2 Piyɛli 1:20 - Ala Ya Salatikan Kula Kitabu

²⁰ Kɛɛ ài y'a lɔn kunfɔlɔ le ko kelayakuma minu sɛvɛnin kitabulu kɔnɔ, mɔɔ suu suu tɛ se wolu kɔlɔ lɔnna a jɛlɛ ma.

2 Piyɛli 1:20 ပူးပေါင်းရင်းမြစ်များ

Lɔmukalu 12:6

Komi senko suu bɛ dɔ yi mɔ kelenkelenna bɛ bolo min dinin ka bɛn Ala ya nɛɛma ma, wo lɔ, ài m'i wolu labaale. Ni a dɔ ta senko ka kɛ kelayakuma lasenko le, fɔ wo tii yi kelaya le kɛ ka bɛn aa limaniya jate ma.

Lɔmukalu 13:11

Ài y'a kɛ ten, kamasɔlɔn ài k'a lɔn m'i waate suu min nɔ yi ne. Waate vɛ se ko m'i kunun ka bɔ sunɔɔ lɔ. Kamasɔlɔn mɔ kisi waate ma vɛ sulunya yi ne ka timin maa limaniya damina waate la.

Lɔmukalu 6:6

Mɔ do k'a lɔn ko mɔ dajoo kɔlɔ gbaanyine kɔlɔman ma Isa fɛ, fɔsa julumbu min tɛɛ mɔ dajoo kɔlɔ lɔ, wo fanga yi ban ani mɔ kana to julumbu ya jɔnya lɔ butu.

1 Timote 1:9

Mɔ v'a ɲaye kɔtunun ko seliya la ma jii telenmandelu ya ko lɔ, mafɔ seliya tiɲabalu, ani mɔɔ mulutunilu, ani Alaɲasiyanɲɛbalilu, ani julumbutɔlu, ani Alabuɲabalilu, ani mɔɔ minu yi Ala jɛvɛla, ani mɔɔfaabalu, ani mɔɔ minu y'ai fanu ni ai banu faala,

2 Timote 3:16

Kamasɔlɔn kitabu kɔnɔ kumalu bɛ bɔnin Ala le lɔ, ani nafa y'ai la ka mɔɔlu kalan, k'ai jobaliya, k'ai bila siya ɲuma kɔkan, ani k'ai makolo ka bɛn telenmandeya ma,

Janguba 1:3

Kamasɔlɔn ài k'a lɔn ne ko ni àiya limaniya lɔ ka suma, wo kɔjavi yi sawali le le.

2 Piyɛli 3:3

Ài y'a lɔn kunfɔlɔ le ko dunuɲa laban waate, lafeyalikɛbalu wulitɔ aiya lafeyalikannu le, ai vɛ bilala ai jɛlɛkanu niikanuko yonnu kɔ.