1 Yohana 3:22 - Ala Ya Salatikan Kula Kitabu

²² Ado mɔ v'a dalila ko ko la, m'i wo sɔlɔnne, kamasɔlɔn m'aa jamalilu labatola k'a diyanankolu kɛ.

1 Yohana 3:22 ပူးပေါင်းရင်းမြစ်များ

Matiyu 17:5

Piyɛli ka to kumala, sanbiliya mɛnɛnnin ka na ka bilin ai kunna. Kumakan dɔ ka bɔ sanbiliya lɔ, a vɛɛ: «Ǹ diyanan Denkɛ le ne, min yi ǹ kɔnɔlɔdiyala bubale. Ài y'ài tolomalɔ a la.»

Matiyu 21:22

Ni ài ka ko ko dali Ala la limaniya boloma, ài yi wo sɔlɔnne.»

Malɛkɛ 11:24

Ǹ'a fɔla ài yɛ wo le lɔ, ài vɛ Ala dalila min na, ài yi limaniya ko ài vɛ ban wo sɔlɔnna, wo do yi kɛle ài yɛ.

Yohana 14:13

Wo lɔ, ài vɛ ko ko madalila ǹ tɔɔ lɔ, ǹ'i wo kɛle ài yɛ, fɔsa ǹ Fa yi magbiliyali sɔlɔn a Denkɛ fɛ.

Yohana 15:10

Ni ài ka kɛ ǹa jamalilu labatola, ài yi tole ǹa kanundeya lɔ iwo ǹ na ǹ Fa ya jamalilu labatola teme ka to aa kanundeya lɔ.

Yohana 15:7

Ni ài kafonnin ka to ǹ kan, ani ǹ kumakannu ka sawati ài josokun nɔ bɛlɛbɛlɛ kɛ, ài vɛ ko ko si dalila, wo yi kɛle ài yɛ.

Yohana 6:29

Isa do k'ai javi, a vɛɛ: «Ala ya baale le min ne: Ka limaniya aa mɔɔ kelayanin ma.»

Yohana 8:29

Ǹ kelaba yi ǹ fɛ. A do ma ǹe kelen to, kamasɔlɔn ǹ'a diyanankolu le kɛla kudein.»

Yohana 9:31

Mɔ k'a lɔn Ala tɛ julumbutɔ ya madailikan minala, kɛɛ mɔɔ mɔɔ vɛ Ala buɲala k'a sawo kɛ, a yi wo tii ya madailikan ne minala.

Kɛkolu 17:30

Waate lɔ, Ala ma aiya kolɔnbaliya jate ko le, kɛɛ tandainɔ, a yi mɔɔ bɛ jamalila fan bɛ lɔ ko ai yi tube.

Kɛkolu 20:21

Ǹ tɛɛ Jahudiyalu ni siboloma bɛ lalila ko ai y'ai jɛlɛ lasei Ala ma, ka limaniya mɔ Tii Isa ma.

Filipikalu 4:18

Ài na fen fen si lanala m̀ ma, ǹ na wo bɛ le yena. Ài na samalifen min donna Ɛpafolodite bolo, wo le na ǹ ɲɛnɛla ka m̀ mako laɲia bubale. Wo kɛyine iwo salaka min suma diyanin, Ala a bolo siila a ladiyanan salaka suu min kɔlɔ.

Kɔlɔsikalu 1:10

Wo vɛ kɛla, ài taamaɲa yi mɔ Tii lasawale, ka diya a yɛ boloɲa bɛ ma, ài vɛ koɲuma suu bɛ dɔ kɛla ka to taala ɲafɛ Ala lɔnko lɔ.

Hebululu 13:21

Ala wo yi koɲuma suu bɛ see di ài ma a sawonanko kɛko lɔ, a v'a ladiyanankolu labaalela mɔ josokun nɔ Masa Tɔɔmasenin Isa sabu la, magbiliyali yi min yɛ waate bɛ ani habadan! Amiina.

Janguba 1:5

Ni ài dɔ dɛsɛnin ka kɛ hangilimaya la, wo tii yi Ala dali, a do yi hangilimaya dile wo tii ma. Ale le bolo fɔlinnin bɛ sɔko lɔ, makumali tɛ min nɔ.

Janguba 4:3

Ài do v'a dalila, ài tɛ fen sɔlɔnna, kamasɔlɔn ài tɛ daili kɛla a ɲa bɛlɛbɛlɛ ma, mafɔ ka bɛn ài niikanukolu le ma.

Janguba 5:16

Wo lɔ saa, ài y'ài dalabɔ àiya julumbulu la i ɲɔɔ ɲakɔlɔ, ani ka Ala dali i ɲɔɔ yɛ, fɔsa ài yi kɛnɛya sɔlɔn. Fanga ba le yi telenmande ya Aladali la, a do yi ko ɲiala kosɛvɛ.

1 Yohana 2:3

Ni mɔ ka Ala ya jamalilu labato, m'a lɔnna wo le fɛ ko mɔ ka a lɔn.

1 Yohana 5:14

Lanaya min yi mɔ josokun nɔ Ala ɲakɔlɔ, wo le min ne: Ni mɔ ka a dali ko ko si la ka bɛn a sawo ma, a yi wo mɛnne.