1 Yohana 3:19 - Ala Ya Salatikan Kula Kitabu

¹⁹ Mɔ kɛtɔ a lɔnna min ne ma ko mɔ bolo kɛnin tuɲa la, ani lanaya kɛtɔ mɔ josokun nɔ Ala ɲakɔlɔ.

1 Yohana 3:19 ပူးပေါင်းရင်းမြစ်များ

Hebululu 10:22

wo le y'a ma, ài m'i mɔ masulunya Ala la josolɔgbɛya boloma, ani limaniya dafanin nɔ, mɔ josokun lasɛnɛyanin ne ka bɔ miliya yonnu ma, ani mɔ falikolo makonin ne ji sɛnɛyanin le.

1 Yohana 3:21

Ǹ diyananmɔɔlu, ni mɔ josokun tɛ mɔ jobaliyala, lanaya yi mɔ josokun nɔ Ala ɲakɔlɔ.

Yohana 18:37

Wo fɔ Isa bolo, Pilati vɛɛ a yɛ: «Jalasa i yi masakɛ le le wo lɔ?» Isa do vɛɛ a yɛ: «Ile gbu v'a fɔ ko ǹ'i masakɛ le le. Ǹ sɔlɔnnin ka na dunuɲa dailu min na, wo le, ka seleyakan lase ka bɛn tuɲa ma. Mɔɔ min yi tuɲa ta le, wo tii le y'a tolomalɔla ǹ na.»

1 Yohana 1:8

Ni mɔ k'a fɔ ko julumbu tɛ mɔ ma, m'i mɔ jɛlɛkanu le manɛɛla, ado tuɲa tɛ mɔ josokun nɔ.

2 Timote 1:12

Wo le n'a kɛla, tɔlɔya min bɛ na m̀ masɔlɔnna. Kɛɛ wo maloya tɛ ǹ na, kamasɔlɔn ǹ ka ale lɔn, ǹ limaniyanin ale min ma. Ado ǹ layine a la feu ko a na ko min kalifala ǹ na, a see y'a yɛ ka wo lakana haan fɔɔ a nalon.

Lɔmukalu 4:21

A layine tɛɛ a la kosɛvɛ ko a see yi Ala yɛ ka aa lahedi tanin mafa.

Yohana 13:35

Ni kanundeya vɛ kɛla ài wotɛ, mɔɔ bɛ kɛtɔ a lɔnna wo le ma k'a fɔ ko ǹ kɔbiladen ne ài le.»

1 Yohana 3:14

Mɔ k'a lɔn ne mɔ vɛ bɔ saya lɔ ka don niimaya lɔ, kamasɔlɔn m'i mɔ badenmalu kanula. Ni mɔɔ min do tɛ a badenmalu kanula, wo tii tonin saya le lɔ.

Hebululu 11:13

Mɔɔ wolu bɛ ka sa limaniya le lɔ, k'a talan ai ma fen wolu sɔlɔn minu lahedi tanin. Ai do ka to poon ka wolu ye ka sawa, ai v'i lɔla a la ko lona ni timintiminkɛba le ai le duukolo kɔkan.

Lɔmukalu 8:38

Kamasɔlɔn ǹ lanin a la ko foi tɛnala sena mɔ fɛ tɛɛla Ala ya kanundeya la. Ni a ka kɛ saya le, niimaya le, mɛlɛkalu le, jinalu le, bi kolu le, sinin kolu le, seetiilu le, sangbololɔ fangatiilu le, duukolokɔkan fangatiilu le, kumatɛ dannifen suu suu ma, wo foi tɛnala sena mɔ fɛ tɛɛla Ala ya kanundeya la, min jiyanin mɔ la mɔ Tii Masa Tɔɔmasenin Isa fɛ.

1 Yohana 2:21

Ni ǹ ka sɛvɛ min lataa ài ma, a tɛ k'a fɔ ko ài ma tuɲa lɔn dɛ! Ài ka tuɲa lɔn, wo le y'a ma, ǹ'a lataala ài ma. Ài do k'a lɔn ne ko faɲa foi tɛ bɔla tuɲa lɔ.

1 Yohana 3:20

Hali ni mɔ josokun ka kɛ mɔ jobaliyala, mɔ k'a lɔn ko Ala buɲayine mɔ josokun ne, ale le do ka ko bɛ lɔn.