1 Yohana 5:10 - Ala Ya Salatikan Kula Kitabu

¹⁰ Ni mɔɔ min ka limaniya Ala Denkɛ ma, wo tii yi Ala ya seleyakan wo ladalola a josokun nɔ. Kɛɛ do, ni mɔɔ min ma limaniya Ala ma, wo tii vɛ Ala kɛ faɲafɔba le, kamasɔlɔn a ma limaniya seleyakan wo ma, Ala na min dila ka bɛn a Denkɛ ma.

1 Yohana 5:10 ပူးပေါင်းရင်းမြစ်များ

Yohana 3:16

Kamasɔlɔn Ala na dunuɲa kanula boloɲa min ne ma: A na a Denkɛ kelenpesa dila, fɔsa ni mɔɔ mɔɔ ka limaniya a ma, wo tii kana halaki, kɛɛ wo tii yi niimaya banbali sɔlɔn.

Yohana 3:18

«Ni mɔɔ min ka limaniya a ma, wo tii tɛ jobaliyala butu. Kɛɛ ni mɔɔ min do ma limaniya a ma, wo tii vɛ ban jobaliyala, kamasɔlɔn a ma limaniya Ala Denkɛ kelenpesa ma.

Yohana 3:33

Ni mɔɔ min do k'a bolo sii aa seleyakan kɔlɔ, wo tii v'a jiya ko Ala le tuɲande le.

Yohana 5:38

A kumakan sawatinin tɛ ài josokun nɔ, kamasɔlɔn a na mɔɔ min kelayala, ài ma limaniya wo tii ma.

Kɛkolu 8:37

[Filipe k'a javi, a vɛɛ: «Ni i ka limaniya i josokun bɛ la, wo yi sene kɛla.» Kɛ́ do vɛɛ: «M̀'ɛ limaniya k'a fɔ ko Masa Tɔɔmasenin Isa yi Ala Denkɛ le le.»]

Lɔmukalu 8:16

Nii Sɛnɛyanin gbu yi seleya min dila, wo seleya kelen ne yi mɔ josokun nɔ ko Ala den ne mɔ le.

Galatiyakalu 4:1

Ǹ'a fɛ k'a dɔ la ǹ kumakan kɔkan, ǹ ko, damanda kɛɛtaba yi denni ne bene, wotɛbɔli tɛ ale ni jɔn wotɛ, k'a talan fen bɛ y'a ta le le.

Galatiyakalu 4:6

Komi Ala den ne ài le, wo lɔ, a na a Denkɛ Nii lajiila ka don mɔ josokun nɔ. Nii wo le y'a kɛla, m'i Ala kilila, mɔ vɛɛ: «Mɔ Fa!»

Kɔlɔsikalu 3:3

kamasɔlɔn ài vɛ sa, ado àiya niimaya ladalonin Masa Tɔɔmasenin ne fɛ Ala ya foniseleya lɔ.

Hebululu 3:12

M̀ badenmalu, ài y'ài jando ài jɛlɛ lɔ, alako miliya yon ni limaniyabaliya kana don ài suu suu josokun nɔ, min yi kɛ sabu le k'ài mataa Ɲɛnɛmayatii Ala la.

2 Piyɛli 1:19

Wo le y'a ma, mɔ layine bubale kuma wo la min fɔnin kelalu bolo. A do yi bɛnne ni àilu fana k'ài hangili to wo lɔ, iwo fitina min yi mɛnɛnna divi lɔ, haan fɔɔ dusa yi gbɛ ani sɔɔmadala loloni ya kɛnɛya yi bɔ ài josokun nɔ.

1 Yohana 1:10

Ni mɔ k'a fɔ ko mɔ ma julumbu ta, mɔ vɛ Ala kɛ faɲafɔba le, a do kumakan tɛ mɔ josokun nɔ.

1 Yohana 5:1

Ni mɔɔ mɔɔ ka limaniya a ma ko Isa yi Masa Tɔɔmasenin ne le, wo tii vɛ sɔlɔn kula kɛ Ala bolo. Ni do mɔɔ min vɛ den fa kanula, wo tii vɛ a den fana kanu.

Ko Lankɛnɛmayanin 12:17

Wo ka jijala lamɔnɛ moso kanma bubale. A do vɛ taala ka kɛlɛ bila moso bɔzɔn tɔlu la, minu yi Ala ya jamalilu latelenna k'ai bolo kɛ Isa ya seleyakan na.

Ko Lankɛnɛmayanin 2:17

« ‹Tolo yi mɔɔ min kun, wo tii y'a tolomalɔ Nii Sɛnɛyanin kan na, a yi min fɔla limaniyajamalu yɛ. Ni mɔɔ min ka see sɔlɔn, ǹ kɛtɔ mana doonnin dɔ dila wo tii ma. Ǹ kɛtɔ kawakulun gbɛ dila a ma fana, tɔɔ kula dɔ sɛvɛnin vɛ min kɔkan, mɔɔ mɔɔ si ma min lɔn, mafɔ mɔɔ min kɛtɔ a sɔlɔnna.›

Ko Lankɛnɛmayanin 2:28

Ǹ kɛtɔ sɔɔmadala loloni fana dila wo tii le ma.