2 Kolɛntikalu 7:8 - Ala Ya Salatikan Kula Kitabu

⁸ Ǹ na lɛtɛlɛ min lataala ài ma, hali ni wo bannin ka kɛ ài josomakasila, ǹ nimisanin tɛ wo lɔ. Ǹe koni ka nimisa kunfɔlɔ le, kamasɔlɔn ǹ k'a ye ko ǹa lɛtɛlɛ wo n'ài josomakasila, hali a ka kɛ waateni kɔlɔ.

2 Kolɛntikalu 7:8 ပူးပေါင်းရင်းမြစ်များ

Yohana 16:6

Kɛɛ komi ǹ na ko minu fɔla ài yɛ, wo le n'ài niilafinna.

Yohana 21:17

A do k'a fɔ a yɛ a siɲa sawana lɔ, a vɛɛ: «Yohana denkɛ Simɔn, i yi ǹ kanula?» Piyɛli niila ka fin wo lɔ, kamasɔlɔn Isa tɛɛ v'a maɲininga haan fɔɔ siɲa sawa le ni a a kanula. Wo lɔ, a k'a javi, a vɛɛ: «Ǹ Kuntii, i ka ko bɛ lɔn. I k'a lɔn ko ǹ'i kanula.» Isa do vɛɛ a yɛ: «Ǹa saalu balo.

2 Kolɛntikalu 7:11

Ko minu na kɛla ài la ka bɛn àiya josomakasi ma min latɛɛnin Ala bolo, ài y'a ye: àiya kumanɔbɔ, àiya josolakuna, àiya siyan, ài sɔnjako mɔ le, ani àiya koyon latɔn. Ài v'a jiya boloɲa bɛ ma ko ài sen tɛ koyon min nɔ.

2 Kolɛntikalu 7:12

Wo lɔ saa, hali m̀ bannin ka kɛ lɛtɛlɛ min sɛvɛla ài ma, m̀ m'a kɛ ka bɛn koyonkɛba ma, niwotɛ koyon siinin mɔɔ min na. Kɛɛ ǹ n'a kɛla fɔsa ài miliya la yi gbɛ Ala ɲakɔlɔ ka bɛn àiya sɔnja ma maa ko lɔ.

2 Kolɛntikalu 7:6

Kɛɛ Ala min yi mɔɔ jeitɛɛninnu sɛmɛdonna, wo le na mɔ sɛmɛdonna ka bɛn Tite nako ma.

2 Kolɛntikalu 7:7

A nako ma mɔ sɛmɛdon dein, kɛɛ ài na a sɛmɛdonna teme, a na wo dandɛɛli kɛla mɔ yɛ. A n'a fɔla ko ài sɔnjanin ǹa ko le, ani ài josoma vɛ kasi k'ài tɛsili ǹa ko lɔ. Wo bɛ vɛ a dɔ la ǹa sawa kɔkan kɔtunun.

2 Kolɛntikalu 7:9

Kɛɛ ǹ sawayine butu. A tɛ k'a fɔ ko ǹ sawanin ka bɛn àiya josomakasi le ma, mafɔ àiya josomakasi le n'ài lɔla ài dajoo kolonnu bilala. Ala le na josomakasi wo latɛɛla ài ma. Wo lɔ, mɔ ma koyon kɛ ài la wo le.

Ko Lankɛnɛmayanin 3:19

Ǹ'i mɔɔ minu kanula, ǹ'i wolu le lalila k'ai makolo. Wo lɔ, i i sɛmɛdon k'i dajoo mafalin.