1 Yohana 5:4 - Ala Ya Salatikan Kula Kitabu

⁴ Kamasɔlɔn mɔɔ minu vɛ sɔlɔn kula kɛ Ala bolo, wolu bɛ vɛ see sɔlɔn dunuɲa ma. Maa see sɔlɔnko dunuɲa ma, wo le maa limaniya le.

1 Yohana 5:4 ပူးပေါင်းရင်းမြစ်များ

Yohana 1:13

Ai ma kɛ Ala den ne iwo adamadennu yi den sɔlɔnna teme. Ai do ma sɔlɔn ka bɛn mɔɔlu sawo ma, mafɔ Ala sawo.

Yohana 16:33

Ǹ na ko minu fɔla ài yɛ, fɔsa ài yi josolajii sɔlɔn ǹa kafonɲɔɔya lɔ. Ài kɛtɔ gbalo siyama masɔlɔnna dunuɲa, kɛɛ ài josola yi gbeleya. M̀'ɛ see sɔlɔn dunuɲa ma.»

Yohana 3:3

Isa k'a javi, a vɛɛ: «Ǹ'i tuɲa fɔ i yɛ, ni mɔɔ min ma sɔlɔn kula kɛ, wo tii tɛ se Ala ya masaya yena.»

1 Kolɛntikalu 15:57

Kɛɛ m'i balika bɔla Ala yɛ, min yi see dila mɔ ma mɔ Tii Masa Tɔɔmasenin Isa sabu la!

1 Yohana 2:29

Ni ài k'a lɔn ko telenmande le a le, wo lɔ, ài yi la a la ko mɔɔ min yi taamana telenmandeya lɔ, wo tii vɛ sɔlɔn kula kɛ a bolo.

1 Yohana 3:9

Ni mɔɔ mɔɔ ka sɔlɔn kula kɛ Ala bolo, wo tii tɛnala tola julumbu tala, kamasɔlɔn Ala dajoo le y'a la. A do tɛ se tola julumbu tala, kamasɔlɔn a vɛ sɔlɔn kula kɛ Ala bolo.

1 Yohana 4:4

Ǹ dennu, àilu koni yi Ala ta le le. Ài do vɛ see sɔlɔn faɲafɔ kela wolu ma, kamasɔlɔn ale min y'ài fɛ, a fanga buɲanin vɛ dɔ wo ta le min yi dunuɲamɔɔlu fɛ.

1 Yohana 5:1

Ni mɔɔ mɔɔ ka limaniya a ma ko Isa yi Masa Tɔɔmasenin ne le, wo tii vɛ sɔlɔn kula kɛ Ala bolo. Ni do mɔɔ min vɛ den fa kanula, wo tii vɛ a den fana kanu.

1 Yohana 5:18

Mɔ k'a lɔn ne ko mɔɔ min vɛ sɔlɔn kula kɛ Ala bolo, wo tii tɛ tola julumbu tala, kamasɔlɔn Ala Denkɛ y'a lakanala, ado Soitana tɛ se foi kɛla a la.

1 Yohana 5:5

Jene vɛ see sɔlɔn dunuɲa ma ni a tɛ mɔɔ le min limaniyanin a ma ko Isa yi Ala Denkɛ le le?

Ko Lankɛnɛmayanin 12:11

Mɔ badenmalu vɛ see sɔlɔn a ma, ka bɛn Saa Bolan jeli bɔnko ma ani aiya seleyakannu, kamasɔlɔn ai ma aiya niimaya kanu haan fɔɔ ka siyan saya ɲa.

Ko Lankɛnɛmayanin 15:2

Wo lɔ, ǹ ka dingila dɔ ye min kɛnin tɛɛ iwo kɔɔ ba min kɔkala ɲala kɛnɛyanin iwo sani, a ɲaaminin vɛ taa le. Mɔɔ minu ka see sɔlɔn soofali ma, ani ka see sɔlɔn a sawula ma, ani ka see sɔlɔn a tɔɔ kɔndɛ jate ma, wolu tɛɛ lɔnin kɔɔ ba wo dala, Ala ya kɔnilu vɛ ai bolo.

Ko Lankɛnɛmayanin 2:11

« ‹Tolo yi mɔɔ min kun, wo tii y'a tolomalɔ Nii Sɛnɛyanin kan na, a yi min fɔla limaniyajamalu yɛ. Ni mɔɔ min ka see sɔlɔn, saya filana tɛnala sena wo tii ma.›

Ko Lankɛnɛmayanin 2:17

« ‹Tolo yi mɔɔ min kun, wo tii y'a tolomalɔ Nii Sɛnɛyanin kan na, a yi min fɔla limaniyajamalu yɛ. Ni mɔɔ min ka see sɔlɔn, ǹ kɛtɔ mana doonnin dɔ dila wo tii ma. Ǹ kɛtɔ kawakulun gbɛ dila a ma fana, tɔɔ kula dɔ sɛvɛnin vɛ min kɔkan, mɔɔ mɔɔ si ma min lɔn, mafɔ mɔɔ min kɛtɔ a sɔlɔnna.›

Ko Lankɛnɛmayanin 2:26

Ni mɔɔ min ka see sɔlɔn, ka ǹ sawonankolu kɛ ka taa se a laban na, wo vɛ kɛla, ǹ kɛtɔ kuntiiya dila wo tii le ma dunuɲa sibolomalu kunna,

Ko Lankɛnɛmayanin 2:7

« ‹Tolo yi mɔɔ min kun, wo tii y'a tolomalɔ Nii Sɛnɛyanin kan na, a yi min fɔla limaniyajamalu yɛ. Ni mɔɔ min ka see sɔlɔn, ǹ kɛtɔ niimaya kɔlɔmanden dila wo tii ma, a a dɔn, niimaya kɔlɔman min yi Ala ya kunnadiyaso la.›

Ko Lankɛnɛmayanin 3:12

Ni mɔɔ min ka see sɔlɔn, ǹ kɛtɔ wo tii kɛla baima le le ǹ Tii Ala ya lɔhɔlɔmabonba kɔnɔ. A do tɛnala bɔla je tuun. Ǹ kɛtɔ ǹ Tii Ala tɔɔ sɛvɛla wo tii ma, ani ǹ Tii Ala ya so tɔɔ, min kɛnin Jelusalɛmu kula le, min jiitɔ ka bɔ ǹ Tii Ala fɛlɔ haijɛnɛ. Ado ǹ kɛtɔ ǹe gbu tɔɔ kula sɛvɛla a ma fana.

Ko Lankɛnɛmayanin 3:21

Ni mɔɔ min ka see sɔlɔn, ǹ kɛtɔ wo tii lasiila ǹ dafɛ ǹa masayasiifen nɔ, iwo ǹ na see sɔlɔnna teme ka ǹ sii ǹ Fa dafɛ aa masayasiifen nɔ.

Ko Lankɛnɛmayanin 3:5

Ni mɔɔ min ka see sɔlɔn, wo tii fana kɛtɔ faani gbɛ bilala a kanna iwo dɔ wolu, ado ǹ tɛnala a tɔɔ bɔla niimaya kitabu kɔnɔ tuun, mafɔ k'a tɔɔ fɔ ǹ Fa ni aa mɛlɛkalu ɲakɔlɔ.