1 Yohana 3:8 - Ala Ya Salatikan Kula Kitabu

⁸ Ni do mɔɔ min ka to julumbu tala, wo tii yi Soitana ya mɔɔ le le, kamasɔlɔn Soitana yi julumbu ta le la ka ta dunuɲa damina waate ma. Dailu min na kɛla Ala Denkɛ na nala dunuɲa, wo le Soitana kɛkolu lɔtiɲako le.

1 Yohana 3:8 ပူးပေါင်းရင်းမြစ်များ

Matiyu 12:28

Kɛɛ ni a ka talan ǹ'i jinalu gbɛnna mɔɔlu lɔ Ala Nii Sɛnɛyanin ya seetiiya le lɔ, wo vɛ kɛla, Ala ya masaya vɛ ban sena ài tɛma.

Matiyu 13:38

Sɛnɛ yi dunuɲa le le. Malosi ɲuma, wo yi mɔɔlu le le minu fɛ yi Ala ya masaya la. Bin yonnu yi Soitana ya mɔɔlu le le.

Matiyu 4:3

Soitana k'i madon a la k'a fɔ a yɛ, a vɛɛ: «Ni Ala Denkɛ le i le, i y'a fɔ kawakulun minu yɛ ko ai yi jɛlɛma ka kɛ bulu le.»

Malɛkɛ 1:24

«Isa Nazalɛtika! Mindɛ le ile ni ǹu wotɛ? I nanin mɔ halakiko le lɔ? Ǹ k'a lɔn mɔɔ min i le. Ala ya Mɔɔ Sɛnɛyanin ne i le le.»

Luka 10:18

Isa do vɛɛ ai yɛ: «Ǹ na Soitana bentɔla yena ka bɔ sangbolo lɔ iwo sanmɛnɛn.

Yohana 12:31

Tandainɔ yi ne, dunuɲa kititɛɛ waate vɛ se, ado dunuɲa kuntii gbɛntɔle butu.

Yohana 16:11

Ai do filinin ka bɛn kititɛɛko ma, kamasɔlɔn dunuɲa kuntii ya kiti vɛ ban tɛɛla.

Yohana 8:44

Àilu y'ài fa Soitana ta le le, a do lɔɔ y'ài la k'ai fa ladiyanankolu le kɛ. Ka ta dunuɲa damina ma, mɔɔfaaba le a le, min m'a bolo sii tuɲandeya kɔlɔ, kamasɔlɔn hali tuɲa den kelen gbu t'a lɔ. A vɛ kɛla faɲa fɔla, wo y'a jɛlɛkanu dajoo le le, kamasɔlɔn faɲafɔba le a le ani faɲafɔbalu fa.

Lɔmukalu 16:20

Ado Ala min yi josolajii dila, wo kɛtɔ Soitana lɔgbɛnɛngɛla ài sen kɔlɔ jona. Mɔ Tii Masa Tɔɔmasenin Isa ya nɛɛma yi kɛ ài yɛ.

Ɛfɛsikalu 2:2

ài tɛɛ taamana minu ya siya kɔkan. Wo waate lɔ, ài tɛɛ kuntii kɛwon kɔ, min yi sanfɛ fangatiilu lamalala, ado nii kɛwon kelen wo le yi mɔɔlu labaalela minu tɛ Ala kumakan labatola.

Kɔlɔsikalu 2:15

Wo boloɲa ma, a ka fangatii ni kuntii yenbalilu ya seetiiya tiɲa, k'ai lamaloya bala lɔ iwo kɛlɛkɔlɔdennu, a vɛ seesɔlɔntaama kɛla ai ɲa ka bɛn a gbaankɔlɔman ma.

1 Timote 3:16

Bɛ k'a lɔn ne Alaɲasiyanɲɛ yi gbonoko ba le le, ko: A la ka nkɛnɛmaya mɔɔnivin falikolo lɔ, Nii Sɛnɛyanin ka aa telenmandeya jiya, ado mɛlɛkalu ka a ye. Aa ko la ka se siboloma gbɛlɛ mɔɔlu tɛma, ani mɔɔlu ka limaniya a ma dunuɲa. A do la ka jɛlɛ Ala bolo ka don nɔɔlɔ lɔ.

Hebululu 2:14

Komi den wolu yi mɔɔnivin ne le, wo lɔ, Isa gbu k'a fɛ bila aiya mɔɔnivinya la, fɔsa ka bɛn aa saya ma, a tɛɛ Soitana fanga tiɲa, saya fanga yi min bolo,

Hebululu 9:26

Ni wo tɛ kɛ, a tɛɛ tɔlɔya masɔlɔnne siɲa siyama le ka ta dunuɲa dan waate ma. Kɛɛ dunuɲa laban waate min nɔ yi ne, a vɛ na siɲa kelen ne le ka ban, fɔsa a yi julumbu ban ka bɛn salaka ma, a na a jɛlɛ bɔla min ne.

2 Piyɛli 2:4

Ala ma kolatɔn lagban mɛlɛkalu kunna minu ka julumbu ta kɔlɔkɔlɔ le, mafɔ k'ai lafili Jahanama k'ai sili jɔlɔkɔlu le je divi fin mainmain nɔ haan fɔɔ kititɛɛlon yi se.

1 Yohana 1:2

Niimaya wo la ka nkɛnɛmaya, mɔ do na a yena ka kɛ a sele le, ado m'i niimaya banbali wo ya ko lasena ài ma min tɛɛ mɔ Fa fɛlɔ, a do la na nkɛnɛmayala mɔ yɛ.

1 Yohana 3:10

Ala dennu ni Soitana dennu wotɛbɔ yi lɔnna teme, wo le ne: Mɔɔ min tɛ taamana telenmandeya lɔ, wo tii tɛ Ala ta le, kumatɛ mɔɔ min tɛ a badenma kanula.

1 Yohana 3:5

Ài k'a lɔn ko Isa la na nkɛnɛmayala fɔsa a yi maa julumbulu bɔ mɔ ma, ado julumbu foi tɛ ale ma.

1 Yohana 5:19

Mɔ k'a lɔn ne ko Ala ta le mɔ le, ado dunuɲa bɛ yi Soitana fanga le kɔlɔ.

Jude 1:6

Ado mɛlɛka minu ma diɲa ka to ai lɔyalu lɔ mafɔ ka bɔ ai makɛya bɛlɛbɛlɛ lɔ, wolu silinin habadan jɔlɔkɔ le le divi fin mainmain nɔ, haan fɔɔ kititɛɛ lonba yi se.

Ko Lankɛnɛmayanin 20:10

Soitana min n'ai lafilila, wo la ka fili taa diɲa ba lɔ, timiliki kawa yi ɲɛninna tɛɛminja, ani soofali ni aa faɲafɔ kela yi tɛɛminja. Ai kɛtɔ tɔlɔyala je su ni tele waate bɛ ani habadan.

Ko Lankɛnɛmayanin 20:15

Ado mɔɔ mɔɔ tɔɔ sɛvɛnin tɛɛ ma talan niimaya kitabu kɔnɔ, wo tii la ka fili taa diɲa ba lɔ.