1 Yohana 4:21 - Ala Ya Salatikan Kula Kitabu

²¹ Ado jamali min ne yi mɔ bolo ka bɔ Ala fɛ, ko ni mɔɔ min ka Ala kanu, fɔ wo tii y'a badenma fana kanu.

1 Yohana 4:21 ပူးပေါင်းရင်းမြစ်များ

Matiyu 5:43

«Ài k'a mɛn ko a k'a fɔ, ko: ‹I i siiɲɔɔ kanu, k'i juu lagbeyaɲɛ.›

Luka 10:37

A do ka Isa javi, a vɛɛ: «Mɔɔ min na henandeya jiyala a la.» Isa do vɛɛ a yɛ: «Taa, ile fana yi wo ɲɔɔzii kɛ.»

Yohana 15:12

Ǹa jamali le ne: Ài i ɲɔɔ kanu iwo ǹ n'ài kanula teme.

Galatiyakalu 5:14

Kamasɔlɔn Ala ya seliya bɛ lakunnin yi kuma kelen min ne lɔ, ko: «I i siiɲɔɔ kanu iwo ile gbu.»

Galatiyakalu 5:6

Damanda mɔɔ yi Masa Tɔɔmasenin Isa ya kafonɲɔɔya lɔ, i ka kɛnɛkɛ o, i ma kɛnɛkɛ o, wo foi tɛ jatela. Min yi jatela, wo le limaniya le, min yi mɔɔ lɔla koɲuma kɛla kanundeya boloma.

1 Tɛsalonikakalu 4:9

Dailu tɛ a la butu k'a fɔ ko mɔɔ dɔ yi sɛvɛ lataa ài ma ka bɛn ɲɔɔkanuko ma, kamasɔlɔn Ala vɛ ài kalan ka bɛn ɲɔɔkanuko ma.

1 Piyɛli 3:8

Ka ǹa kuma laban: Ài yi kɛ miliya kelen nɔ, ài yi kɛ i ɲɔɔ fɛ ko bɛ lɔ, ài ɲɔɔ kanu iwo badenmalu, ài ɲɔɔ maɲumaye, ani ài y'ài fanmajii i ɲɔɔ yɛ.

1 Piyɛli 4:8

Min buɲanin ko bɛ le, wo le min ne: Ài ɲɔɔ kanu kosɛvɛ, kamasɔlɔn hakɛ siyama lɔ yi kotola kanundeya le sabu la.

1 Yohana 2:7

Ǹ diyananmɔɔlu, ǹ tɛ jamali kula sɛvɛla ài ma, mafɔ jamali kɔlɔ, ài na min sɔlɔnna ka ta a damina ma. Ài na kuma min mɛnna kɔlɔkɔlɔ le, wo ni jamali min yi kelen ne le.

1 Yohana 3:11

Ài na kuma min mɛnna ka ta a damina ma, wo le ne: Ài m'i ɲɔɔ kanu.

1 Yohana 3:14

Mɔ k'a lɔn ne mɔ vɛ bɔ saya lɔ ka don niimaya lɔ, kamasɔlɔn m'i mɔ badenmalu kanula. Ni mɔɔ min do tɛ a badenmalu kanula, wo tii tonin saya le lɔ.

1 Yohana 3:18

Ǹ dennu, maa ɲɔɔkanuko kà dan dalɔkuma ma dein. Fɔ a yi kɛ kanundeya bɛlɛbɛlɛ le le, min yi lɔnna mɔ kɛkolu fɛ.

1 Yohana 3:23

A na jamali min ne dila mɔ ma, ko m'i limaniya a Denkɛ Masa Tɔɔmasenin Isa tɔɔ ma, ani k'i ɲɔɔ kanu iwo a na mɔ jamalila teme.

1 Yohana 4:11

Ǹ diyananmɔɔlu, komi Ala vɛ mɔ kanu boloɲa wo ma, wo lɔ, fɔ ǹu fana y'i ɲɔɔ kanu.