1 Yohana 4:7 - Ala Ya Salatikan Kula Kitabu

⁷ Ǹ diyananmɔɔlu, ài m'i ɲɔɔ kanu, kamasɔlɔn kanundeya bɔnin Ala le lɔ. Mɔɔ min y'a mɔɔɲɔɔ kanula, wo tii vɛ sɔlɔn kula kɛ Ala bolo, a do ka Ala lɔn.

1 Yohana 4:7 ပူးပေါင်းရင်းမြစ်များ

Yohana 13:34

Ǹ'i jamali kula le dila ài ma yi ne, ǹ ko, ài ɲɔɔ kanu. Ǹ n'ài kanula teme, fɔ àilu fana y'i ɲɔɔ kanu ten ne.

Yohana 17:3

Niimaya banbali kɔlɔ le ko, ai yi ile Ala bɛlɛbɛlɛ kelenpesa lɔn, ani ǹe Masa Tɔɔmasenin Isa min kelayanin i bolo.

1 Kolɛntikalu 8:3

Kɛɛ ni mɔɔ mɔɔ ka Ala kanu, Ala ka wo tii lɔn ne.

2 Kolɛntikalu 4:6

Kamasɔlɔn Ala min n'a fɔla, ko: «Kɛnɛya yi mɛnɛn divi lɔ,» ale kelen ne vɛ kɛnɛya lamɛnɛn mɔ josokun nɔ, fɔsa m'i Ala ya nɔɔlɔ lɔn min yi mɛnɛnna Masa Tɔɔmasenin Isa ɲakɔlɔla lɔ.

Galatiyakalu 4:9

Ài do vɛ Ala lɔn butu, niwotɛ Ala gbu vɛ ài lɔn aa mɔɔlu le. Mindɛ lɔ ài y'a fɛ k'ài kɔsei dunuɲa niimani fangandan kundannu ma k'ài kɛ wolu ya jɔnnu le kɔtunun?

Galatiyakalu 5:22

Kɛɛ Nii Sɛnɛyanin y'a den minu kɛla mɔɔ josokun nɔ, wolu le ne: kanundeya, josoladiya, josolajii, sawali, henandeya, ɲumaya, lanandeya,

2 Timote 1:7

Kamasɔlɔn Ala na Nii Sɛnɛyanin min dila mɔ ma, wo tɛ mɔ kɛla jiitɔ le feu, mafɔ a yi fanga le dila mɔ ma, ani kanundeya, ani jɛlɛlɔmina.

1 Piyɛli 1:22

Komi ài vɛ ài jɛlɛ lasɛnɛya ka bɛn tuɲa labatoko ma, fɔsa ài yi se i ɲɔɔ kanula badenmaya ni josolɔgbɛya boloma, wo le y'a ma, ài y'ài ɲɔɔ kanu kosɛvɛ ài josokun bɛ le.

1 Yohana 2:10

Mɔɔ min do y'a badenma kanula, wo tii yi taamana kɛnɛya le lɔ. A tɛnala kɛla sabu le k'a mɔɔɲɔɔ kunnɔtɛɛ.

1 Yohana 2:29

Ni ài k'a lɔn ko telenmande le a le, wo lɔ, ài yi la a la ko mɔɔ min yi taamana telenmandeya lɔ, wo tii vɛ sɔlɔn kula kɛ a bolo.

1 Yohana 2:3

Ni mɔ ka Ala ya jamalilu labato, m'a lɔnna wo le fɛ ko mɔ ka a lɔn.

1 Yohana 2:4

Ni mɔɔ min k'a fɔ ko a ka Ala lɔn, k'a talan a tɛ aa jamalilu labatola, wo vɛ kɛla, faɲafɔba le wo tii le, ado tuɲa tɛ wo tii josokun nɔ.

1 Yohana 2:7

Ǹ diyananmɔɔlu, ǹ tɛ jamali kula sɛvɛla ài ma, mafɔ jamali kɔlɔ, ài na min sɔlɔnna ka ta a damina ma. Ài na kuma min mɛnna kɔlɔkɔlɔ le, wo ni jamali min yi kelen ne le.

1 Yohana 3:9

Ni mɔɔ mɔɔ ka sɔlɔn kula kɛ Ala bolo, wo tii tɛnala tola julumbu tala, kamasɔlɔn Ala dajoo le y'a la. A do tɛ se tola julumbu tala, kamasɔlɔn a vɛ sɔlɔn kula kɛ Ala bolo.

1 Yohana 4:11

Ǹ diyananmɔɔlu, komi Ala vɛ mɔ kanu boloɲa wo ma, wo lɔ, fɔ ǹu fana y'i ɲɔɔ kanu.

1 Yohana 4:12

Mɔɔ foi ma Ala ye ba, kɛɛ ni mɔ k'i ɲɔɔ kanu, Ala totɔ maa kafonɲɔɔya lɔ, ani aa kanundeya dafatɔ mɔ josokun nɔ.

1 Yohana 4:16

Wo lɔ, ǹu gbu vɛ kanundeya wo lɔn min yi Ala bolo mɔ yɛ, ka limaniya a ma. Ala yi kanundeya le le. Wo lɔ, ni mɔɔ mɔɔ ka to taamana kanundeya lɔ, wo tii yi Ala ya kafonɲɔɔya le lɔ, ado Ala fana yi wo tii ya kafonɲɔɔya lɔ.

1 Yohana 4:20

Ni mɔɔ min k'a fɔ ko a yi Ala kanula, k'a talan a a badenma lagbeyaɲɛla, faɲafɔba le wo tii le. Kamasɔlɔn mɔɔ min tɛ a badenma kanula, a ɲa yi min na, wo tii tɛ se Ala kanula, a ɲa tɛ min na.

1 Yohana 4:8

Kɛɛ kanundeya tɛ mɔɔ min josokun nɔ, wo tii ma Ala lɔn, kamasɔlɔn Ala yi kanundeya le le.

1 Yohana 5:1

Ni mɔɔ mɔɔ ka limaniya a ma ko Isa yi Masa Tɔɔmasenin ne le, wo tii vɛ sɔlɔn kula kɛ Ala bolo. Ni do mɔɔ min vɛ den fa kanula, wo tii vɛ a den fana kanu.

2 Yohana 1:5

Ǹ diyanan badenmamoso, ǹ'i min fɔla i yɛ yi ne lɛtɛlɛ min nɔ, wo tɛ jamali kula le, mafɔ mɔ na min sɔlɔnna ka ta a damina ma, ko ài m'i ɲɔɔ kanu.