1 Yohana 4:4 - Ala Ya Salatikan Kula Kitabu

⁴ Ǹ dennu, àilu koni yi Ala ta le le. Ài do vɛ see sɔlɔn faɲafɔ kela wolu ma, kamasɔlɔn ale min y'ài fɛ, a fanga buɲanin vɛ dɔ wo ta le min yi dunuɲamɔɔlu fɛ.

1 Yohana 4:4 ပူးပေါင်းရင်းမြစ်များ

Yohana 12:31

Tandainɔ yi ne, dunuɲa kititɛɛ waate vɛ se, ado dunuɲa kuntii gbɛntɔle butu.

Yohana 14:30

Ǹ tɛnala mɛnna kumala ài fɛ, kamasɔlɔn dunuɲa kuntii yi nala. See foi tɛ a yɛ ǹ kan,

Yohana 16:11

Ai do filinin ka bɛn kititɛɛko ma, kamasɔlɔn dunuɲa kuntii ya kiti vɛ ban tɛɛla.

Yohana 17:23

Ǹ kafonnin ai kan, ado ile ni ǹe kafonnin i ɲɔɔ kan, fɔsa ai yi kɛ kelen ne bɛlɛbɛlɛ kɛ. Wo vɛ kɛla, dunuɲa kɛtɔ a lɔnna ko ile le na ǹ kelayala, ani i n'ai kanula iwo i na ǹ kanula teme.

Lɔmukalu 8:31

M'i mindɛ fɔ butu ka bɛn ko minu ma? Ni Ala ka kɛ mɔ fɛ, jene yi se i lɔla mɔ ɲa?

Lɔmukalu 8:37

Kɛɛ wo bɛ lɔ, mɔ vɛ kɛ seesɔlɔnbalu le feu ka bɛn ale le ma, ale min na mɔ kanula.

1 Kolɛntikalu 2:12

Ǹu koni, mɔ na hangili min sɔlɔnna, wo tɛ dunuɲa ta le. Mɔ do vɛ Ala Nii Sɛnɛyanin sɔlɔn, fɔsa m'i se Ala ya sɔlilu lɔnna teme.

1 Kolɛntikalu 6:13

Mɔɔ dɔlu fana y'a fɔla, ai vɛɛ: «Dɔnnifen dinin kɔnɔgbolo le ya ko lɔ, ani kɔnɔgbolo dinin dɔnnifen ne ya ko lɔ.» Tuɲa le, kɛɛ Ala kɛtɔ fen fila wo bɛ le halakila. Mɔɔ falikolo koni la ma dan kanukɛko lɔ, kamasɔlɔn mɔ Tii ta le falikolo le, ado falikolo fana ta le mɔ Tii le.

2 Kolɛntikalu 4:4

Mɔɔ wolu limaniyanin tɛ, kamasɔlɔn dunuɲa min kuntii yon vɛ ai hangili bila divi lɔ, fɔsa ai kana se Samakan Kein ya kɛnɛya yena, min yi Masa Tɔɔmasenin nɔɔlɔ lagbɛla, ale min yi Ala sawula le.

2 Kolɛntikalu 6:16

Bɛn suu mindɛ le yi Ala ya lɔhɔlɔmabonba ni joolu wotɛ? Kamasɔlɔn Ɲɛnɛmayatii Ala ya lɔhɔlɔmabon ne mɔ le, iwo Ala gbu n'a fɔla teme, a vɛɛ: «Ǹ kɛtɔ ǹ siila ai tɛma ka taama ai fɛ. Ǹ kɛtɔ kɛla ai Tii Ala le le, ai do kɛtɔ kɛla ǹa mɔɔlu le le.»

Ɛfɛsikalu 2:2

ài tɛɛ taamana minu ya siya kɔkan. Wo waate lɔ, ài tɛɛ kuntii kɛwon kɔ, min yi sanfɛ fangatiilu lamalala, ado nii kɛwon kelen wo le yi mɔɔlu labaalela minu tɛ Ala kumakan labatola.

Ɛfɛsikalu 3:17

fɔsa Masa Tɔɔmasenin yi sawati ài josokun nɔ ka bɛn limaniya ma. Ǹ'i Ala dalila kɔtunun, ǹ ko, àiya kanundeya lilen yi don ka bama,

Ɛfɛsikalu 6:10

Ka ǹa kuma laban, ǹ'a fɔla ài yɛ, ài y'ài sɛmɛdon mɔ Tii ya kafonɲɔɔya lɔ ka bɛn aa seetiiya makawanin ma.

1 Yohana 2:1

Ǹ dennu, ǹ'i ko minu sɛvɛla ài ma fɔsa ài kana julumbu ta. Kɛɛ ni mɔɔ dɔ ka julumbu ta, mɔ makofɔba yi mɔ Fa le fɛlɔ. Wo le Masa Tɔɔmasenin Isa le, min telennin.

1 Yohana 2:13

Falu, ǹ'i min sɛvɛla àilu le ma, kamasɔlɔn ale min yi je ka ta dunuɲa damina waate ma, ài ka a lɔn. Kavelennu, ǹ'i min sɛvɛla àilu le ma, kamasɔlɔn ài vɛ see sɔlɔn Soitana ma.

1 Yohana 3:20

Hali ni mɔ josokun ka kɛ mɔ jobaliyala, mɔ k'a lɔn ko Ala buɲayine mɔ josokun ne, ale le do ka ko bɛ lɔn.

1 Yohana 3:24

Mɔɔ min yi Ala ya jamalilu labatola, wo tii yi Ala ya kafonɲɔɔya le lɔ, ado Ala fana yi wo tii ya kafonɲɔɔya le lɔ. Mɔ n'a lɔnna boloɲa min ne ma ko a yi maa kafonɲɔɔya lɔ: A na Nii Sɛnɛyanin dila mɔ ma.

1 Yohana 4:13

Mɔ n'a lɔnna min ne ma ko m'i Ala ya kafonɲɔɔya lɔ, ani ale fana yi maa kafonɲɔɔya lɔ: A vɛ a Nii Sɛnɛyanin di mɔ ma.

1 Yohana 4:16

Wo lɔ, ǹu gbu vɛ kanundeya wo lɔn min yi Ala bolo mɔ yɛ, ka limaniya a ma. Ala yi kanundeya le le. Wo lɔ, ni mɔɔ mɔɔ ka to taamana kanundeya lɔ, wo tii yi Ala ya kafonɲɔɔya le lɔ, ado Ala fana yi wo tii ya kafonɲɔɔya lɔ.

1 Yohana 4:6

Ǹu koni yi Ala ta le le. Mɔɔ min ka Ala lɔn, wo tii y'a tolomalɔla mɔ la. Kɛɛ do, mɔɔ min tɛ Ala ta le, wo tii t'a tolomalɔla mɔ la. Nii Sɛnɛyanin min yi tuɲa lankɛnɛmayala, m'i wo ni faɲafɔ nii wotɛbɔ lɔnna teme, wo le ve.

1 Yohana 5:19

Mɔ k'a lɔn ne ko Ala ta le mɔ le, ado dunuɲa bɛ yi Soitana fanga le kɔlɔ.

1 Yohana 5:4

Kamasɔlɔn mɔɔ minu vɛ sɔlɔn kula kɛ Ala bolo, wolu bɛ vɛ see sɔlɔn dunuɲa ma. Maa see sɔlɔnko dunuɲa ma, wo le maa limaniya le.

Ko Lankɛnɛmayanin 12:11

Mɔ badenmalu vɛ see sɔlɔn a ma, ka bɛn Saa Bolan jeli bɔnko ma ani aiya seleyakannu, kamasɔlɔn ai ma aiya niimaya kanu haan fɔɔ ka siyan saya ɲa.