1 Yohana 3:5 - Ala Ya Salatikan Kula Kitabu

⁵ Ài k'a lɔn ko Isa la na nkɛnɛmayala fɔsa a yi maa julumbulu bɔ mɔ ma, ado julumbu foi tɛ ale ma.

1 Yohana 3:5 ပူးပေါင်းရင်းမြစ်များ

Matiyu 1:21

A kɛtɔ denkɛ sɔlɔnna. I y'a tɔɔla ko Isa, kamasɔlɔn ale le kɛtɔ aa mɔɔlu lakisila k'ai bɔ aiya julumbulu lɔ.»

Luka 23:41

Ǹu ni kolatɔn min kaanyine ka bɛn mɔ kɛkolu ma, kɛɛ do, kɛ́ min ma koyon foi kɛ.»

Luka 23:47

Sɔdasi kuntii ka ko wolu ye mingɛ, a vɛ Ala tanula k'a fɔ, a vɛɛ: «Kɛ́ min tɛɛ mɔɔ telennin ne le feu!»

Yohana 1:29

Wo kɛnɛbɔlon, Yaya ka Isa natɔla ye a ma k'a fɔ, a vɛɛ: «Ài ɲa kaa! Ala ya Saa Bolan ne ve le, min yi julumbu bɔla dunuɲamɔɔlu ma.

Yohana 1:31

Ǹe koni tɛɛ m'a lɔn kunfɔlɔ le, kɛɛ ǹ nanin mɔɔlu makola ji le le, fɔsa a la yi nkɛnɛmaya Bani Isilankalu yɛ.»

Yohana 14:30

Ǹ tɛnala mɛnna kumala ài fɛ, kamasɔlɔn dunuɲa kuntii yi nala. See foi tɛ a yɛ ǹ kan,

Yohana 8:46

Jene y'ài tɛma min yi se ǹe jobaliyala julumbu tako lɔ? Ni ǹe do yi tuɲa le fɔla, mindɛ lɔ ài limaniyanin tɛ m̀ ma?

2 Kolɛntikalu 5:21

Masa Tɔɔmasenin ma julumbu foi ta, kɛɛ Ala na maa julumbu doni lala ale le kun, fɔsa m'i kɛ telenmande le Ala ɲakɔlɔ aa kafonɲɔɔya lɔ.

1 Timote 1:15

Kuma min yi tuɲa le le, bɛ ka kan k'a bolo sii min kɔlɔ feu: Masa Tɔɔmasenin Isa nanin dunuɲa kɔnɔ julumbutɔlu lakisiko le lɔ, ado ǹ taanin kɛla wolu bɛ lɔ mɔɔ kɛwon ne le.

1 Timote 3:16

Bɛ k'a lɔn ne Alaɲasiyanɲɛ yi gbonoko ba le le, ko: A la ka nkɛnɛmaya mɔɔnivin falikolo lɔ, Nii Sɛnɛyanin ka aa telenmandeya jiya, ado mɛlɛkalu ka a ye. Aa ko la ka se siboloma gbɛlɛ mɔɔlu tɛma, ani mɔɔlu ka limaniya a ma dunuɲa. A do la ka jɛlɛ Ala bolo ka don nɔɔlɔ lɔ.

Tite 2:14

Ale le n'a jɛlɛ dila maa ko lɔ, fɔsa a yi mɔ kunmaka ka mɔ bɔ maa kɔnɔlɔgbeya bɛ lɔ, ani ka mɔɔlu lasɛnɛya a jɛlɛ yɛ minu sɛmɛdonnin kɛko ɲumalu ma.

Hebululu 1:3

Ale le Ala ya magbiliyali nɔɔlɔ le, ani a kɛɲa jiyaba bɛlɛbɛlɛ, ado dunuɲa kɔnɔlɔfen bɛ y'ai nɔ lɔ ka bɛn a kumakan fangama le ma. A ka ban mɔɔlu lasɛnɛyala k'ai julumbulu bɔ ai ma mingɛ, a ka t'i sii Masa Kɔlɔtaninba bolokini fannɔ haijɛnɛ.

Hebululu 4:15

Kamasɔlɔn salakalase kuntiiba min tɛ se henala mɔ la maa fangandanya lɔ, wo suu tɛ mɔ bolo, mafɔ maa salakalase kuntiiba fana ma vɛ nɛɛ boloɲa suu bɛ dɔ ma iwo ǹu, kɛɛ a do ma julumbu ta.

Hebululu 7:26

Salakalase kuntiiba min ne bɛnnin mɔ ma feu! A sɛnɛyayine, fɛɛ suu suu tɛ a la, kumatɛ kɔsɔ ma. A majaanyine julumbutɔlu la, k'a kɔlɔta haan fɔɔ ka timin sangbolo dan bɛ la poon.

Hebululu 9:26

Ni wo tɛ kɛ, a tɛɛ tɔlɔya masɔlɔnne siɲa siyama le ka ta dunuɲa dan waate ma. Kɛɛ dunuɲa laban waate min nɔ yi ne, a vɛ na siɲa kelen ne le ka ban, fɔsa a yi julumbu ban ka bɛn salaka ma, a na a jɛlɛ bɔla min ne.

Hebululu 9:28

wo boloɲa kelen ne ma, Masa Tɔɔmasenin fana na kɛla salaka le siɲa kelen ne le dein, ka mɔɔ siyama ya julumbulu bɔ ai ma. A do natɔ a siɲa filana lɔ, kɛɛ wo tɛnala kɛla julumbu lɔkotoko le, mafɔ ka mɔɔlu lakisi minu y'a nalon makɔnɔna.

1 Piyɛli 1:18

Ài y'a lɔn ko ài kunma ma ka ka bɔ ài bemanu ya namun fuunnu ma fen tiɲata sabu la iwo wɔligbɛ ni sanu,

1 Piyɛli 1:20

Wo la tɛɛ vɛ tɛɛ Masa Tɔɔmasenin ma jani dunuɲa tɛɛ dan, kɛɛ a la vɛ nkɛnɛmaya waate laban min nɔ ka bɛn àilu le ma.

1 Piyɛli 2:22

A ma julumbu foi ta, ado janvakan foi ma bɔ a da.

1 Piyɛli 2:24

Masa Tɔɔmasenin gbu le na maa julumbulu tala a jɛlɛkanu falikolo lɔ kɔlɔman ma, fɔsa m'i sa ka bɔ julumbu fanga kɔlɔ ka niimaya kɛ telenmandeya yɛ. Daa minu ka bɔ a falikolo ma, wo le na kɛnɛya lasena mɔ ma.

1 Piyɛli 3:18

Masa Tɔɔmasenin fana ka tɔlɔya masɔlɔn siɲa kelen ne le ka bɛn adamadennu ya julumbulu ma. Ale telenmande na sala mɔɔ telenbalilu ya ko lɔ, fɔsa a tɛɛ ài madon Ala la. A do falikolo ka saya masɔlɔn, kɛɛ a ka niimaya sɔlɔn kɔtunun Nii Sɛnɛyanin sabu la.

1 Yohana 1:2

Niimaya wo la ka nkɛnɛmaya, mɔ do na a yena ka kɛ a sele le, ado m'i niimaya banbali wo ya ko lasena ài ma min tɛɛ mɔ Fa fɛlɔ, a do la na nkɛnɛmayala mɔ yɛ.

1 Yohana 1:7

Kɛɛ ni mɔ ka kɛ kɛnɛyalɔkolu kɛla, iwo Ala gbu yi kɛnɛya lɔ teme, kafonɲɔɔya le kɛtɔ kɛla mɔ wotɛ, ado a Denkɛ Isa jeli yi mɔ lasɛnɛyale ka maa julumbulu bɛ bɔ mɔ ma.

1 Yohana 2:1

Ǹ dennu, ǹ'i ko minu sɛvɛla ài ma fɔsa ài kana julumbu ta. Kɛɛ ni mɔɔ dɔ ka julumbu ta, mɔ makofɔba yi mɔ Fa le fɛlɔ. Wo le Masa Tɔɔmasenin Isa le, min telennin.

1 Yohana 2:2

Ale le na kɛla julumbu lɔkoto salaka le mɔ yɛ. A do ma dan maa julumbulu ma dein, mafɔ dunuɲamɔɔlu bɛ ta.

1 Yohana 2:29

Ni ài k'a lɔn ko telenmande le a le, wo lɔ, ài yi la a la ko mɔɔ min yi taamana telenmandeya lɔ, wo tii vɛ sɔlɔn kula kɛ a bolo.

1 Yohana 3:8

Ni do mɔɔ min ka to julumbu tala, wo tii yi Soitana ya mɔɔ le le, kamasɔlɔn Soitana yi julumbu ta le la ka ta dunuɲa damina waate ma. Dailu min na kɛla Ala Denkɛ na nala dunuɲa, wo le Soitana kɛkolu lɔtiɲako le.

Ko Lankɛnɛmayanin 1:5

Ado nɛɛma ni josolajii yi kɛ ài yɛ ka bɔ Masa Tɔɔmasenin Isa fɛ, min kɛnin sele lanande le, ani mɔɔ kunfɔlɔ min wulinin ka bɔ saya lɔ, ani dunuɲa masalu ya kuntii. Tanuli y'a yɛ, ale min na mɔ kanula, ka mɔ lafɛlɛ ka bɔ maa julumbulu ma a jeli sabu la.