1 Yohana 4:6 - Ala Ya Salatikan Kula Kitabu

⁶ Ǹu koni yi Ala ta le le. Mɔɔ min ka Ala lɔn, wo tii y'a tolomalɔla mɔ la. Kɛɛ do, mɔɔ min tɛ Ala ta le, wo tii t'a tolomalɔla mɔ la. Nii Sɛnɛyanin min yi tuɲa lankɛnɛmayala, m'i wo ni faɲafɔ nii wotɛbɔ lɔnna teme, wo le ve.

1 Yohana 4:6 ပူးပေါင်းရင်းမြစ်များ

Luka 10:22

«Ǹ Fa vɛ ko bɛ don m̀ bolo. Mɔɔ ma Denkɛ lɔn ni a Fa tɛ. Ado mɔɔ ma Fa lɔn ni a Denkɛ tɛ, ani a Denkɛ y'a fɛ ka ale lankɛnɛmaya mɔɔ minu yɛ.»

Yohana 10:16

Saa gbɛlɛlu yi m̀ bolo, minu tɛ wɛlɛ min nɔ. Fɔ ǹ'i na wolu fana le. Ai do kɛtɔ ǹ kan mɛnna. Wo vɛ kɛla, ai bɛ kɛtɔ saa kulu kelen ne le, k'ai kɛ saakunnasiiba kelen bolo.

Yohana 10:27

Ǹa saalu y'ai tolomalɔla ǹ kumakan na. Ǹ k'ai lɔn, ai do yi bilala ǹ kɔ.

Yohana 10:3

Dalakanaba yi da lakala ale le yɛ. Saalu y'a kan mɛnna. A aa saalu kilila, a bɛ ni a tɔɔ, ka bɔ ai le kɛnɛma.

Yohana 13:20

Ǹ'i tuɲa fɔ ài yɛ, ni mɔɔ mɔɔ k'a bolo sii ǹa keladen dɔ kɔlɔ, wo tii v'a bolo sii ǹ kɔlɔ. Ado ni mɔɔ min k'a bolo sii ǹ kɔlɔ, wo tii v'a bolo sii ǹ kelaba fana kɔlɔ.»

Yohana 14:17

Nii Sɛnɛyanin koni, min yi tuɲa lankɛnɛmayala. Dunuɲa tɛ se wo sɔlɔnna, kamasɔlɔn a tɛ se a yena, kumatɛ k'a lɔn. Kɛɛ àilu k'a lɔn ne, kamasɔlɔn a ài fɛ, ani a kɛtɔ ài josokun nɔ.

Yohana 15:26

«Ǹ kɛtɔ Dɛmɛliba lanala waate min nɔ ka bɔ ǹ Fa fɛ, Nii Sɛnɛyanin koni min yi tuɲa lankɛnɛmayala, wo le kɛtɔ seleya dila ka bɛn m̀ ma.

Yohana 16:13

Kɛɛ Nii Sɛnɛyanin vɛ nala, min yi tuɲa lankɛnɛmayala, ale le kɛtɔ tuɲa bɛ jiyala ài la. A do tɛnala kumala a jɛlɛkanu ya seetiiya lɔ, kɛɛ a vɛ ko ko si mɛnna, a kɛtɔ wo le fɔla, ani ka ko natɔlu lase ài ma.

Yohana 18:37

Wo fɔ Isa bolo, Pilati vɛɛ a yɛ: «Jalasa i yi masakɛ le le wo lɔ?» Isa do vɛɛ a yɛ: «Ile gbu v'a fɔ ko ǹ'i masakɛ le le. Ǹ sɔlɔnnin ka na dunuɲa dailu min na, wo le, ka seleyakan lase ka bɛn tuɲa ma. Mɔɔ min yi tuɲa ta le, wo tii le y'a tolomalɔla ǹ na.»

Yohana 20:21

Isa do vɛɛ ai yɛ kɔtunun: «Hɛlɛ yi kɛ ài yɛ. Ǹ Fa na ǹ kelayala teme, ǹe fana y'ài kelayala ten ne.»

Yohana 8:19

Ai k'a maɲininga wo lɔ, ai vɛɛ: «I fa yi min ne?» Isa k'ai javi, a vɛɛ «Ài ma ǹ lɔn, kumatɛ ǹ Fa ma. Ni ài tɛɛ ka ǹ lɔn, ài tɛɛ ǹ Fa fana lɔnne.»

Yohana 8:23

Isa do k'ai javi, a vɛɛ: «Ài sɔlɔnnin duukolo kɔkan jan ne, kɛɛ ǹe do bɔnin san ne ma. Dunuɲa ta le ài le, kɛɛ dunuɲa ta tɛ ǹe le.

Lɔmukalu 1:1

Ǹe Pɔli, Masa Tɔɔmasenin Isa ya jɔn ne yi lɛtɛlɛ min sɛvɛla, ǹe min kilinin ka ǹ kɛ keladen ne, ani ka m̀ bila ǹ ta fan Ala ya Samakan Kein yɛ.

Lɔmukalu 11:8

A sɛvɛnin tan ne kitabu kɔnɔ, ko: «Ala vɛ ai hangili magbasi. Haan ka na sii bi la, ai tɛ se yeni kɛla ai ɲa la, ai do tɛ se ko mɛnna ai tolo la.»

1 Kolɛntikalu 14:37

Ni mɔɔ mɔɔ k'a mili ko kela le a le, niwotɛ a vɛ senko dɔ sɔlɔn Nii Sɛnɛyanin bolo, fɔ wo tii y'a ɲaye ko ǹ'i min sɛvɛla ài ma, wo yi mɔ Tii ya jamali le le.

2 Kolɛntikalu 10:7

Ài yi kolu lakɔlɔsi kobɛn minu y'ài ɲakɔlɔ! Ni mɔɔ dɔ lanin ka kɛ a la ko Masa Tɔɔmasenin ta le a le, fɔ wo tii y'a lɔn ko ǹu gbu yi Masa Tɔɔmasenin ta le le, iwo ale.

2 Tɛsalonikakalu 1:8

A do kɛtɔ nala taamɛnɛn ne ka Alalɔnbalilu jangata, ani mɔɔ minu yi kolobaliya kɛla mɔ Tii Isa ya Samakan Kein na.

1 Timote 4:1

Nii Sɛnɛyanin v'a lagbɛ ko dunuɲa laban waate, mɔɔ dɔlu kɛtɔ limaniya siya bilala, ka bila mɔɔlafilibalu kɔ minu yi aiya kalan sɔlɔnna jinalu la.

2 Piyɛli 3:2

ani ài kana ɲina kelayakumalu lɔ minu fɔnin lɔhɔlɔma kelalu bolo kɔlɔkɔlɔ le, ani mɔ Tii ni mɔ Lakisiba ya jamali min fɔnin ài yɛ keladennu bolo.

1 Yohana 4:1

Ǹ diyananmɔɔlu, ài kà la mɔɔ bɛ la minu y'a fɔla ko Ala Nii y'ai fɛ, kɛɛ ài y'ai lakɔlɔsi bene k'a lɔn ni Ala Nii le y'ai fɛ, kamasɔlɔn faɲafɔ kelalu vɛ siyaya dunuɲa.

1 Yohana 4:4

Ǹ dennu, àilu koni yi Ala ta le le. Ài do vɛ see sɔlɔn faɲafɔ kela wolu ma, kamasɔlɔn ale min y'ài fɛ, a fanga buɲanin vɛ dɔ wo ta le min yi dunuɲamɔɔlu fɛ.

1 Yohana 4:8

Kɛɛ kanundeya tɛ mɔɔ min josokun nɔ, wo tii ma Ala lɔn, kamasɔlɔn Ala yi kanundeya le le.

1 Yohana 5:19

Mɔ k'a lɔn ne ko Ala ta le mɔ le, ado dunuɲa bɛ yi Soitana fanga le kɔlɔ.

Jude 1:17

Kɛɛ àilu, ǹ diyananmɔɔlu koni, ài y'ài hangili to kelayakumalu lɔ, minu fɔnin kɔlɔman ne mɔ Tii Masa Tɔɔmasenin Isa ya keladennu bolo.