1 Yohana 4:11 - Ala Ya Salatikan Kula Kitabu

¹¹ Ǹ diyananmɔɔlu, komi Ala vɛ mɔ kanu boloɲa wo ma, wo lɔ, fɔ ǹu fana y'i ɲɔɔ kanu.

1 Yohana 4:11 ပူးပေါင်းရင်းမြစ်များ

Luka 10:37

A do ka Isa javi, a vɛɛ: «Mɔɔ min na henandeya jiyala a la.» Isa do vɛɛ a yɛ: «Taa, ile fana yi wo ɲɔɔzii kɛ.»

Yohana 13:34

Ǹ'i jamali kula le dila ài ma yi ne, ǹ ko, ài ɲɔɔ kanu. Ǹ n'ài kanula teme, fɔ àilu fana y'i ɲɔɔ kanu ten ne.

Ɛfɛsikalu 4:31

Wo lɔ, ài yi josolakuna dabila, ani josobɔ, ani mɔnɛ, ani wɔyɔ, ani tɔɔtiɲali, ani kɔnɔlɔgbeya suu bɛ.

Kɔlɔsikalu 3:13

Ài do sɔn yi kun i ɲɔɔ nɔ, k'i ɲɔɔ makoto. Ni a dɔ ka hakɛ ta a dɔ la, ài ɲɔɔ makoto iwo mɔ Tii n'ài makotola teme.

1 Yohana 2:7

Ǹ diyananmɔɔlu, ǹ tɛ jamali kula sɛvɛla ài ma, mafɔ jamali kɔlɔ, ài na min sɔlɔnna ka ta a damina ma. Ài na kuma min mɛnna kɔlɔkɔlɔ le, wo ni jamali min yi kelen ne le.

1 Yohana 3:11

Ài na kuma min mɛnna ka ta a damina ma, wo le ne: Ài m'i ɲɔɔ kanu.

1 Yohana 3:23

A na jamali min ne dila mɔ ma, ko m'i limaniya a Denkɛ Masa Tɔɔmasenin Isa tɔɔ ma, ani k'i ɲɔɔ kanu iwo a na mɔ jamalila teme.

1 Yohana 4:7

Ǹ diyananmɔɔlu, ài m'i ɲɔɔ kanu, kamasɔlɔn kanundeya bɔnin Ala le lɔ. Mɔɔ min y'a mɔɔɲɔɔ kanula, wo tii vɛ sɔlɔn kula kɛ Ala bolo, a do ka Ala lɔn.

2 Yohana 1:5

Ǹ diyanan badenmamoso, ǹ'i min fɔla i yɛ yi ne lɛtɛlɛ min nɔ, wo tɛ jamali kula le, mafɔ mɔ na min sɔlɔnna ka ta a damina ma, ko ài m'i ɲɔɔ kanu.