛ jate iwo ɲama, fɔsa ǹ'i Masa Tɔɔmasenin sɔlɔn,

Filipikalu 4:8

Ka ǹa kuma laban m̀ badenmalu, ǹ'a fɛ ài yi kɛ ài milila ko minu ma, wolu le ne: ko minu yi tuɲa le, magbiliyalikolu, kotelenninu, kosɛnɛyaninnu, kokeinnu, kobɛnninu, ani ko minu ni matɔɔli kaannin.

Kɔlɔsikalu 1:16

Kamasɔlɔn fen bɛ ladannin ale le sabu la sangbolo lɔ ani duukolo kɔkan: fen yentalu, fen yenbalilu, masalu, seetiilu, fangatiilu, ani kuntiilu. Fen bɛ ladannin ale le sabu la, ani ale le yɛ.

1 Tɛsalonikakalu 2:12

Mɔ tɛɛ ài lalila, k'ài sɛmɛdon, ani k'a fɔ ài yɛ k'a magbeleya ko ài yi Ala buɲa ài taamaɲa lɔ, ale min y'ài kilila k'ài ladon aa masaya ni aa magbiliyali lɔ.

1 Tɛsalonikakalu 4:7

Kamasɔlɔn Ala ma mɔ kili kokɔsɔninnu kanma, mafɔ sɛnɛyali.

2 Tɛsalonikakalu 2:14

Ala n'ài kilila wo le lɔ maa Samakan Kein ya kawanili sabu la, fɔsa àilu fana y'ài ta sɔlɔn mɔ Tii Masa Tɔɔmasenin Isa ya magbiliyali lɔ.

1 Timote 4:8

K'i fali makolo, wo yi nala nafa dɔ le le. Kɛɛ Alaɲasiyanɲɛ yi nala nafa le le boloɲa bɛ ma, kamasɔlɔn a yi mɔɔ madɛmɛnna iya dunuɲalɔtɛɛ le lɔ ani ka balayi lase i ma kiyama.

2 Timote 1:9

min na mɔ lakisila, ka mɔ kili ka mɔ kɛ aa mɔɔ sɛnɛyaninnu le. Wo do ma kɛ ka bɛn mɔ kɛkolu ma, mafɔ a jɛlɛkanu ya kolatɛɛnin ma, ani aa nɛɛma min dinin mɔ ma Masa Tɔɔmasenin Isa ya kafonɲɔɔya lɔ, jani dunuɲa tɛɛ dan.

Hebululu 1:3

Ale le Ala ya magbiliyali nɔɔlɔ le, ani a kɛɲa jiyaba bɛlɛbɛlɛ, ado dunuɲa kɔnɔlɔfen bɛ y'ai nɔ lɔ ka bɛn a kumakan fangama le ma. A ka ban mɔɔlu lasɛnɛyala k'ai julumbulu bɔ ai ma mingɛ, a ka t'i sii Masa Kɔlɔtaninba bolokini fannɔ haijɛnɛ.

1 Piyɛli 1:15

mafɔ ài yi sɛnɛya ài kɛkolu bɛ lɔ iwo Ala sɛnɛyanin teme min n'ài kilila.

1 Piyɛli 1:5

àilu minu lakananin Ala ya foniseleya lɔ ka bɛn àiya limaniya ma, fɔsa ài yi kisili sɔlɔn min la kɛtɔ nkɛnɛmayala dunuɲa laban waate.

1 Piyɛli 2:21

Ài kilinin wo le kanma, kamasɔlɔn Masa Tɔɔmasenin gbu le na tɔlɔya masɔlɔnna ka bɛn àiya ko ma, ka wo kɛ misali le ài yɛ, fɔsa àilu gbu yi taama a sennɔ lɔ.

1 Piyɛli 2:9

Kɛɛ àilu do yi bɔzɔn ne le min tanin mɔɔlu tɛma, ani Masaba ya salakalasebalu, ani siboloma min bilanin a ta fan Ala yɛ, ani a jɛlɛkanu mɔɔ kulugbɛlɛnnu, fɔsa ài yi kɛ a kɛko ɲuma balu lasena, ale min n'ài kilila k'ài labɔ divi lɔ k'ài ladon aa kɛnɛya makawanin nɔ.

1 Piyɛli 3:9

Ài kà koyon sala koyon ne, niwotɛ ka jɛvɛli sala jɛvɛli le. Kɛɛ ài yi duwawu le kɛ ài tɔlɔyabalu yɛ, kamasɔlɔn ài kilinin Ala bolo wo le kanma fɔsa ài yi balaka sɔlɔn min ladalonin ài yɛ.

1 Piyɛli 5:10

Ado ài vɛ banna tɔlɔyala waateni kɔlɔ, Nɛɛmatii Ala min n'ài kilila aa habadan magbiliyali kanma Masa Tɔɔmasenin ya kafonɲɔɔya lɔ, ale gbu le kɛtɔ ài lasiila kula le, ka fanga di ài ma, ani k'ài bama kili.

2 Piyɛli 1:10

Wo le y'a ma, m̀ badenmalu, Ala n'ài kilila k'ài ta ko min kanma, ài y'ài lɔgbeleya k'a dɔ la wo kɔkan. Ni ài do ka wo kɛ, ài sen tɛnala tuula tuun k'ài ben.

2 Piyɛli 1:2

Nɛɛma ni josolajii yi kɛ ài yɛ kosɛvɛ ka bɛn Ala ni mɔ Tii Isa lɔnko ma.

2 Piyɛli 1:5

Ka bɛn wo gbugbu ma, ài y'ài lɔja ka ɲumaya la àiya limaniya kɔkan, ka lɔnni la àiya ɲumaya kɔkan,

2 Piyɛli 1:6

ka jɛlɛlɔmina la àiya lɔnni kɔkan, ka sawali la àiya jɛlɛlɔmina kɔkan, ka Alaɲasiyanɲɛ la àiya sawali kɔkan,

2 Piyɛli 1:8

Ni dajoo minu ka to ài la, ani k'ai sawati ài lɔ, ài tɛnala kɛla mɔɔ fofo ni nafandan ne mɔ Tii Masa Tɔɔmasenin Isa lɔnko lɔ.

2 Piyɛli 2:20

Ado ni mɔɔ minu k'ai sen bɔ dunuɲa kokɔsɔninnu lɔ ka bɛn mɔ Tii ni mɔ Lakisiba Masa Tɔɔmasenin Isa lɔnko ma, ni ko wolu k'ai mina ka see sɔlɔn ai ma kɔtunun, wo vɛ kɛla, mɔɔ wolu laban kɛwonyatɔle ka timin a kunfɔlɔ ta la.

2 Piyɛli 3:18

Kɛɛ ài yi to taala ɲafɛ mɔ Tii ni mɔ Lakisiba Masa Tɔɔmasenin Isa ya nɛɛma ni aa lɔnni lɔ. Magbiliyali a yɛ tandainɔ ani waate bɛ. Amiina.