2 Piyɛli 1:16 - Ala Ya Salatikan Kula Kitabu

¹⁶ Mɔ n'ài lalɔnnila mɔ Tii Masa Tɔɔmasenin Isa nalon makawanin na waate min nɔ, mɔ bolomalanin tɛɛ tɛ tali fuunnu ma, mɔ na minu lɔbɛnna mɔ kunfɛ kewuya boloma, mafɔ ǹu gbu le na kɛla sele le ka mɔ ɲa la a nɔɔlɔ kɔkan.

2 Piyɛli 1:16 ပူးပေါင်းရင်းမြစ်များ

Matiyu 16:27

Kamasɔlɔn Mɔɔnivin Tanin kɛtɔ nala aa mɛlɛkalu fɛ, a Fa aa magbiliyali lɔ. Wo vɛ kɛla, a kɛtɔ mɔɔ kelenkelenna bɛ salala ka bɛn ai kɛkolu ma.

Matiyu 16:28

Ǹ'i tuɲa fɔ ài yɛ, a dɔlu y'ài tɛma jan minu tɛnala saya masɔlɔnna, fɔ ai vɛ Mɔɔnivin Tanin natɔla yena aa masaya lɔ.»

Matiyu 17:1

Tele wɔɔlɔ timin kɔ, Isa ka Piyɛli ni Janguba ni a dɔɔni Yohana kili ka taa ai le ai ta fan tini jaan dɔ kɔkan.

Matiyu 24:27

Kamasɔlɔn Mɔɔnivin Tanin nalon kɛtɔle iwo sanmɛnɛn yi bɔla teme telebɔ fannɔ ka se teleben fannɔ.

Matiyu 24:3

Isa siinin ka to Zeituna tini kɔkan, a kɔbiladennu ka na a ma ai ta fan k'a maɲininga, ai vɛɛ: «A fɔ mɔ yɛ, ko wolu kɛtɔ waate mindɛ? Tɔɔmase mindɛ kɛtɔ i na waate jiyala, ani dunuɲa laban waate?»

Matiyu 28:18

Isa k'i madon ai la k'a fɔ ai yɛ, a vɛɛ: «See bɛ vɛ di m̀ ma duukolo kɔkan, ani haijɛnɛ.

Malɛkɛ 13:26

Wo vɛ kɛla, mɔɔlu kɛtɔ Mɔɔnivin Tanin natɔla yena sanbiliya lɔ seetiiya makawanin ni magbiliyali boloma.

Malɛkɛ 14:62

Isa k'a javi, a vɛɛ: «Ǹe le wo le, ado ài kɛtɔ Mɔɔnivin Tanin siinin yena Seebɛtii Ala bolokini fannɔ, ani ka a natɔla ye sanbiliya lɔ ka bɔ sangbolo lɔ.»

Luka 1:2

iwo mɔɔlu n'a ɲafɔla mɔ yɛ teme, minu na ko wolu yena ai ɲa la ka ta a damina ma, ani minu kelayanin tɛɛ Ala kumakan lasenko lɔ.

Luka 9:43

Mɔɔ bɛ ka kawakoya ka bɛn Ala ya foniseleya ma. Jama kawakoyanin ka bɛn Isa kɛkolu bɛ ma, a vɛɛ a kɔbiladennu yɛ:

Yohana 1:14

Kumakan ka kɛ adamaden ne k'i sii mɔ tɛma. Mɔ do na aa magbiliyali yena, ale Denkɛ kelenpesa min Fa na a lanala aa magbiliyali lɔ, nɛɛma ni tuɲandeya dafanin min nɔ.

Yohana 17:2

Kamasɔlɔn i vɛ seetiiya di m̀ ma adamaden bɛ kunna, fɔsa i na mɔɔ minu dila m̀ ma, ǹ'i niimaya banbali di wolu bɛ ma.

Lɔmukalu 1:4

Kɛɛ Nii Sɛnɛyanin na aa ko jiyala fanga le boloma k'a fɔ ko Ala Denkɛ le a le, ka bɛn a wuliko ma ka bɔ saya lɔ.

1 Kolɛntikalu 1:17

Kamasɔlɔn Masa Tɔɔmasenin ma ǹ kelaya ka mɔɔlu mako ji kɔlɔ, kɛɛ a na ǹ kelayala Samakan Kein lasenko le lɔ. Ǹe do tɛ wo kɛla dalɔdiya kuma le ani adamadennu ya hangilimaya, fɔsa Masa Tɔɔmasenin gbaankɔlɔman kana kɛ kofuun ne.

1 Kolɛntikalu 1:23

Kɛɛ Masa Tɔɔmasenin gbaanko kɔlɔman ma, m'i wo le kawanili kɛla. Wo do kɛnin kunnɔtɛɛko le le Jahudiyalu ɲakɔlɔ, ani ka kɛ kofuun ne siboloma gbɛlɛ mɔɔlu ɲakɔlɔ.

1 Kolɛntikalu 1:7

Wo lɔ saa, Ala yi sɔli minu dila, ài dɛsɛnin tɛ wo foi la, ài vɛ mɔ Tii Masa Tɔɔmasenin Isa nalon makɔnɔna.

1 Kolɛntikalu 2:1

M̀ badenmalu, ǹ ka na ài fɛlɔ waate min nɔ Ala ya gbonoko lasenko lɔ, m̀ ma na kuma madiyaninnu le, niwotɛ hangilimaya.

1 Kolɛntikalu 2:4

Ǹ tɛɛ kumala ài fɛ ani ka kawanili kɛ waate min nɔ, ǹ tɛɛ tɛ ǹ da lɔdiyala iwo hangilima. Mafɔ, Nii Sɛnɛyanin ka aa foniseleya le jiya,

1 Kolɛntikalu 5:4

Ài vɛ ài ladɛnna mɔ Tii Isa tɔɔ lɔ, ǹ hangili kɛtɔ ài fɛ, ani mɔ Tii Isa ya seetiiya kɛtɔ kɛla je.

2 Kolɛntikalu 2:17

Mɔ do kɛnin tɛ iwo dɔ mɔɔ siyama minu yi Ala kumakan kɛla julayafen ne, mafɔ mɔɔ sɔvɛ le mɔ le, minu yi kumala Ala ɲakɔlɔ Masa Tɔɔmasenin ya see lɔ, iwo mɔɔ minu kelanin Ala bolo.

2 Kolɛntikalu 4:2

Ǹu koni v'i ban maloyakolu ma minu yi kɛla divi lɔ. Mɔ do tɛ gbanaya kɛla, kumatɛ ka Ala kumakan jɛlɛma. Mafɔ, m'i tuɲa le fɔla k'a lagbɛ, fɔsa bɛ y'a jate ai jɛlɛ kɔnɔ m'i mɔɔ suu min ne Ala ɲakɔlɔ.

Ɛfɛsikalu 4:14

Wo ma, mɔ tɛnala kɛla dennilu le butu, kɔɔ kilinkilin yi minu lamaamaala, ani fɔɲɛ yi minu lafilinfilinna ka bɛn mɔɔ jateeyaninnu ya lafilikolu ma ani aiya faɲafɔ kalan kaijakaijalu.

Filipikalu 3:21

Ale le kɛtɔ aa seetiiya labaalela, ka mɔ falikolo fangandan jɛlɛma, ka kɛ ale gbu falikolo nɔɔlɔnin suu le, ka bɛn wo seetiiya ma, a yi min labaalela ka fen bɛ kolo a yɛ.

1 Tɛsalonikakalu 2:19

Mɔ v'i lɔla mɔ Tii Isa ɲakɔlɔ a nalon na, ka bɔ àilu kɔ, mɔ jei siinin jene la ka kɛ maa sawa ni maa ɲalɔkɛnɛya sabu le?

2 Tɛsalonikakalu 2:9

Seliya tiɲaba wo kɛtɔ nala Soitana ya seetiiya le le, ka faɲafɔko tɔɔmase ni kawananko suu bɛ dɔ kɛ,

1 Timote 1:4

Ai do kà ai jɛlɛ bila faɲafɔ taliku fɔko lɔ, ani jilijaa ɲafɔko le minu tɛ banna. Ko suu wolu le yi nala sɔsɔyali le, ai do tɛ Ala ya baale lataala ɲafɛ min jusiinin limaniya kɔkan.

1 Timote 4:7

I fɛ kà kɛ faɲafɔ taliku fɔko la ani tali fuunnu, minu ni Ala ya siya bɛnnin tɛ i ɲɔɔ ma, mafɔ i i jɛlɛ makolo ka bɛn Alaɲasiyanɲɛ ma.

Tite 1:14

ka falan ai tolomalɔla Jahudiyalu ya faɲafɔ talikulu la, ani jamali minu dinin mɔɔlu bolo minu vɛ ai kɔdon tuɲa la.

2 Piyɛli 2:3

Kalanmɔɔ wolu kɛtɔ ài tɔɲɔla natabaya boloma aiya faɲafɔ kumalu le. Kɛɛ ka ta waate jaan ma, aiya kiti vɛ ban tɛɛla, ado ai halaki waate kunnɔjaannin tɛ butu.

1 Yohana 4:14

Mɔ v'a ye ka wo seleya di ko mɔ Fa ka a Denkɛ lana dunuɲa k'a kɛ dunuɲa Lakisiba le.

Jude 1:14

Enɔki, min tɛɛ Mema Adama bɔzɔn wolowulanna lɔsii le, wo le ka kelaya kɛ ka bɛn faɲafɔ kalanmɔɔ wolu ya ko ma, a vɛɛ: «Ài y'a ye! Mɔ Tii kɛtɔ nala aa lɔhɔlɔma mɛlɛka waa jilika jilika le,

Ko Lankɛnɛmayanin 1:7

Ài y'a ye, a kɛtɔ nala sanbiliyalu tɛma, ani bɛ ɲa kɛtɔ a yena, hali mɔɔ minu na a sɔɔla tama le. Ado dunuɲa siboloma bɛ kasikan kɛtɔ bɔla ka bɛn a ma. A kɛtɔ ten ne jɔ! Amiina!