1 Yohana 5:20 - Ala Ya Salatikan Kula Kitabu

²⁰ Ado mɔ k'a lɔn ne fana ko Ala Denkɛ nanin ka koɲaye di mɔ ma, fɔsa m'i wo lɔn, ale min y'a bɛlɛbɛlɛ le. Mɔ do kafonnin a bɛlɛbɛlɛ le kɔkan, ani a Denkɛ Masa Tɔɔmasenin Isa. Ala bɛlɛbɛlɛ le a le, ani niimaya banbali.

1 Yohana 5:20 ပူးပေါင်းရင်းမြစ်များ

Matiyu 13:11

Isa k'ai javi, a vɛɛ: «Haijɛnɛ masaya gbonolu lɔnni vɛ di àilu ma, kɛɛ a ma di a dɔlu ma.

Luka 21:15

Kamasɔlɔn ǹe gbu le kɛtɔ ài lalɔnnila hangilimaya kumalu la, haan fɔɔ ài kɛlɛɲɔɔ suu suu tɛnala sena ài la, niwotɛ k'ài kumakannu sɔsɔ.

Luka 24:45

A do k'ai hangili laka, fɔsa ai tɛɛ se kitabulu kɔlɔ ɲayena.

Yohana 1:18

Mɔɔ suu suu ma Ala ye ba a ɲa la bene. Kɛɛ ale kelenpesa min ni Ala yi kelen ne, min siinin mɔ Fa Ala tɔɔfɛ, wo vɛ mɔ lalɔnni Ala ya ko la.

Yohana 10:30

Ǹe ni ǹ Fa yi kelen ne le.»

Yohana 14:20

Wo lon ne, ài kɛtɔ a lɔnna ko ǹ kafonnin ǹ Fa kan, àilu fana kafonnin ǹ kan, ani ǹe fana kafonnin ài kan.

Yohana 14:23

Isa k'a javi, a vɛɛ: «Ni mɔɔ min vɛ ǹ kanula, wo tii kɛtɔ ǹ kumakan labatola, ado ǹ Fa fana kɛtɔ a kanula. Ǹe ni ǹ Fa kɛtɔ nala a ma ka to a fɛ.

Yohana 14:6

Isa do vɛɛ a yɛ: «Ǹe le siya le, ani tuɲa, ani niimaya. Mɔɔ suu suu tɛ se taala ǹ Fa fɛlɔ ni a ma timin ǹe fɛ.

Yohana 14:9

Isa do vɛɛ a yɛ: «Filipe, bima m̀ bila ài fɛ. I ma ǹ lɔn ba bene? Mɔɔ min vɛ ǹ yena, wo tii vɛ ǹ Fa ye. I yi se a fɔla di wo lɔ, ko: ‹I i Fa jiya mɔ la›?

Yohana 15:4

Ài kafonnin yi to ǹ kan, iwo ǹe gbu kafonnin ài kan teme. Iwo jili bolo tɛ se a denna a jɛlɛ ma teme ni a kafonnin ma to a ju kan, wo boloɲa kelen ma, àilu fana tɛ se ai denna ai jɛlɛ ma ni ài kafonnin ma to ǹ kan.

Yohana 17:14

M̀'ɛ i kumakan lase ai ma, ado dunuɲa vɛ ai lagbeyaɲɛ, kamasɔlɔn ai tɛ dunuɲa ta le iwo ǹe gbu tɛ dunuɲa ta le teme.

Yohana 17:25

«Ǹ Fa telenmande, hali dunuɲa m'i lɔn, kɛɛ ǹe do k'i lɔn, ani mɔɔ minu fana v'a lɔn ko ile le na ǹ kelayala.

Yohana 17:3

Niimaya banbali kɔlɔ le ko, ai yi ile Ala bɛlɛbɛlɛ kelenpesa lɔn, ani ǹe Masa Tɔɔmasenin Isa min kelayanin i bolo.

Yohana 20:28

Tomasi k'a javi, a vɛɛ: «Ǹ Kuntii, ani ǹ Tii!»

Yohana 8:42

Isa vɛɛ ai yɛ: «Ni Ala tɛɛ vɛ kɛla ài fa bɛlɛbɛlɛ le, ǹa ko tɛɛ diyale ài yɛ, kamasɔlɔn m̀ bɔnin Ala le fɛlɔ ka na. M̀ ma na ǹe gbu ya seetiiya lɔ, mafɔ ale le na ǹ kelayala.

Kɛkolu 20:28

Ài y'ài jando ài jɛlɛ lɔ, k'ài jando Ala ya limaniyajama lɔ, Nii Sɛnɛyanin na min kalifala ài la. Ài yi kɛ iwo saakunnasiibalu limaniyajama kunna, Ala na min kɛla a ta le a jɛlɛkanu Denkɛ jeli fɛ.

Lɔmukalu 9:5

Ai bemanu taanin kɛla Ibulahima, Isiyaka ni Janguba le le. Ado Masa Tɔɔmasenin ka na mingɛ adamadenya boloma, a fɛ tɛɛ ai siboloma le la. Ala min yi fen bɛ kunna, tanuli y'a yɛ habadan! Amiina.

1 Kolɛntikalu 1:30

Ala le n'ài kafonna Masa Tɔɔmasenin Isa kɔkan, min kɛnin maa hangilimaya le ka bɔ Ala fɛ. Wo sabu la, mɔ vɛ kɛ telenmande le Ala ɲakɔlɔ, ka mɔ lasɛnɛya, ani ka mɔ kunmaka.

2 Kolɛntikalu 4:6

Kamasɔlɔn Ala min n'a fɔla, ko: «Kɛnɛya yi mɛnɛn divi lɔ,» ale kelen ne vɛ kɛnɛya lamɛnɛn mɔ josokun nɔ, fɔsa m'i Ala ya nɔɔlɔ lɔn min yi mɛnɛnna Masa Tɔɔmasenin Isa ɲakɔlɔla lɔ.

2 Kolɛntikalu 5:17

Ni mɔɔ min ka kɛ Masa Tɔɔmasenin ya kafonɲɔɔya lɔ, wo tii vɛ kɛ dannifen kula le. Ko kɔlɔlu vɛ tunun, ado ko kulalu le yi je butu.

Ɛfɛsikalu 3:18

wo vɛ kɛla, àilu ni mumininnu bɛ kɛtɔ fanga sɔlɔnna ka Masa Tɔɔmasenin ya kanundeya buɲa jate lɔn,

Filipikalu 3:9

ka ǹ kafonnin to a kɔkan. Ǹ tɛ m̀ bolomalala ǹe gbu ya telenmandeya ma min yi sɔlɔnna seliya latelenko fɛ, mafɔ m̀'ɛ a dɔgbɛlɛ sɔlɔn min yi nala limaniya fɛ Masa Tɔɔmasenin ma, wo le Ala ya telenmandeya le min jusiinin limaniya kɔkan.

1 Timote 3:16

Bɛ k'a lɔn ne Alaɲasiyanɲɛ yi gbonoko ba le le, ko: A la ka nkɛnɛmaya mɔɔnivin falikolo lɔ, Nii Sɛnɛyanin ka aa telenmandeya jiya, ado mɛlɛkalu ka a ye. Aa ko la ka se siboloma gbɛlɛ mɔɔlu tɛma, ani mɔɔlu ka limaniya a ma dunuɲa. A do la ka jɛlɛ Ala bolo ka don nɔɔlɔ lɔ.

Tite 2:13

ka mɔ to mɔ jeisii hɛlɛlon makɔnɔna, mɔ Tii Ala makawanin ya magbiliyali lankɛnɛmayatɔ lon min na, min yi mɔ Lakisiba Masa Tɔɔmasenin Isa le.

Hebululu 1:8

Kɛɛ a na min ne fɔla ka bɛn a Denkɛ ma, a vɛɛ: «Ile Ala, i totɔ iya masayasiifen nɔ kudein, i iya masayabele minala telenmandeya bolo le ma.

1 Yohana 2:23

Mɔɔ min n'i banna Denkɛ lɔ, wo tii tɛ a Fa ta le. Ni do mɔɔ min k'a bolo sii Denkɛ kɔlɔ, wo tii fana y'a Fa ta le le.

1 Yohana 2:24

Àilu koni, ài na kuma min mɛnna ka ta a damina ma, ài y'ài lɔja fɔsa wo yi sawati ài josokun nɔ. Ài na min mɛnna ka ta a damina ma, ni wo ka sawati ài josokun nɔ, àilu fana yi sawatile mɔ Fa ni a Denkɛ ya kafonɲɔɔya lɔ.

1 Yohana 2:6

Mɔɔ min y'a fɔla ko a yi Ala ya kafonɲɔɔya lɔ, fɔ wo tii yi taama iwo Isa gbu tɛɛ taamana teme.

1 Yohana 4:14

Mɔ v'a ye ka wo seleya di ko mɔ Fa ka a Denkɛ lana dunuɲa k'a kɛ dunuɲa Lakisiba le.

1 Yohana 4:16

Wo lɔ, ǹu gbu vɛ kanundeya wo lɔn min yi Ala bolo mɔ yɛ, ka limaniya a ma. Ala yi kanundeya le le. Wo lɔ, ni mɔɔ mɔɔ ka to taamana kanundeya lɔ, wo tii yi Ala ya kafonɲɔɔya le lɔ, ado Ala fana yi wo tii ya kafonɲɔɔya lɔ.

1 Yohana 4:2

Ala Nii yi lɔnna min ne ma: Ni mɔɔ mɔɔ k'i lɔ a la ko Isa le Masa Tɔɔmasenin ne min nanin dunuɲa mɔɔnivin falikolo lɔ, wo vɛ kɛla, Ala Nii yi wo tii fɛ.

1 Yohana 5:1

Ni mɔɔ mɔɔ ka limaniya a ma ko Isa yi Masa Tɔɔmasenin ne le, wo tii vɛ sɔlɔn kula kɛ Ala bolo. Ni do mɔɔ min vɛ den fa kanula, wo tii vɛ a den fana kanu.

1 Yohana 5:15

Ni mɔ do k'a lɔn ko a yi maa dailikan bɛ mɛnna, wo vɛ kɛla, mɔ k'a lɔn fana ko mɔ na a dalila ko ko si la, mɔ vɛ ban wo sɔlɔnna.

1 Yohana 5:18

Mɔ k'a lɔn ne ko mɔɔ min vɛ sɔlɔn kula kɛ Ala bolo, wo tii tɛ tola julumbu tala, kamasɔlɔn Ala Denkɛ y'a lakanala, ado Soitana tɛ se foi kɛla a la.

1 Yohana 5:5

Jene vɛ see sɔlɔn dunuɲa ma ni a tɛ mɔɔ le min limaniyanin a ma ko Isa yi Ala Denkɛ le le?

Ko Lankɛnɛmayanin 15:3

Ai tɛɛ Ala ya bɔiden Musa ya baiti lala, ani Saa Bolan ya baiti, ai vɛɛ: «Ala Seebɛtii, i kɛko bɛ makawayine ka buɲa. I kokɛɲalu telenyine, a bɛ yi tuɲa le le, ile, siboloma bɛ ya Masa.

Ko Lankɛnɛmayanin 19:11

Ǹ ka to kolasaala, ǹ ka sangbolo dakanin ye, soo gbɛ ka bɔ gbɛ la. A labɔliba min siinin tɛɛ a kɔkan, ai y'a fɔla min ma ko Lanande ani Tuɲande. A do yi kolatɔn kɛla ani ka kɛlɛ kɛ telenmandeya boloma.

Ko Lankɛnɛmayanin 3:14

«A sɛvɛ k'a lataa limaniyajama ya mɛlɛka ma min yi Layodiseya so kɔnɔ, i vɛɛ: ‹A ye, min yi Amiina le le, min yi sele ɲuma bɛlɛbɛlɛ le, ani Ala ya dannifen bɛ jusii, wo kan ne min ne:

Ko Lankɛnɛmayanin 3:7

«A sɛvɛ k'a lataa limaniyajama ya mɛlɛka ma min yi Filadɛfiya so kɔnɔ, i vɛɛ: ‹A ye, min sɛnɛyanin, min yi tuɲande le, Masakɛ Dawuda ya koɲii yi min bolo, min vɛ da lakala, mɔɔ foi tɛ se a datuunna, ani min vɛ da latuunna, mɔɔ foi tɛ se a lakala, wo kan ne min ne:

Ko Lankɛnɛmayanin 6:10

Ai do tɛɛ gbanɔla kan ba lɔ, ai vɛɛ: «Maa Faama, ile min sɛnɛyanin, ani ile min yi tuɲande le, i totɔ mɔ matamalala haan fɔɔ waate mindɛ jani i yi dunuɲamɔɔlu ya kiti tɛɛ, ka maa hakɛ bɔ ai lɔ ka bɛn mɔ faako ma?»