1 Yohana 5:13 - Ala Ya Salatikan Kula Kitabu

¹³ Ǹ'i ko minu sɛvɛla ài ma, àilu minu limaniyanin Ala Denkɛ tɔɔ ma, fɔsa ài y'a lɔn ko niimaya banbali y'ài bolo.

1 Yohana 5:13 ပူးပေါင်းရင်းမြစ်များ

Yohana 1:12

Kɛɛ mɔɔ minu k'ai bolo sii a kɔlɔ ka limaniya a ma, a ka see di wolu bɛ ma k'ai kɛ Ala den ne.

Yohana 2:23

Isa ka to Jelusalɛmu Timinkunna selibɔya lɔ, mɔɔ siyama ka limaniya a ma, kamasɔlɔn ai ka aa kawananko kɛninnu ye ai ɲa la.

Yohana 20:31

Kɛɛ ko minu sɛvɛnin fɔsa ài yi limaniya k'a fɔ ko Isa le Masa Tɔɔmasenin ne ani Ala Denkɛ. Ài do vɛ limaniyala a ma, ài kɛtɔ niimaya sɔlɔnna a tɔɔ fɛ.

Yohana 21:24

Kɔbiladen kelen wo le yi seleya dila ka bɛn ko minu ma ani ka minu bɛ sɛvɛ. Mɔ do k'a lɔn ko aa seleyakan yi tuɲa le le.

Yohana 3:18

«Ni mɔɔ min ka limaniya a ma, wo tii tɛ jobaliyala butu. Kɛɛ ni mɔɔ min do ma limaniya a ma, wo tii vɛ ban jobaliyala, kamasɔlɔn a ma limaniya Ala Denkɛ kelenpesa ma.

Yohana 5:24

«Ǹ'i tuɲa fɔ ài yɛ, ni mɔɔ mɔɔ ka ǹ kumakan mɛn ka limaniya ǹ kelaba ma, niimaya banbali yi wo tii le yɛ. Kiti tɛnala bilala wo tii la, kɛɛ a do vɛ bɔ saya lɔ ka don niimaya lɔ.

Kɛkolu 3:16

Kawananko min kɛnin limaniya le fɛ Isa tɔɔ lɔ. Ài ɲa yi kɛ́ min nɔ, ài do ka min lɔn, Isa tɔɔ le na fanga dila a ma. Limaniya min falannin Isa tɔɔ la, wo le kɛnin sabu le, ài y'a kɛnɛyanin dafanin yena yi ne.

Kɛkolu 4:12

Mɔɔlu tɛ se kisila boloɲa gbɛlɛ ma, fɔ ale kelenpesa, kamasɔlɔn Ala ma tɔɔ gbɛlɛ fɔ adamadennu yɛ dunuɲa, m'i kisi min fɛ.»

2 Kolɛntikalu 5:1

Mɔ falikolo min yi mɔ kan dunuɲa, wo kɛyine iwo faani tooda. Mɔ k'a lɔn ne ko ni wo ka tiɲa lon min na, habadan bon yi mɔ bolo haijɛnɛ, mɔɔ bolo ma min lɔ, mafɔ Ala gbugbu.

Galatiyakalu 4:6

Komi Ala den ne ài le, wo lɔ, a na a Denkɛ Nii lajiila ka don mɔ josokun nɔ. Nii wo le y'a kɛla, m'i Ala kilila, mɔ vɛɛ: «Mɔ Fa!»

1 Piyɛli 5:12

Silasi, ǹ'i min jatela m̀ badenma lanande le, wo vɛ m̀ madɛmɛn lɛtɛlɛ kulunni min sɛvɛko lɔ, fɔsa ǹ'a magbeleya ài yɛ ani ka ǹa seleya di ko Ala ya nɛɛma bɛlɛbɛlɛ le min ne, ài bolo kɛnin min na kpekpe.

1 Yohana 1:4

M'i ko minu sɛvɛla ài ma, fɔsa maa kɔnɔlɔdiya da yi fa.

1 Yohana 2:1

Ǹ dennu, ǹ'i ko minu sɛvɛla ài ma fɔsa ài kana julumbu ta. Kɛɛ ni mɔɔ dɔ ka julumbu ta, mɔ makofɔba yi mɔ Fa le fɛlɔ. Wo le Masa Tɔɔmasenin Isa le, min telennin.

1 Yohana 2:21

Ni ǹ ka sɛvɛ min lataa ài ma, a tɛ k'a fɔ ko ài ma tuɲa lɔn dɛ! Ài ka tuɲa lɔn, wo le y'a ma, ǹ'a lataala ài ma. Ài do k'a lɔn ne ko faɲa foi tɛ bɔla tuɲa lɔ.

1 Yohana 2:25

Masa Tɔɔmasenin na lahedi min tala mɔ yɛ, wo le min ne: niimaya banbali.

1 Yohana 2:26

Ǹ'i min sɛvɛla ài ma ka bɛn mɔɔ wolu ya ko le ma, minu y'a fɛ k'ài lafili.

1 Yohana 3:23

A na jamali min ne dila mɔ ma, ko m'i limaniya a Denkɛ Masa Tɔɔmasenin Isa tɔɔ ma, ani k'i ɲɔɔ kanu iwo a na mɔ jamalila teme.

1 Yohana 4:9

Ala na aa kanundeya lankɛnɛmayala mɔ yɛ teme, wo le ne: A na a Denkɛ kelenpesa lanala dunuɲa, fɔsa m'i niimaya kɛ wo sabu la.

1 Yohana 5:10

Ni mɔɔ min ka limaniya Ala Denkɛ ma, wo tii yi Ala ya seleyakan wo ladalola a josokun nɔ. Kɛɛ do, ni mɔɔ min ma limaniya Ala ma, wo tii vɛ Ala kɛ faɲafɔba le, kamasɔlɔn a ma limaniya seleyakan wo ma, Ala na min dila ka bɛn a Denkɛ ma.

1 Yohana 5:11

Seleyakan wo le min ne: Ala vɛ niimaya banbali di mɔ ma, ado niimaya wo yi sɔlɔnna a Denkɛ le sabu la.

1 Yohana 5:20

Ado mɔ k'a lɔn ne fana ko Ala Denkɛ nanin ka koɲaye di mɔ ma, fɔsa m'i wo lɔn, ale min y'a bɛlɛbɛlɛ le. Mɔ do kafonnin a bɛlɛbɛlɛ le kɔkan, ani a Denkɛ Masa Tɔɔmasenin Isa. Ala bɛlɛbɛlɛ le a le, ani niimaya banbali.