1 Yohana 5:12 - Ala Ya Salatikan Kula Kitabu

¹² Ni mɔɔ min ka kɛ Denkɛ ta le, niimaya banbali yi wo tii le bolo. Ni do mɔɔ min ma kɛ Ala Denkɛ ta le, niimaya banbali tɛ wo tii bolo.

1 Yohana 5:12 ပူးပေါင်းရင်းမြစ်များ

Malɛkɛ 16:16

Ni mɔɔ min ka limaniya k'a mako ji kɔlɔ, wo tii yi kisile. Kɛɛ do, ni mɔɔ min ma limaniya, wo tii jobaliyatɔle feu.

Yohana 1:12

Kɛɛ mɔɔ minu k'ai bolo sii a kɔlɔ ka limaniya a ma, a ka see di wolu bɛ ma k'ai kɛ Ala den ne.

Yohana 3:15

fɔsa ni mɔɔ mɔɔ ka limaniya a ma, wo tii yi niimaya banbali sɔlɔn.

Yohana 3:36

Mɔɔ min vɛ limaniyala a Denkɛ ma, niimaya banbali yi wo tii le yɛ. Kɛɛ ni mɔɔ min k'i ban a Denkɛ lɔ, wo tii tɛnala niimaya sɔlɔnna, mafɔ a yi tole Ala ya mɔnɛya kɔlɔ kudein.

Yohana 5:24

«Ǹ'i tuɲa fɔ ài yɛ, ni mɔɔ mɔɔ ka ǹ kumakan mɛn ka limaniya ǹ kelaba ma, niimaya banbali yi wo tii le yɛ. Kiti tɛnala bilala wo tii la, kɛɛ a do vɛ bɔ saya lɔ ka don niimaya lɔ.

1 Kolɛntikalu 1:30

Ala le n'ài kafonna Masa Tɔɔmasenin Isa kɔkan, min kɛnin maa hangilimaya le ka bɔ Ala fɛ. Wo sabu la, mɔ vɛ kɛ telenmande le Ala ɲakɔlɔ, ka mɔ lasɛnɛya, ani ka mɔ kunmaka.

Galatiyakalu 2:20

M̀'ɛ gbaan Masa Tɔɔmasenin fɛ kɔlɔman ma. Wo lɔ, ǹe gbu tɛ ǹ nii la butu, mafɔ Masa Tɔɔmasenin le a nii la ǹ nɔ. Ǹ'i ǹa dunuɲalɔtɛɛ min kɛla ǹ falikolo lɔ yi ne, ǹ'i wo kɛla ka bɛn limaniya le ma Ala Denkɛ ma, min na ǹ kanula k'a jɛlɛ di ǹa ko lɔ.

Hebululu 3:14

Kamasɔlɔn mɔ vɛ kɛ Masa Tɔɔmasenin lankan ne, ni mɔ bolo ka to maa lanaya kunfɔlɔ la kpekpe haan fɔɔ a laban nɔ.

2 Yohana 1:9

Ni mɔɔ mɔɔ ka taa a kunfɛ, a ma to Masa Tɔɔmasenin ya kalan kɔkan, wo vɛ kɛla, wo tii tɛ Ala ta le. Kɛɛ do, ni mɔɔ min ka to Masa Tɔɔmasenin ya kalan kɔkan, wo tii yi mɔ Fa ni a Denkɛ ta le le.