2 Piyɛli 1:12 - Ala Ya Salatikan Kula Kitabu

¹² Wo le y'a ma, ǹ totɔle ài hangili bilala ko minu lɔ kudein, hali ni ài bannin ka kɛ ai lɔnna ani k'ài bama tuɲa lɔ, ài na min sɔlɔnna.

2 Piyɛli 1:12 ပူးပေါင်းရင်းမြစ်များ

Kɛkolu 16:5

Wo boloɲa ma, limaniyajamalu sɛmɛ tɛɛ donna limaniya lɔ, ai do ma tɛɛ kafonna lon bɛ.

Filipikalu 3:1

Ka ǹa kuma laban m̀ badenmalu, ài yi sawa mɔ Tii ya kafonɲɔɔya lɔ. Ǹ tɛɛ vɛ kuma minu sɛvɛ ài ma sɔ, ka seikɔ wolu ma, wo tɛ ǹ ɲana ko le. Wo do kɛtɔ ài matangala.

Kɔlɔsikalu 1:5

Ài yi wo bɛ kɛla ka bɛn ài jeisii le ma, min ladalonin ài yɛ haijɛnɛ. Ài do jii tɛɛ wo le ma ka ta ài na tuɲandeya kuma mɛnna waate min nɔ kunfɔlɔ le, min taanin kɛla Samakan Kein ne.

Kɔlɔsikalu 2:7

k'ài lilen don k'ài bama aa ko lɔ, ani k'ài sawati limaniya lɔ iwo ài kalannin a la teme, ài vɛ balika bɔla Ala yɛ kudein.

1 Timote 4:6

Ni i ka ko minu lase mɔ badenmalu ma, i kɛtɔ kɛla Masa Tɔɔmasenin Isa ya bɔiden ɲuma le le, k'a jiya ko i balonin limaniya kuma ni kalan bɛlɛlu le la, i bilanin minu kɔ.

2 Timote 1:6

Wo le y'a kɛla, ǹ'i hangili bilala k'a fɔ ko i yi Ala ya senko labaale a ɲa gbugbu ma, i na min sɔlɔnna ǹa bololankan sabu la.

Hebululu 10:32

Ài y'ài hangili to lon timinninu lɔ, ài bɔ kɔ divi lɔ, ài na sɛɛ gbɛlɛn ni tɔlɔya manɔla waate min nɔ.

Hebululu 13:9

Ài kà diɲa ài la yi fili ka bɛn kalan kaijakaija kulalu ma. A bɛnyine Ala ya nɛɛma y'ài josokun bama, jamali ko tɛ ka bɛn dɔnnifennu ma, minu tɛ ai latelenbalu wunafala tuun.

1 Piyɛli 5:10

Ado ài vɛ banna tɔlɔyala waateni kɔlɔ, Nɛɛmatii Ala min n'ài kilila aa habadan magbiliyali kanma Masa Tɔɔmasenin ya kafonɲɔɔya lɔ, ale gbu le kɛtɔ ài lasiila kula le, ka fanga di ài ma, ani k'ài bama kili.

1 Piyɛli 5:12

Silasi, ǹ'i min jatela m̀ badenma lanande le, wo vɛ m̀ madɛmɛn lɛtɛlɛ kulunni min sɛvɛko lɔ, fɔsa ǹ'a magbeleya ài yɛ ani ka ǹa seleya di ko Ala ya nɛɛma bɛlɛbɛlɛ le min ne, ài bolo kɛnin min na kpekpe.

2 Piyɛli 1:13

Damanda ǹ'i falikolo min nɔ, a bɛnyine ǹ ɲana ǹ'ài hangili bila ko minu lɔ.

2 Piyɛli 1:15

Wo lɔ, ǹ kɛtɔ ǹ senko bɛ le kɛla, fɔsa ǹ taa kɔ, ài hangili yi to ko minu lɔ kudein.

2 Piyɛli 3:1

Ǹ diyananmɔɔlu, ǹa lɛtɛlɛ filana le min ne, ǹ'i min lataala ài ma. Lɛtɛlɛ fila wolu lɔ, m̀'ɛ ǹ lɔja k'ài hangili bila ko minu lɔ, alako ài miliya lagbɛnin yi to,

2 Piyɛli 3:17

Àilu ǹ diyananmɔɔlu koni, komi ài la vɛ sovi, wo lɔ, ài y'ài jando ài jɛlɛ lɔ fɔsa ài la kana fili seliya sɔsɔbalu bolo k'ài bɔ ài lɔya bamanin nɔ.

1 Yohana 2:21

Ni ǹ ka sɛvɛ min lataa ài ma, a tɛ k'a fɔ ko ài ma tuɲa lɔn dɛ! Ài ka tuɲa lɔn, wo le y'a ma, ǹ'a lataala ài ma. Ài do k'a lɔn ne ko faɲa foi tɛ bɔla tuɲa lɔ.

2 Yohana 1:2

kamasɔlɔn tuɲa yi mɔ josokun nɔ, a do totɔle mɔ fɛ kudein.

Jude 1:17

Kɛɛ àilu, ǹ diyananmɔɔlu koni, ài y'ài hangili to kelayakumalu lɔ, minu fɔnin kɔlɔman ne mɔ Tii Masa Tɔɔmasenin Isa ya keladennu bolo.

Jude 1:3

Ǹ diyananmɔɔlu, hali a lɔɔ tɛɛ ǹ na bubale ǹ'i min sɛvɛ ài ma ka bɛn mɔ dɛɛn ma kisiko kelen na, kɛɛ m̀'ɛ a ye fɔ ǹ'a sɛvɛ ka bɛn ài sɛmɛdonko ma kɛlɛ ma limaniya makalanko lɔ, Ala na min dila mumininnu ma siɲa kelen ne haan fɔɔ habadan.

Jude 1:5

Tandainɔ, ǹ'a fɛ ǹ'ài hangili bila ko dɔ lɔ, k'a talan ài tɛɛ k'a lɔn kɔlɔman ne feu ko mɔ Tii le na Bani Isilankalu lakisila ka bɔ Misilan jamana lɔ, kɛɛ wo kɔ a ka limaniyabalilu bɛ halaki ai tɛma.