1 Yohana 3:16 - Ala Ya Salatikan Kula Kitabu

¹⁶ Mɔ na kanundeya lɔnna min ne ma: Isa ka a nii di maa ko le lɔ. Wo le y'a ma, fɔ ǹu fana yi mɔ nii di mɔ badenmalu ya ko lɔ.

1 Yohana 3:16 ပူးပေါင်းရင်းမြစ်များ

Matiyu 20:28

Wo boloɲa kelen ma, Mɔɔnivin Tanin gbu ma na fɔsa mɔɔlu yi kɛ aa bɔiden ne, mafɔ ale yi kɛ aiya bɔiden ne le, ani ka a nunakili di ka kɛ mɔɔ siyama kunmaka sala le.»

Yohana 10:11

«Ǹe le saakunnasiiba ɲuma le. Saakunnasiiba ɲuma le y'a nii dila saalu ya ko lɔ.

Yohana 10:15

iwo ǹ Fa ka ǹ lɔn teme, ani ǹ ka ǹ Fa fana lɔn ten ne. Ǹe do yi ǹ nii dila saalu ya ko lɔ.

Yohana 13:34

Ǹ'i jamali kula le dila ài ma yi ne, ǹ ko, ài ɲɔɔ kanu. Ǹ n'ài kanula teme, fɔ àilu fana y'i ɲɔɔ kanu ten ne.

Yohana 3:16

Kamasɔlɔn Ala na dunuɲa kanula boloɲa min ne ma: A na a Denkɛ kelenpesa dila, fɔsa ni mɔɔ mɔɔ ka limaniya a ma, wo tii kana halaki, kɛɛ wo tii yi niimaya banbali sɔlɔn.

Kɛkolu 20:28

Ài y'ài jando ài jɛlɛ lɔ, k'ài jando Ala ya limaniyajama lɔ, Nii Sɛnɛyanin na min kalifala ài la. Ài yi kɛ iwo saakunnasiibalu limaniyajama kunna, Ala na min kɛla a ta le a jɛlɛkanu Denkɛ jeli fɛ.

Lɔmukalu 16:4

minu n'ai lɔla saya ɲa ǹa ko lɔ. Ǹe kelen tɛ balika bɔla ai yɛ, mafɔ limaniyajama minu bɛ yi siboloma gbɛlɛ mɔɔlu tɛma fana.

Lɔmukalu 5:8

Kɛɛ Ala na aa kanundeya jiyala mɔ la teme, wo le ne: Ka mɔ to julumbutɔya boloma, Masa Tɔɔmasenin ka sa mɔ yɛ.

2 Kolɛntikalu 4:12

Wo boloɲa ma, saya le yi baalela mɔ lɔ, kɛɛ niimaya le yi baalela àilu lɔ.

Ɛfɛsikalu 5:2

ka taama kanundeya boloma iwo Masa Tɔɔmasenin na mɔ kanula teme, k'a jɛlɛ di maa ko lɔ, iwo salaka sumadiyanin min lasenin Ala ma.

Ɛfɛsikalu 5:25

Kɛ́lu, ài y'ài mosolu kanu iwo Masa Tɔɔmasenin na limaniyajama kanula teme, k'a jɛlɛ di aa ko lɔ,

Filipikalu 2:17

Ài limaniyanin teme Ala ma k'àiya ko bɛ di a ma, wo kɛyine iwo salaka min la yi sena Ala ma. Tumadɔ fɔ ǹe gbu jeli yi bɔn àiya salaka kɔkan, iwo fen min yi niila. Wo vɛ kɛla, ǹ kɔnɔ kɛtɔ diyala, ado ǹ'i sawale ài fɛ.

Filipikalu 2:30

kamasɔlɔn a tɛɛ vɛ to dɔni a tɛɛ sala Masa Tɔɔmasenin ya baaleko lɔ. A do na diɲala saya ma, fɔsa ài dɛsɛnin tɛɛ ǹa baale lɔ tɛɛminja, a tɛɛ wo dafa.

1 Tɛsalonikakalu 2:8

Ka bɛn maa kanundeya ba ma ài yɛ, mɔ tɛɛ tɛ a fɛ ka Ala ya Samakan Kein lase ài ma dein, mafɔ mɔ lɔbɛnyine tɛɛ ka hali mɔ jɛlɛkanu nii di àiya ko lɔ, kamasɔlɔn àiya ko tɛɛ vɛ diya mɔ yɛ kosɛvɛ.

Tite 2:13

ka mɔ to mɔ jeisii hɛlɛlon makɔnɔna, mɔ Tii Ala makawanin ya magbiliyali lankɛnɛmayatɔ lon min na, min yi mɔ Lakisiba Masa Tɔɔmasenin Isa le.

1 Piyɛli 1:18

Ài y'a lɔn ko ài kunma ma ka ka bɔ ài bemanu ya namun fuunnu ma fen tiɲata sabu la iwo wɔligbɛ ni sanu,

1 Piyɛli 2:24

Masa Tɔɔmasenin gbu le na maa julumbulu tala a jɛlɛkanu falikolo lɔ kɔlɔman ma, fɔsa m'i sa ka bɔ julumbu fanga kɔlɔ ka niimaya kɛ telenmandeya yɛ. Daa minu ka bɔ a falikolo ma, wo le na kɛnɛya lasena mɔ ma.

1 Piyɛli 3:18

Masa Tɔɔmasenin fana ka tɔlɔya masɔlɔn siɲa kelen ne le ka bɛn adamadennu ya julumbulu ma. Ale telenmande na sala mɔɔ telenbalilu ya ko lɔ, fɔsa a tɛɛ ài madon Ala la. A do falikolo ka saya masɔlɔn, kɛɛ a ka niimaya sɔlɔn kɔtunun Nii Sɛnɛyanin sabu la.

1 Yohana 2:6

Mɔɔ min y'a fɔla ko a yi Ala ya kafonɲɔɔya lɔ, fɔ wo tii yi taama iwo Isa gbu tɛɛ taamana teme.

1 Yohana 2:9

Ni mɔɔ min k'a fɔ ko a yi kɛnɛya le lɔ, k'a talan a a badenma lagbeyaɲɛla, wo tii yi divi le lɔ hali bi.

Ko Lankɛnɛmayanin 1:5

Ado nɛɛma ni josolajii yi kɛ ài yɛ ka bɔ Masa Tɔɔmasenin Isa fɛ, min kɛnin sele lanande le, ani mɔɔ kunfɔlɔ min wulinin ka bɔ saya lɔ, ani dunuɲa masalu ya kuntii. Tanuli y'a yɛ, ale min na mɔ kanula, ka mɔ lafɛlɛ ka bɔ maa julumbulu ma a jeli sabu la.

Ko Lankɛnɛmayanin 5:9

Ai do vɛ baiti kula dɔ lala, ai vɛɛ: «Ka kafa mina, ani k'a tɔɔmaselu bɔ a ma, ile ni wo kaanyine. Kamasɔlɔn i kannatɛɛyine tɛɛ, ado ka bɛn i jeli bɔnko ma, i vɛ mɔɔlu kunmaka Ala yɛ, ka bɔ dunuɲa kabila bɛ lɔ, ani kan bɛ, ani siboloma bɛ, ani jamana bɛ.