1 Yohana 4:8 - Ala Ya Salatikan Kula Kitabu

⁸ Kɛɛ kanundeya tɛ mɔɔ min josokun nɔ, wo tii ma Ala lɔn, kamasɔlɔn Ala yi kanundeya le le.

1 Yohana 4:8 ပူးပေါင်းရင်းမြစ်များ

2 Kolɛntikalu 13:11

Mɔ badenmalu, a tonin min ma, wo le ne: Ài yi sawa, k'ài lɔja ka kɛ mɔɔ dafanin ne, k'i ɲɔɔ sɛmɛdon, k'ài bɛn a lɔ, ka josolajii ladon i ɲɔɔ wotɛ. Wo vɛ kɛla, Ala min yi kanundeya ni josolajii dila, wo kɛtɔ tola ài tɛma.

Ɛfɛsikalu 2:4

Kɛɛ wo bɛ n'a kɛ, Ala min ya henandeya walanin, a na kanundeya ba le jiyala mɔ la.

Hebululu 12:29

Kamasɔlɔn mɔ Tii Ala kɛyine iwo taa min yi fen bɛ halakila ka ban!

1 Yohana 1:5

Mɔ na samakan min mɛnna Isa da, m'i wo le lasena ài ma yi ne, ko: Ala yi kɛnɛya le le, divi pa tɛ a lɔ.

1 Yohana 2:4

Ni mɔɔ min k'a fɔ ko a ka Ala lɔn, k'a talan a tɛ aa jamalilu labatola, wo vɛ kɛla, faɲafɔba le wo tii le, ado tuɲa tɛ wo tii josokun nɔ.

1 Yohana 2:9

Ni mɔɔ min k'a fɔ ko a yi kɛnɛya le lɔ, k'a talan a a badenma lagbeyaɲɛla, wo tii yi divi le lɔ hali bi.

1 Yohana 3:10

Ala dennu ni Soitana dennu wotɛbɔ yi lɔnna teme, wo le ne: Mɔɔ min tɛ taamana telenmandeya lɔ, wo tii tɛ Ala ta le, kumatɛ mɔɔ min tɛ a badenma kanula.

1 Yohana 3:6

Mɔɔ min aa kafonɲɔɔya lɔ, wo tii tɛnala tola julumbu tala. Mɔɔ min do yi julumbu tala, wo tii ma Isa ye ba bene, a do m'a lɔn.

1 Yohana 4:16

Wo lɔ, ǹu gbu vɛ kanundeya wo lɔn min yi Ala bolo mɔ yɛ, ka limaniya a ma. Ala yi kanundeya le le. Wo lɔ, ni mɔɔ mɔɔ ka to taamana kanundeya lɔ, wo tii yi Ala ya kafonɲɔɔya le lɔ, ado Ala fana yi wo tii ya kafonɲɔɔya lɔ.

1 Yohana 4:7

Ǹ diyananmɔɔlu, ài m'i ɲɔɔ kanu, kamasɔlɔn kanundeya bɔnin Ala le lɔ. Mɔɔ min y'a mɔɔɲɔɔ kanula, wo tii vɛ sɔlɔn kula kɛ Ala bolo, a do ka Ala lɔn.