1 Yohana 4:1 - Ala Ya Salatikan Kula Kitabu

¹ Ǹ diyananmɔɔlu, ài kà la mɔɔ bɛ la minu y'a fɔla ko Ala Nii y'ai fɛ, kɛɛ ài y'ai lakɔlɔsi bene k'a lɔn ni Ala Nii le y'ai fɛ, kamasɔlɔn faɲafɔ kelalu vɛ siyaya dunuɲa.

1 Yohana 4:1 ပူးပေါင်းရင်းမြစ်များ

Malɛkɛ 13:21

Wo waate, ni mɔɔ dɔ k'a fɔ ài yɛ, a vɛɛ: ‹A ye, Masa Tɔɔmasenin yi jan ne!› niwotɛ: ‹A ye, a yi jan ve!› ài kà la wo foi la.

Luka 12:57

«Mindɛ lɔ ài tɛ se hali ka kotelenninu lɔkiti ài jɛlɛ yɛ?

Luka 21:8

A vɛɛ ai yɛ: «Ài y'ài jando ài jɛlɛ lɔ fɔsa mɔɔ kana ài lafili. Kamasɔlɔn mɔɔ siyama kɛtɔ nala ǹ tɔɔ lɔ k'a fɔ ko: ‹Ǹe le Masa Tɔɔmasenin ne!› ani ko: ‹Dunuɲa laban waate ma vɛ sulunya!› Ài kà bila wo suu suu kɔ.

Kɛkolu 17:11

Je mɔɔlu josolɔgbɛyine tɛɛ ka timin mɔɔlu la minu tɛɛ Tɛsalonika, kamasɔlɔn ai k'ai bolo sii Ala kumakan kɔlɔ sɛmɛdon boloma, ai vɛ kitabulu mafɛlɛnna lon bɛ k'a lɔn ni ko wolu yi tuɲa le le.

Kɛkolu 20:29

Ǹ k'a lɔn m̀'ɛ taala waate min nɔ, mɔɔ yonnu dontɔ ài tɛma iwo soofalilu, minu tɛnala saa kulu tola je.

1 Kolɛntikalu 12:10

A do yi kawananko kɛ see dila dɔ ma, ka kelayakɛ see di a dɔgbɛlɛ ma, ani ka kolakɔlɔsi see di a dɔgbɛlɛ ma kɔtunun fɔsa a yi se Nii Sɛnɛyanin kɛkolu ni Soitana talu wotɛbɔla teme. A yi see dila dɔ ma ka kuma kan gbɛlɛlu lɔ, ka see di a dɔgbɛlɛ ma ka kan wolu kɔlɔ fɔ.

1 Kolɛntikalu 14:29

Kelayakuma lasenba fila niwotɛ sawa yi kuma. Ai do vɛ min fɔla, mɔɔ tɔlu yi wo lakɔlɔsi kobɛn.

1 Tɛsalonikakalu 5:20

Ài kà kelalu ya kumalu lafeya.

1 Tɛsalonikakalu 5:21

Ài do yi ko bɛ lakɔlɔsi k'ài bolo kɛ a ɲuma la.

2 Tɛsalonikakalu 2:2

ni ài k'a mɛn ko mɔ Tii nalon vɛ ban sena, hali ni ai k'a fɔ ko ai na wo mɛnna maa kelayakuma le fɛ, niwotɛ maa kawanili lɔ, niwotɛ maa lɛtɛlɛ dɔ lɔ, wo vɛ kɛla, ài hangili kà ɲaami k'ài lamaamaa telemanin.

1 Timote 4:1

Nii Sɛnɛyanin v'a lagbɛ ko dunuɲa laban waate, mɔɔ dɔlu kɛtɔ limaniya siya bilala, ka bila mɔɔlafilibalu kɔ minu yi aiya kalan sɔlɔnna jinalu la.

2 Timote 3:13

Kɛɛ mɔɔ yonnu ni wunafalilu koni, a dɔ kɛtɔ tola lala aiya koyon ne kɔkan kudein, ai vɛ dɔlu lafilila iwo ailu gbu lafilinin teme.

2 Piyɛli 2:1

Iwo faɲafɔ kelalu k'i wuli teme Bani Isilankalu tɛma kɔlɔkɔlɔ le, wo boloɲa kelen ma, faɲafɔ kalanmɔɔlu wulitɔ ài tɛma doon nɔ ka na kalan dɔlu le minu yi halakili lasena mɔɔlu ma, hali k'ai ban ai Tii gbu lɔ min n'ai kunmakala. Ai do kɛtɔ halakili lasena ai jɛlɛ ma jona.

1 Yohana 2:18

Ǹ dennu, dunuɲa laban waate ma vɛ sulunya. Ài n'a mɛnna ko Masa Tɔɔmasenin kɛlɛkɛɲɔɔ natɔ, ado tandainɔ yi ne, Masa Tɔɔmasenin kɛlɛkɛɲɔɔ siyama vɛ ban nala. Wo le n'a kɛla, mɔ k'a lɔn dunuɲa laban waate ma vɛ sulunya.

1 Yohana 2:7

Ǹ diyananmɔɔlu, ǹ tɛ jamali kula sɛvɛla ài ma, mafɔ jamali kɔlɔ, ài na min sɔlɔnna ka ta a damina ma. Ài na kuma min mɛnna kɔlɔkɔlɔ le, wo ni jamali min yi kelen ne le.

2 Yohana 1:7

Mɔɔlafilibalu vɛ siyaya dunuɲa yi ne, minu tɛ diɲala k'ai lɔ a la ko Masa Tɔɔmasenin Isa nanin dunuɲa mɔɔnivin falikolo lɔ. Mɔɔ suu wolu yi mɔɔlafiliba le le, ani Masa Tɔɔmasenin kɛlɛkɛɲɔɔ.

3 Yohana 1:11

Ǹ diyananmɔɔ, i k'i bila koyon fɛ, mafɔ koɲuma. Mɔɔ min yi koɲuma kɛla, wo tii yi Ala ta le le. Kɛɛ mɔɔ min yi koyon kɛla, wo tii ma Ala lɔn feu.

Ko Lankɛnɛmayanin 2:2

« ‹Ǹ k'i kɛkolu lɔn, ani iya baale gbɛlɛnnu, ani iya sawali. Ǹ k'a lɔn fana ko i tɛ diɲala mɔɔ yonnu ya ko ma, mafɔ i vɛ mɔɔ wolu lakɔlɔsi minu y'a fɔla ai jɛlɛ ma ko Isa ya keladennu, k'a talan ai tɛ wo le. I do v'a ye ko faɲafɔba le ai le.