2 Piyɛli 1:21 - Ala Ya Salatikan Kula Kitabu

²¹ Kamasɔlɔn kelayakuma foi ma bɔ adamaden sawo lɔ feu, mafɔ mɔɔlu ka Ala kumakannu fɔ iwo Nii Sɛnɛyanin k'ai lɔ a la teme.

2 Piyɛli 1:21 ပူးပေါင်းရင်းမြစ်များ

Malɛkɛ 12:36

Dawuda gbu ka kuma Nii Sɛnɛyanin sabu la, a vɛɛ: ‹Mɔ Tii n'a fɔla ǹ Tii yɛ, a vɛɛ: «Na i sii m̀ bolokini fannɔ, haan fɔɔ m̀'ɛ banna i juulu lala i sen kɔlɔ.» ›

Luka 1:70

A n'a fɔla aa lɔhɔlɔma kelalu lɔ kɔlɔkɔlɔ le,

Kɛkolu 1:16

A do vɛɛ ai yɛ: «M̀ badenmalu, fɔ kitabu kɔnɔ kuma ma tɛɛ fa, Nii Sɛnɛyanin ka Nabi Dawuda lɔ min fɔla ka bɛn Judasi ma, min na kɛla Isa minabalu ɲabila le.

Kɛkolu 28:25

Ai ma bɛn kan kelen ma. Ai bɔtɔla, Pɔli ka kuma kelen fɔ ai yɛ, a vɛɛ: «Nii Sɛnɛyanin ka kuma min fɔ ài bemanu yɛ Nabi Ezayi bolo, wo yi tuɲa le le, ko:

Kɛkolu 3:18

Kɛɛ Ala na aa kuma mafala boloɲa min ne ma, min fɔnin kelalu bɛ bolo, ko aa Masa Tɔɔmasenin kɛtɔ tɔlɔya masɔlɔnna.

Hebululu 10:15

Nii Sɛnɛyanin fana yi seleya wo le dila mɔ ma. A do k'a fɔ kunfɔlɔ le, a vɛɛ:

Hebululu 3:7

Wo ma, a kɛyine iwo Nii Sɛnɛyanin n'a fɔla kitabu kɔnɔ teme, ko: «Ni ài ka Ala kumakan mɛn bi,

Hebululu 9:8

Nii Sɛnɛyanin y'a lagbɛla ko minu fɛ, ko siya tɛɛ ma jiya ba ka don Lɔhɔlɔma Dingila Bɛlɛbɛlɛ kɔnɔ, damanda Lɔhɔlɔma Gbaa kunfɔlɔ tɛɛ lɔnin bene.

1 Piyɛli 1:11

Ai tɛɛ ai lɔjala k'a lɔn ko wolu kɛtɔ kɛla waate min nɔ, ani ai kɛtɔ ɲa min ma, Masa Tɔɔmasenin Nii sabu la min tɛɛ ai josokun nɔ. Kamasɔlɔn wo tɛɛ seleya dila ka bɛn ko minu ma jani ai kɛ waate tɛɛ se, a vɛ ai lalɔnnila ka bɛn Masa Tɔɔmasenin ya tɔlɔya ni aa magbiliyali natɔlu ma.

Ko Lankɛnɛmayanin 19:10

Wo fɔ mɛlɛka bolo, ǹ ka m̀ bilin a sen kɔlɔ a batoko lɔ. Kɛɛ a do vɛɛ ǹ yɛ: «I kà wo kɛ dɛ! Bɔiden ne ǹ ne fana le iwo ile, ani i badenma minu bolo kɛnin Isa ya seleyakan na. I yi Ala le bato dein!» Kamasɔlɔn Isa ya seleyakan ne yi kelalu lɔla kelaya lasenko la.