1 Yohana 3:12 - Ala Ya Salatikan Kula Kitabu

¹² Mɔ kà kɛ iwo Kabila, min ka kɛ Soitana ya mɔɔ le k'a dɔɔkɛ faa. A k'a dɔɔkɛ faa mindɛ lɔ? A ka wo kɛ kamasɔlɔn a kɛkolu kɛwonyayine tɛɛ, k'a talan a dɔɔkɛ kɛkolu telenyine tɛɛ.

1 Yohana 3:12 ပူးပေါင်းရင်းမြစ်များ

Matiyu 13:19

Malo minu na benna siya dala, wolu le mɔɔlu le minu yi Ala ya masaya ko mɛnna, ai do t'a ɲayena. Soitana yi nala wo le lɔ ka kuma wo bɔ ai josokun nɔ.

Matiyu 13:38

Sɛnɛ yi dunuɲa le le. Malosi ɲuma, wo yi mɔɔlu le le minu fɛ yi Ala ya masaya la. Bin yonnu yi Soitana ya mɔɔlu le le.

Matiyu 23:35

Wo lɔ saa, mɔɔ telennin minu jeli vɛ bɔn dunuɲa, wo bɛ hakɛ bilatɔ ài kɔ, ka ta telenmande Habila ma haan fɔɔ ka na sii Balakiya denkɛ Zakaliya la, ài na min faala lɔhɔlɔmabonba ni salakagbalan wotɛ.

Matiyu 27:23

Pilati do vɛɛ: «Mindɛ lɔ? A na koyon mindɛ kɛla?» Ai do k'a dɔ la aiya gbanɔ kɔkan, ai vɛɛ: «A gbaan kɔlɔman ma!»

Matiyu 5:37

Àiya ko lamina yi kɛ kolamina le, ani àiya ban yi kɛ ban ne. Ài vɛ ko ko lala wo kɔkan, wo bɔnin Soitana le lɔ.»

Luka 11:51

ka ta Habila ma, haan fɔɔ ka na sii Zakaliya la, min na faala lɔhɔlɔmabonba ni salakagbalan wotɛ. Ǹ'i tuɲa fɔ ài yɛ, mɔɔ wolu bɛ faako hakɛ bilatɔ bi mɔɔlu kɔ.

Yohana 10:32

Isa do vɛɛ ai yɛ wo lɔ: «Ǹ na kɛko ɲuma siyama jiyala ài la minu bɔnin ǹ Fa fɛ. Ài y'a fɛ ka m̀ mabon a mindɛ ya ko lɔ?»

Yohana 8:40

Kɛɛ ài yi ǹ faako le ɲaɲininna yi ne, ǹe min na tuɲa fɔla ài yɛ, ǹ na min mɛnna Ala da. Ibulahima ma wo suu kɛ dɛ!

Yohana 8:41

Ài y'ài fa kɛko ɲɔɔziilu le kɛla yi ne.» Ai do ka Isa javi, ai vɛɛ: «Mɔ tɛ ɲɔmɔden ne dɛ! Fa kelenpesa le mɔ la, min taanin kɛla Ala gbu le.»

Kɛkolu 7:52

Wo kela vɛ je, k'a fɔ ko ài bemanu ma min jangata? Ai do ka keladen wolu faa, minu tɛɛ Ala ya Mɔɔ Telennin nako lasena, ài na min janvala yi ne k'a faa.

1 Tɛsalonikakalu 2:14

Mɔ badenmalu, ài n'ài sumala Ala ya limaniyajamalu le ma Jude koovi lɔ, minu yi Masa Tɔɔmasenin Isa ya kafonɲɔɔya lɔ. Kamasɔlɔn ài na jangata masɔlɔnna àiya jamanamɔɔlu bolo, iwo dɔ wolu na tɔlɔyala Jahudiyalu bolo teme.

Hebululu 11:4

Habila ya limaniya le na kɛla sabu le, a ka salaka bɔ min ka diya Ala yɛ ka timin Kabila ta la. Aa limaniya ka kɛ sabu le, a ka tanuli sɔlɔn k'a jate telenmande le, kamasɔlɔn Ala k'a bolo sii aa salaka kɔlɔ. Ado ka bɛn aa limaniya ma, hali a sanin ka kɛ, a yi kumala hali bi.

Hebululu 12:24

Ài do vɛ ài madon Isa la, min yi mɔɔwotɛlɔbɛnba le salati kula lɔ, ani a jeli seinseinnin na, min yi kuma bɛlɛbɛlɛ fɔla ka timin Habila ta la.

1 Piyɛli 4:4

Àiya ko vɛ Alalɔnbalilu kawakoya, kamasɔlɔn ài tɛ lala ai kɔkan butu aiya manamanakolu lɔ, wo le n'a kɛla, ai y'ài tɔɔ yon fɔla yi ne.

1 Yohana 3:8

Ni do mɔɔ min ka to julumbu tala, wo tii yi Soitana ya mɔɔ le le, kamasɔlɔn Soitana yi julumbu ta le la ka ta dunuɲa damina waate ma. Dailu min na kɛla Ala Denkɛ na nala dunuɲa, wo le Soitana kɛkolu lɔtiɲako le.

Jude 1:11

Gbalo y'ai yɛ! Kamasɔlɔn ai vɛ Kabila ya siya ta, ani k'ai fɛ bila Balaamu ya filibandeyako ɲɔɔzii la ka bɛn wɔliko nata ma. Ai vɛ mulutu iwo Kole ka kɛ teme, ai do yi halakile iwo wo fana.

Ko Lankɛnɛmayanin 17:6

Ǹ k'a ye ko moso wo tɛɛ vɛ mumininnu jeli min, ani Isa ya selelu jeli, haan fɔɔ jeli k'a mina. Ǹ ka moso wo ye mingɛ, ǹ ka kawakoya bubale.