1 Yohana 4:12 - Ala Ya Salatikan Kula Kitabu

¹² Mɔɔ foi ma Ala ye ba, kɛɛ ni mɔ k'i ɲɔɔ kanu, Ala totɔ maa kafonɲɔɔya lɔ, ani aa kanundeya dafatɔ mɔ josokun nɔ.

1 Yohana 4:12 ပူးပေါင်းရင်းမြစ်များ

Yohana 1:18

Mɔɔ suu suu ma Ala ye ba a ɲa la bene. Kɛɛ ale kelenpesa min ni Ala yi kelen ne, min siinin mɔ Fa Ala tɔɔfɛ, wo vɛ mɔ lalɔnni Ala ya ko la.

1 Kolɛntikalu 13:13

Wo le y'a ma yi ne, ko sawa le yi je minu totɔ je habadan: limaniya, jeisii, ani kanundeya. Kɛɛ a bɛ lɔ bubata le kanundeya le.

1 Timote 1:17

Mɔ Tii, Masa sabali, Masa yenbali, ale min yi Ala kelenpesa le, buɲali ni magbiliyali y'a yɛ waate bɛ ani habadan. Amiina.

1 Timote 6:16

Ale kelenpesa le Masa sabali le, min makɛya nɔɔlɔ walanin haan fɔɔ mɔɔ tɛ se i madonna a la. Mɔɔ mɔɔ ɲa ma la ba a kan bene, ado mɔɔ tɛ se a yena. Buɲali ni seetiiya y'a yɛ habadan. Amiina.

Hebululu 11:27

Nabi Musa ya limaniya le na kɛla sabu le, a ka bɔ Misilan, a do ma siyan masakɛ ya mɔnɛ ɲa. A k'i lɔja sawali boloma iwo a ɲa lɔnin vɛ Ala lɔ, mɔɔ tɛ se min yena.

1 Yohana 2:5

Kɛɛ mɔɔ min y'a kumakan labatola, Ala ya kanundeya da vɛ fa wo tii josokun nɔ bɛlɛbɛlɛ kɛ. Mɔ do y'a lɔnna min ne ma ko m'i Ala ya kafonɲɔɔya lɔ:

1 Yohana 3:24

Mɔɔ min yi Ala ya jamalilu labatola, wo tii yi Ala ya kafonɲɔɔya le lɔ, ado Ala fana yi wo tii ya kafonɲɔɔya le lɔ. Mɔ n'a lɔnna boloɲa min ne ma ko a yi maa kafonɲɔɔya lɔ: A na Nii Sɛnɛyanin dila mɔ ma.

1 Yohana 4:16

Wo lɔ, ǹu gbu vɛ kanundeya wo lɔn min yi Ala bolo mɔ yɛ, ka limaniya a ma. Ala yi kanundeya le le. Wo lɔ, ni mɔɔ mɔɔ ka to taamana kanundeya lɔ, wo tii yi Ala ya kafonɲɔɔya le lɔ, ado Ala fana yi wo tii ya kafonɲɔɔya lɔ.

1 Yohana 4:20

Ni mɔɔ min k'a fɔ ko a yi Ala kanula, k'a talan a a badenma lagbeyaɲɛla, faɲafɔba le wo tii le. Kamasɔlɔn mɔɔ min tɛ a badenma kanula, a ɲa yi min na, wo tii tɛ se Ala kanula, a ɲa tɛ min na.

1 Yohana 4:6

Ǹu koni yi Ala ta le le. Mɔɔ min ka Ala lɔn, wo tii y'a tolomalɔla mɔ la. Kɛɛ do, mɔɔ min tɛ Ala ta le, wo tii t'a tolomalɔla mɔ la. Nii Sɛnɛyanin min yi tuɲa lankɛnɛmayala, m'i wo ni faɲafɔ nii wotɛbɔ lɔnna teme, wo le ve.