2 Piyɛli 1:1 - Ala Ya Salatikan Kula Kitabu

¹ Ǹe Simɔn Piyɛli le yi lɛtɛlɛ min sɛvɛla, ǹe min yi Masa Tɔɔmasenin Isa ya bɔiden ni aa keladen ne. Ǹ'a lataala àilu le ma minu vɛ limaniya kulugbɛlɛn sɔlɔn iwo ǹu, ka bɛn mɔ Tii Ala ni Lakisilikɛba Masa Tɔɔmasenin Isa ya telenmandeya ma.

2 Piyɛli 1:1 ပူးပေါင်းရင်းမြစ်များ

Matiyu 10:2

Keladen mɔɔ tan ni fila (12) wolu tɔɔ le ne: a kunfɔlɔ Simɔn (ai y'a fɔla min ma ko Piyɛli), ani a dɔɔni Andele, ani Zebede denkɛ Janguba ni a dɔɔni Yohana,

Matiyu 4:18

Lon dɔ, Isa taamantɔla Galile kɔɔ kawun na, a ka badenmakɛ fila ye: Simɔn (ai y'a fɔla min ma ko Piyɛli), ani a dɔɔni Andele. Wolu tɛɛ jɔ lafilila kɔɔ lɔ, kamasɔlɔn ai tɛɛ kɔɔsɔmɔnin ne le.

Luka 1:47

ado ǹ nii la vɛ sawa ka bɛn ǹ Kisiba Ala ma.

Luka 11:49

Wo le n'a kɛla, Ala n'a fɔla aa hangilimaya lɔ, a vɛɛ: ‹Ǹ kɛtɔ kela ni keladennu lataala ai ma. Ai do kɛtɔ a dɔlu faala k'a dɔlu jangata.›

Yohana 1:42

Wo ma, Andele ka taa Simɔn ne Isa fɛ. Isa do k'i ɲa kaa a lɔ k'a fɔ a yɛ, a vɛɛ: «Yohana denkɛ Simɔn ne i le le, ai do kɛtɔ a fɔla i ma ko Sefasi.» (Sefasi ni Piyɛli yi tɔɔ kelen ne le. Ai kɔlɔ le ko Kawa.)

Yohana 12:26

Ni mɔɔ min y'a fɛ ka baale kɛ ǹ yɛ, fɔ wo tii yi bila ǹ kɔ, ado m̀'ɛ kɛla tɛɛminja, ǹa bɔiden fana kɛtɔ je le. Ni mɔɔ min ka baale kɛ ǹ yɛ, ǹ Fa kɛtɔ wo tii buɲala.»

Yohana 20:21

Isa do vɛɛ ai yɛ kɔtunun: «Hɛlɛ yi kɛ ài yɛ. Ǹ Fa na ǹ kelayala teme, ǹe fana y'ài kelayala ten ne.»

Kɛkolu 15:14

Simɔn Piyɛli n'a ɲafɔla mɔ yɛ, Ala na a hangili bilala teme siboloma gbɛlɛ mɔɔlu lɔ kunfɔlɔ le, k'ai dɔlu kɛ a ta le.

Lɔmukalu 1:1

Ǹe Pɔli, Masa Tɔɔmasenin Isa ya jɔn ne yi lɛtɛlɛ min sɛvɛla, ǹe min kilinin ka ǹ kɛ keladen ne, ani ka m̀ bila ǹ ta fan Ala ya Samakan Kein yɛ.

Lɔmukalu 1:12

N'i min fɔla yi ne, wo le k'a fɔ ko ǹe ni àilu kɛtɔ i ɲɔɔ sɛmɛdonna. Ǹ kɛtɔ a dɔ sɔlɔnna àiya limaniya lɔ. Àilu fana kɛtɔ a dɔ sɔlɔnna ǹ ta limaniya lɔ.

Lɔmukalu 1:17

Kamasɔlɔn Samakan Kein y'a jiyala ko Ala yi mɔɔlu jatela telenmande le a ɲakɔlɔ boloɲa min ne ma. A da yi minala limaniya le ma dein, a do la yi banna limaniya le ma, iwo a sɛvɛnin teme kitabu kɔnɔ, ko: «Mɔɔ telennin kɛtɔ niimaya kɛla limaniya bolo le ma.»

1 Kolɛntikalu 1:30

Ala le n'ài kafonna Masa Tɔɔmasenin Isa kɔkan, min kɛnin maa hangilimaya le ka bɔ Ala fɛ. Wo sabu la, mɔ vɛ kɛ telenmande le Ala ɲakɔlɔ, ka mɔ lasɛnɛya, ani ka mɔ kunmaka.

1 Kolɛntikalu 15:9

Kamasɔlɔn ǹe le keladen bɛ lɔ dɔɔmanda le. Hali k'a fɔ m̀ ma ko keladen, ǹe ni wo kaannin tɛ, kamasɔlɔn ǹ na Ala ya limaniyajama jangatala.

1 Kolɛntikalu 9:1

Jalasa ǹ tɛ mɔɔ lafɛlɛnin ne? Isa ya keladen tɛ ǹ ne? M̀ ma mɔ Tii Isa ye ǹ ɲa la? M̀'ɛ baale min kɛ mɔ Tii yɛ, àilu gbu tɛ ǹa baalenɔ dɔ le?

2 Kolɛntikalu 4:13

A sɛvɛnin kitabu kɔnɔ, ko: «M̀'ɛ limaniya. Wo le n'a kɛla, ǹ na kumala.» Komi ǹu gbu vɛ limaniya wo boloɲa kelen ma, wo le y'a kɛla, m'i kumala.

2 Kolɛntikalu 5:21

Masa Tɔɔmasenin ma julumbu foi ta, kɛɛ Ala na maa julumbu doni lala ale le kun, fɔsa m'i kɛ telenmande le Ala ɲakɔlɔ aa kafonɲɔɔya lɔ.

Galatiyakalu 2:8

Kamasɔlɔn Ala min na Piyɛli kɛla keladen ne Jahudiyalu tɛma, ale Ala kelen ne na ǹe fana kɛla keladen ne siboloma gbɛlɛ mɔɔlu tɛma.

Ɛfɛsikalu 3:5

Wo do la ma nkɛnɛmaya adamaden timinninu yɛ, iwo a la vɛ lankɛnɛmaya teme butu aa lɔhɔlɔma keladennu ni kelalu yɛ Nii Sɛnɛyanin sabu la.

Ɛfɛsikalu 4:11

Ale le na dɔlu kɛla keladen ne, k'a dɔlu kɛ kela le, k'a dɔlu kɛ Samakan Kein lasenba le, ani k'a dɔlu kɛ limaniyajama kunmafɛlɛnba ni kalanmɔɔlu le.

Ɛfɛsikalu 4:5

Mɔ Tii kelen ne yi je, limaniya siya kelen yi mɔ bolo ka taa min ma, ado mɔ bɛ makonin ji kɔlɔ tɔɔ kelen wo le le.

Filipikalu 1:1

Ǹe Pɔli ni Timote le yi lɛtɛlɛ min sɛvɛla, ǹu minu kɛnin Masa Tɔɔmasenin Isa ya bɔiden ne. M'a lataala mumininnu ma minu kafonnin Masa Tɔɔmasenin Isa kɔkan Filipi so kɔnɔ, ani limaniyajama kunmafɛlɛnbalu ni ai makoɲabɔbalu.

Filipikalu 1:29

Kamasɔlɔn Ala ya nɛɛma ma kɛ ài yɛ k'a fɔ ko ài yi limaniya Masa Tɔɔmasenin ma dein, mafɔ ài yi tɔlɔya masɔlɔn fana ka bɛn a ma,

Filipikalu 3:9

ka ǹ kafonnin to a kɔkan. Ǹ tɛ m̀ bolomalala ǹe gbu ya telenmandeya ma min yi sɔlɔnna seliya latelenko fɛ, mafɔ m̀'ɛ a dɔgbɛlɛ sɔlɔn min yi nala limaniya fɛ Masa Tɔɔmasenin ma, wo le Ala ya telenmandeya le min jusiinin limaniya kɔkan.

2 Timote 1:5

Ǹ hangili toyine iya limaniya bɛlɛbɛlɛ lɔ, min ɲɔɔzii tɛɛ i mama Loyise ni i ba Yunise bolo kunfɔlɔ le, ado ǹ layine a la ko limaniya kelen wo le yi ile fana bolo hali bi.

Tite 1:1

Ǹe Pɔli le yi lɛtɛlɛ min sɛvɛla, ǹe min yi Ala ya bɔiden ne ani Masa Tɔɔmasenin Isa ya keladen. Ǹ tayine ka ǹ kelaya ko ǹ'i Ala ya mɔɔ taninnu madɛmɛn aiya limaniya lɔ, k'ai lalɔnni tuɲa la min y'ai taamaɲa bɛn Ala ɲakɔlɔ,

Tite 1:4

Ǹ'i min sɛvɛla ile Tite le ma, ǹ denkɛ bɛlɛbɛlɛ ka bɛn mɔ dɛɛn ma limaniya kelen na. Mɔ Fa Ala ni mɔ Lakisiba Masa Tɔɔmasenin Isa ya nɛɛma yi kɛ i yɛ, k'i josolajii.

Tite 2:13

ka mɔ to mɔ jeisii hɛlɛlon makɔnɔna, mɔ Tii Ala makawanin ya magbiliyali lankɛnɛmayatɔ lon min na, min yi mɔ Lakisiba Masa Tɔɔmasenin Isa le.

Janguba 1:1

Ǹe Janguba min yi Ala ni mɔ Tii Masa Tɔɔmasenin Isa ya jɔn ne, ǹ'i sɛvɛli min lataala Bani Isilanka kabila tan ni fila (12) le ma, minu jɛzɛnnin dunuɲa fan bɛ lɔ. Ǹ'ài fola.

1 Piyɛli 1:1

Ǹe Piyɛli min yi Masa Tɔɔmasenin Isa ya keladen ne, ǹ'i lɛtɛlɛ min sɛvɛla Ala ya mɔɔ taninnu le ma minu siinin lonaya lɔ Pɔndu, Galatiya, Kapadɔsiya, Esiya, ani Bitiniya koovilu lɔ.

1 Piyɛli 1:7

Ko wolu le yi kɛla sabu le k'a jiya ko limaniya bɛlɛbɛlɛ le y'ài bolo, min kulugbeleyanin sanu le, sanu min yi fen tiɲata le, ani min lɔ yi sumala taa bolo. Wo do nafa kɛtɔ kɛla matɔɔli ni magbiliyali ni buɲali le le ài yɛ Masa Tɔɔmasenin Isa lankɛnɛmaya lon.

1 Piyɛli 2:7

Kawakulun min kulugbeleyayine àilu limaniyamɔɔlu bolo, kɛɛ limaniyabalilu koni, a sɛvɛyine ài ma, ko: «Bonlɔbalu n'ài banna kawakulun min nɔ, wo le kɛnin bon tongun kawakulun ne.»

1 Piyɛli 5:1

Ǹ'i min ne fɔla ɲamɔɔlu yɛ k'a magbeleya minu y'ài tɛma, ǹe min yi ɲamɔɔ dɔ le iwo àilu, ani Masa Tɔɔmasenin ya tɔlɔyalu sele min fɛ kɛtɔ kɛla magbiliyali la min lankɛnɛmayatɔ,

2 Piyɛli 1:4

Ka bɛn ko wolu ma, a na lahedi kulugbɛlɛn babalu tala mɔ yɛ, fɔsa lahedi wolu fɛ, ài yi kisi ka bɔ dunuɲa kolɔtiɲalu lɔ minu yi nala niikanuko yonnu fɛ, ani ài y'ài ta sɔlɔn Ala ya foniseleya lɔ.

Jude 1:1

Ǹe Jude, min yi Masa Tɔɔmasenin Isa ya bɔiden ne ani Janguba badenma, ǹ'i lɛtɛlɛ min sɛvɛla mɔ Fa Ala ya mɔɔ kilininnu le ma, a yi minu kanula, ani k'ai ladalo Masa Tɔɔmasenin Isa yɛ.