1 Yohana 4:17 - Ala Ya Salatikan Kula Kitabu

¹⁷ Kanundeya dafanin mɔ tɛma boloɲa wo le ma, fɔsa lanaya yi kɛ mɔ josokun nɔ kititɛɛlon, kamasɔlɔn m'i niimaya min kɛla dunuɲa, wo kɛyine iwo Masa Tɔɔmasenin ta yi teme.

1 Yohana 4:17 ပူးပေါင်းရင်းမြစ်များ

Matiyu 10:15

Ǹ'i tuɲa fɔ ài yɛ, kititɛɛlon, Sɔdɔmu ni Gɔmɔli so yonnu ya kiti kɛtɔ nɔyala ka timin so wo mɔɔlu ta la.»

Matiyu 10:25

Ni kalannaden ka se aa kalanmɔɔ lɔ, wo vɛ je bɔ. Ni do jɔn ka se aa jɔnfa lɔ, wo vɛ je bɔ. Ni ai k'a fɔ lutii kɛmɔba ma ko Biyɛzɛbɔ, a lagbɛyine feu ko ai kɛtɔ wo tii ya bonnamɔɔlu mafinna ka timin wo la!

Matiyu 11:22

Wo le y'a ma, ǹ'a fɔla ài yɛ, kititɛɛlon, Tilika ni Sidɔnkalu ya kiti kɛtɔ nɔyala ka timin ài ta la.

Matiyu 11:24

Ǹ'a fɔ ài yɛ, kititɛɛlon, Sɔdɔmu mɔɔ yonnu ya kiti kɛtɔ nɔyala ka timin ài ta la.»

Matiyu 12:36

«Kɛɛ ǹ'a fɔ ài yɛ, mɔɔlu yi kuma kolon suu suu fɔla, ai kɛtɔ wo bɛ dandɛɛli kɛla kititɛɛlon.

Yohana 15:20

Ǹ na min fɔla ài yɛ kɔlɔkɔlɔ le, ài hangili yi to wo lɔ, ǹ ko: ‹Jɔn tɛ buɲa sɔlɔnna ka timin aa jɔnfa la.› Ni ai na ǹ jangatala, ai kɛtɔ àilu fana jangatala. Kɛɛ ni ai na ǹ kumakannu labatola, ai kɛtɔ ài kumakannu labatola fana.

Yohana 17:22

I na magbiliyali min dila m̀ ma, ǹ na wo suu le dila ai ma, fɔsa ai yi kɛ kelen ne iwo ǹe ni ile yi kelen ne teme.

Lɔmukalu 8:29

Kamasɔlɔn mɔɔ minu lɔnnin tɛɛ Ala bolo ka ta a damina ma, a k'a latɛɛ fana ko wolu yi kɛ a Denkɛ sawula le le, fɔsa wo yi kɛ den kunfɔlɔ le badenma siyama wotɛ.

Hebululu 9:27

A latɛɛnin mɔɔlu ma teme ko ai yi sa siɲa kelen ne dein, wo kɔ, ka taa ai lɔ kititɛɛya lɔ,

Janguba 2:13

Kamasɔlɔn ni mɔɔ min ma hena dɔlu la, wo tii ya kiti tɛnala tɛɛla henandeya boloma. Henandeya le yi see sɔlɔnna kiti ma.

Janguba 2:22

I v'a ye ko aa limaniya ni a kɛkolu tɛɛ baalela i ɲɔɔ fɛ, ado a kɛkolu le ka aa limaniya dafa.

2 Piyɛli 2:9

Wo le y'a ma, mɔ Tii ka a ɲasiyanɲɛbalu lakisiɲa lɔn k'ai bɔ aiya tɔlɔyalu lɔ, a do ka telenbalilu ladaloɲa lɔn kolatɔn kanma haan fɔɔ kititɛɛlon yi se.

2 Piyɛli 3:7

Kɛɛ m'i sangbolo ni duukolo minu yena yi ne, wolu ladalonin Ala kumakan kelen wo le sabu la, fɔsa ai yi ɲɛnin taa bolo. Ai do ladalotɔle haan fɔɔ kititɛɛlon yi se, Alaɲasiyanɲɛbalilu kɛtɔ halakila lon min na.

1 Yohana 2:28

Wo lɔ saa, dennilu, ài yi to Masa Tɔɔmasenin ya kafonɲɔɔya lɔ, fɔsa a la vɛ nkɛnɛmayala lon min na, lanaya yi kɛ mɔ josokun nɔ, ani mɔ kana mɔ majaanya a la maloya boloma.

1 Yohana 2:5

Kɛɛ mɔɔ min y'a kumakan labatola, Ala ya kanundeya da vɛ fa wo tii josokun nɔ bɛlɛbɛlɛ kɛ. Mɔ do y'a lɔnna min ne ma ko m'i Ala ya kafonɲɔɔya lɔ:

1 Yohana 2:6

Mɔɔ min y'a fɔla ko a yi Ala ya kafonɲɔɔya lɔ, fɔ wo tii yi taama iwo Isa gbu tɛɛ taamana teme.

1 Yohana 3:1

Ài y'a ye mɔ Fa na mɔ kanula teme, haan fɔɔ ai y'a fɔla mɔ ma ko Ala dennu. Mɔ gbu do yi wo le le! Dailu min na kɛla dunuɲa ma mɔ lɔn, wo le, dunuɲa ma Ala lɔn.

1 Yohana 3:3

Ni jeisii wo ka kɛ mɔɔ min bolo, wo tii y'a jɛlɛ lasɛnɛyale iwo Isa sɛnɛyanin teme.

1 Yohana 3:7

Ǹ dennu, ài kà diɲa mɔɔ mɔɔ y'ài lafili. Mɔɔ min yi taamana telenmandeya lɔ, wo tii telenyine iwo Isa gbu telennin teme.

1 Yohana 4:12

Mɔɔ foi ma Ala ye ba, kɛɛ ni mɔ k'i ɲɔɔ kanu, Ala totɔ maa kafonɲɔɔya lɔ, ani aa kanundeya dafatɔ mɔ josokun nɔ.