1 Yohana 3:17 - Ala Ya Salatikan Kula Kitabu

¹⁷ Ni dunuɲa nafololu ka kɛ mɔɔ min bolo, ni wo tii k'a badenma gbalanin ye k'i ban henala a la, wo vɛ kɛla, wo tii yi se a fɔla di ko Ala ya kanundeya y'a josokun nɔ?

1 Yohana 3:17 ပူးပေါင်းရင်းမြစ်များ

Luka 3:11

Yaya k'ai javi, a vɛɛ: «Ni faaniba fila ka kɛ mɔɔ min bolo, wo tii y'a kelen di dɔ ma, fen tɛ min bolo. Ni dɔnnifen ka kɛ mɔɔ min bolo, wo fana y'a kɛ ten.»

2 Kolɛntikalu 8:9

Kamasɔlɔn ài ka mɔ Tii Masa Tɔɔmasenin Isa ya nɛɛma lɔn. Hali a tɛɛ banaya lɔ, kɛɛ a k'a jɛlɛ kɛ bolokolon ne ka bɛn àiya ko le ma, fɔsa ài yi kɛ bana le aa bolokolonya fɛ.

Hebululu 13:16

Ài do kà ɲina koɲumakɛko lɔ, ani ka sɔniya i ɲɔɔ yɛ, kamasɔlɔn salaka suu wolu le diyanin Ala yɛ.

Janguba 2:15

Ni ài badenmakɛ niwotɛ ài badenmamoso dɔ ka kɛ feeyabɔtanya lɔ, ani bi balo gbu t'a bolo,

Janguba 2:16

ni ài dɔ k'a fɔ wo tii yɛ: «Taa hɛlɛ lɔ, Ala y'i balo k'i feeyabɔ,» k'a talan a ma foi di min yi wo mako laɲia, nafa mindɛ le wo la?

1 Yohana 4:20

Ni mɔɔ min k'a fɔ ko a yi Ala kanula, k'a talan a a badenma lagbeyaɲɛla, faɲafɔba le wo tii le. Kamasɔlɔn mɔɔ min tɛ a badenma kanula, a ɲa yi min na, wo tii tɛ se Ala kanula, a ɲa tɛ min na.

1 Yohana 5:1

Ni mɔɔ mɔɔ ka limaniya a ma ko Isa yi Masa Tɔɔmasenin ne le, wo tii vɛ sɔlɔn kula kɛ Ala bolo. Ni do mɔɔ min vɛ den fa kanula, wo tii vɛ a den fana kanu.