1 Yohana 4:9 - Ala Ya Salatikan Kula Kitabu

⁹ Ala na aa kanundeya lankɛnɛmayala mɔ yɛ teme, wo le ne: A na a Denkɛ kelenpesa lanala dunuɲa, fɔsa m'i niimaya kɛ wo sabu la.

1 Yohana 4:9 ပူးပေါင်းရင်းမြစ်များ

Malɛkɛ 12:6

Mɔɔ kelen min ka to gbeletii bolo, wo tɛɛ a diyanan denkɛ le le. A laban nɔ, a ka wo lataa ai ma, a vɛɛ: ‹Ai kɛtɔ ǹ denkɛ buɲala jɔ.›

Luka 4:18

«Mɔ Tii Nii Sɛnɛyanin yi ǹ kɔkan, kamasɔlɔn a na ǹ tala Samakan Kein lasenko lɔ fandannilu ma. A do na ǹ kelayala ko ǹ'a fɔ kasodennu yɛ ko ai la vɛ bila, k'a fɔ ɲagbɛlu yɛ ko ai ɲa la vɛ ka, k'a fɔ mɔɔ tɔlɔninnu yɛ ko ai la vɛ fɛlɛ ka bɔ ai tɔlɔyabalu bolo,

Yohana 10:10

Son tɛ nala ko ko si lɔ mafɔ suɲali, faali, ani tiɲali. Ǹe koni nanin fɔsa mɔɔlu yi niimaya sɔlɔn lawasa lɔ.

Yohana 14:6

Isa do vɛɛ a yɛ: «Ǹe le siya le, ani tuɲa, ani niimaya. Mɔɔ suu suu tɛ se taala ǹ Fa fɛlɔ ni a ma timin ǹe fɛ.

Yohana 3:16

Kamasɔlɔn Ala na dunuɲa kanula boloɲa min ne ma: A na a Denkɛ kelenpesa dila, fɔsa ni mɔɔ mɔɔ ka limaniya a ma, wo tii kana halaki, kɛɛ wo tii yi niimaya banbali sɔlɔn.

Yohana 3:18

«Ni mɔɔ min ka limaniya a ma, wo tii tɛ jobaliyala butu. Kɛɛ ni mɔɔ min do ma limaniya a ma, wo tii vɛ ban jobaliyala, kamasɔlɔn a ma limaniya Ala Denkɛ kelenpesa ma.

Yohana 5:23

fɔsa bɛ yi Denkɛ buɲa iwo ai y'a Fa buɲala teme. Ni mɔɔ min ma Denkɛ buɲa, wo tii tɛ a Fa fana buɲala min na wo kelayala.»

Yohana 6:29

Isa do k'ai javi, a vɛɛ: «Ala ya baale le min ne: Ka limaniya aa mɔɔ kelayanin ma.»

Yohana 6:51

Ǹe le niimaya bulu le min jiinin ka bɔ haijɛnɛ. Ni mɔɔ min ka bulu min dɔ dɔn, wo tii totɔ niimaya le lɔ kudein. Ado ǹ kɛtɔ bulu min dila fɔsa dunuɲa yi niimaya sɔlɔn, wo le ǹ falikolo le.»

Yohana 6:57

Ǹ kelayanin Ɲɛnɛmayatii Fa bolo ka niimaya sɔlɔn teme a sabu la, ni mɔɔ mɔɔ si ka balo ǹ falikolo la, wo tii kɛtɔ niimaya sɔlɔnna ten ne ǹ sabu la.

Yohana 8:29

Ǹ kelaba yi ǹ fɛ. A do ma ǹe kelen to, kamasɔlɔn ǹ'a diyanankolu le kɛla kudein.»

Yohana 8:42

Isa vɛɛ ai yɛ: «Ni Ala tɛɛ vɛ kɛla ài fa bɛlɛbɛlɛ le, ǹa ko tɛɛ diyale ài yɛ, kamasɔlɔn m̀ bɔnin Ala le fɛlɔ ka na. M̀ ma na ǹe gbu ya seetiiya lɔ, mafɔ ale le na ǹ kelayala.

Yohana 9:3

Isa k'ai javi, a vɛɛ: «A tɛ k'a fɔ kɛ́ min na julumbu le tala, niwotɛ a sɔlɔnbalu. Min kɛyine fɔsa Ala kɛkolu la yi nkɛnɛmaya a fɛ.

Lɔmukalu 8:32

Ala min ma saya lagban a jɛlɛkanu Denkɛ kunna, mafɔ ka wo di mɔ bɛ ya ko lɔ, jalasa a tɛnala mɔ sɔla fen bɛ la fana?

Hebululu 1:5

Kamasɔlɔn Ala m'a fɔ aa mɛlɛka suu suu yɛ, ko: «Ǹ Denkɛ le i le, m̀'ɛ kɛ i Fa le bi.» Niwotɛ, a ma kuma a dɔ ya ko lɔ k'a fɔ ko: «Ǹ kɛtɔ a Fa le, a do kɛtɔ ǹ denkɛ le.»

1 Yohana 3:16

Mɔ na kanundeya lɔnna min ne ma: Isa ka a nii di maa ko le lɔ. Wo le y'a ma, fɔ ǹu fana yi mɔ nii di mɔ badenmalu ya ko lɔ.

1 Yohana 4:10

Kanundeya bɛlɛbɛlɛ le min ne: A tɛ k'a fɔ ko mɔ na Ala kanula, kɛɛ ale le na mɔ kanula ka a Denkɛ lana, k'a kɛ maa julumbulu lɔkoto salaka le.

1 Yohana 4:16

Wo lɔ, ǹu gbu vɛ kanundeya wo lɔn min yi Ala bolo mɔ yɛ, ka limaniya a ma. Ala yi kanundeya le le. Wo lɔ, ni mɔɔ mɔɔ ka to taamana kanundeya lɔ, wo tii yi Ala ya kafonɲɔɔya le lɔ, ado Ala fana yi wo tii ya kafonɲɔɔya lɔ.

1 Yohana 5:11

Seleyakan wo le min ne: Ala vɛ niimaya banbali di mɔ ma, ado niimaya wo yi sɔlɔnna a Denkɛ le sabu la.

1 Yohana 5:13

Ǹ'i ko minu sɛvɛla ài ma, àilu minu limaniyanin Ala Denkɛ tɔɔ ma, fɔsa ài y'a lɔn ko niimaya banbali y'ài bolo.