1 Yohana 3:2 - Ala Ya Salatikan Kula Kitabu

² Ǹ diyananmɔɔlu, Ala den ne mɔ le tandainɔ! Kɛɛ mɔ kɛtɔ teme, wo la ma nkɛnɛmaya ba bene. Ǹu koni k'a lɔn ne ni Masa Tɔɔmasenin la ka nkɛnɛmaya waate min nɔ, mɔ kɛtɔle iwo ale, kamasɔlɔn mɔ kɛtɔ a yena iwo a gbu yi teme.

1 Yohana 3:2 ပူးပေါင်းရင်းမြစ်များ

Matiyu 5:8

Duwawuden ne mɔɔ josolɔgbɛninnu le, kamasɔlɔn ai kɛtɔ Ala yena.

Luka 17:30

Mɔɔnivin Tanin vɛ bɔla gbɛ la lon min na, a kɛtɔ wo boloɲa kelen ne ma.

Luka 20:36

Ai tɛnala saya masɔlɔnna butu. Ai kɛtɔle iwo mɛlɛkalu, ani Ala den ne ai le, kamasɔlɔn ai v'i wuli ka bɔ saya lɔ.

Yohana 1:12

Kɛɛ mɔɔ minu k'ai bolo sii a kɔlɔ ka limaniya a ma, a ka see di wolu bɛ ma k'ai kɛ Ala den ne.

Yohana 11:52

A do tɛnala sala Jahudiyalu ya ko lɔ dein, mafɔ ka Ala ya mɔɔ jɛzɛnninu bɛ ladɛn k'ai kɛ falikolo kelen ne.

Yohana 17:24

«Ǹ Fa, ǹ'a fɛ ǹ'i tɛɛminja, i na minu dila m̀ ma, wolu fana yi kɛ ǹ fɛ je, fɔsa ai yi ǹa magbiliyali ye, i na min dila m̀ ma kamasɔlɔn i na ǹ kanula jani dunuɲa tɛɛ dan.

Lɔmukalu 8:16

Nii Sɛnɛyanin gbu yi seleya min dila, wo seleya kelen ne yi mɔ josokun nɔ ko Ala den ne mɔ le.

Lɔmukalu 8:18

Ǹ ta miliya lɔ, bi tɔlɔyalu tɛ se sumala magbiliyali ma min la kɛtɔ nkɛnɛmayala mɔ yɛ sinin.

Lɔmukalu 8:19

Kamasɔlɔn dannifen bɛ kɔlɔtɔnin wo lon nako le la, Ala kɛtɔ a dennu lankɛnɛmayala lon min na.

Lɔmukalu 8:29

Kamasɔlɔn mɔɔ minu lɔnnin tɛɛ Ala bolo ka ta a damina ma, a k'a latɛɛ fana ko wolu yi kɛ a Denkɛ sawula le le, fɔsa wo yi kɛ den kunfɔlɔ le badenma siyama wotɛ.

1 Kolɛntikalu 13:12

Bi m'i kolu yena iwo duwalen ɲala filisifɔlɔsɔ, kɛɛ lon dɔ, mɔ kɛtɔ yeni kɛla ɲa ni ɲa. Tandainɔ, ǹa lɔnni dan y'a la. Kɛɛ lon dɔ, ǹ kɛtɔ kolu lɔnna bɛlɛbɛlɛ kɛ iwo ǹe fana lɔnnin teme bɛlɛbɛlɛ kɛ Ala bolo.

1 Kolɛntikalu 15:49

Mɔ sɔlɔnnin kɛ́ wo sawula lɔ teme min ladannin duu bamu le, wo boloɲa kelen ma, mɔ kɛtɔ kɛ́ kelen wo le sawula tala min bɔnin haijɛnɛ.

1 Kolɛntikalu 2:9

Kɛɛ a sɛvɛnin kitabu kɔnɔ tan ne, ko: «Ɲa ma la ko minu ma, tolo ma ko minu mɛn, ado ko min miliya ma bila mɔɔ suu suu josokun nɔ, Ala na wolu le latɛɛla a kanundelu yɛ.»

2 Kolɛntikalu 3:18

Faani bilinnin tɛ ǹu minu ɲa la, m'i mɔ Tii nɔɔlɔ jiyala iwo jiya yi yena duwalen nɔ teme. Wo ma, mɔ Tii min kɛnin Nii Sɛnɛyanin ne, wo yi mɔ mafalinna ka mɔ kɛ iwo ale gbu, ka nɔɔlɔ dɔ la a dɔ kɔkan waate bɛ.

2 Kolɛntikalu 4:17

Ado m'i tɔlɔyani minu masɔlɔnna waateni kɔlɔ, wolu yi mɔ lɔbɛnna habadan magbiliyali le lɔ, min buɲanin ka timin tɔlɔya wolu la feu.

Galatiyakalu 3:26

Kamasɔlɔn ài bɛ yi Ala den ne le ka bɛn limaniya ma Masa Tɔɔmasenin Isa ya kafonɲɔɔya lɔ.

Galatiyakalu 4:6

Komi Ala den ne ài le, wo lɔ, a na a Denkɛ Nii lajiila ka don mɔ josokun nɔ. Nii wo le y'a kɛla, m'i Ala kilila, mɔ vɛɛ: «Mɔ Fa!»

Filipikalu 3:21

Ale le kɛtɔ aa seetiiya labaalela, ka mɔ falikolo fangandan jɛlɛma, ka kɛ ale gbu falikolo nɔɔlɔnin suu le, ka bɛn wo seetiiya ma, a yi min labaalela ka fen bɛ kolo a yɛ.

Kɔlɔsikalu 3:4

Masa Tɔɔmasenin min kɛnin àiya niimaya le, wo la vɛ nkɛnɛmayala lon min na, àilu fana nɔɔlɔnin lankɛnɛmayatɔ a fɛ.

Hebululu 9:28

wo boloɲa kelen ne ma, Masa Tɔɔmasenin fana na kɛla salaka le siɲa kelen ne le dein, ka mɔɔ siyama ya julumbulu bɔ ai ma. A do natɔ a siɲa filana lɔ, kɛɛ wo tɛnala kɛla julumbu lɔkotoko le, mafɔ ka mɔɔlu lakisi minu y'a nalon makɔnɔna.

2 Piyɛli 1:4

Ka bɛn ko wolu ma, a na lahedi kulugbɛlɛn babalu tala mɔ yɛ, fɔsa lahedi wolu fɛ, ài yi kisi ka bɔ dunuɲa kolɔtiɲalu lɔ minu yi nala niikanuko yonnu fɛ, ani ài y'ài ta sɔlɔn Ala ya foniseleya lɔ.

1 Yohana 2:28

Wo lɔ saa, dennilu, ài yi to Masa Tɔɔmasenin ya kafonɲɔɔya lɔ, fɔsa a la vɛ nkɛnɛmayala lon min na, lanaya yi kɛ mɔ josokun nɔ, ani mɔ kana mɔ majaanya a la maloya boloma.

1 Yohana 2:7

Ǹ diyananmɔɔlu, ǹ tɛ jamali kula sɛvɛla ài ma, mafɔ jamali kɔlɔ, ài na min sɔlɔnna ka ta a damina ma. Ài na kuma min mɛnna kɔlɔkɔlɔ le, wo ni jamali min yi kelen ne le.

1 Yohana 3:1

Ài y'a ye mɔ Fa na mɔ kanula teme, haan fɔɔ ai y'a fɔla mɔ ma ko Ala dennu. Mɔ gbu do yi wo le le! Dailu min na kɛla dunuɲa ma mɔ lɔn, wo le, dunuɲa ma Ala lɔn.

1 Yohana 3:10

Ala dennu ni Soitana dennu wotɛbɔ yi lɔnna teme, wo le ne: Mɔɔ min tɛ taamana telenmandeya lɔ, wo tii tɛ Ala ta le, kumatɛ mɔɔ min tɛ a badenma kanula.

1 Yohana 3:21

Ǹ diyananmɔɔlu, ni mɔ josokun tɛ mɔ jobaliyala, lanaya yi mɔ josokun nɔ Ala ɲakɔlɔ.

1 Yohana 5:1

Ni mɔɔ mɔɔ ka limaniya a ma ko Isa yi Masa Tɔɔmasenin ne le, wo tii vɛ sɔlɔn kula kɛ Ala bolo. Ni do mɔɔ min vɛ den fa kanula, wo tii vɛ a den fana kanu.

Ko Lankɛnɛmayanin 2:28

Ǹ kɛtɔ sɔɔmadala loloni fana dila wo tii le ma.

Ko Lankɛnɛmayanin 22:4

Ai kɛtɔ a ɲalɔla yena, a do tɔɔ kɛtɔ sɛvɛla ai ten na.