1 Yohana 2:9 - Ala Ya Salatikan Kula Kitabu

⁹ Ni mɔɔ min k'a fɔ ko a yi kɛnɛya le lɔ, k'a talan a a badenma lagbeyaɲɛla, wo tii yi divi le lɔ hali bi.

1 Yohana 2:9 ပူးပေါင်းရင်းမြစ်များ

Yohana 9:41

Isa k'ai javi, a vɛɛ: «Ni ài tɛɛ vɛ kɛla ɲagbɛ le, julumbu tɛɛ tɛnala kɛla ài ma. Kɛɛ komi ài vɛɛ ko ài yi yeni kɛla, wo le n'a kɛla, julumbu tonin ài ma.»

Kɛkolu 1:15

Tele dana timinnin kɔ, Piyɛli k'i lɔ limaniyajama tɛma ka kuma ai yɛ, mɔɔ kɛmɛ ni mɔɔ muan (120) jate.

2 Piyɛli 1:9

Kɛɛ ni mɔɔ min dɛsɛnin ka kɛ ko minu la, wo tii tɛ yeni kɛla kosɛvɛ, a do yi ɲagbɛ le le, kamasɔlɔn a vɛ ɲina ko a la vɛ sɛnɛya ka bɔ aa julumbu kɔlɔlu ma.

1 Yohana 1:6

Ni mɔ k'a fɔ ko m'i Ala ya kafonɲɔɔya lɔ k'a talan m'i divilɔkolu kɛla, wo vɛ kɛla, m'i faɲa le fɔla, ado mɔ tɛ taamana tuɲandeya boloma.

1 Yohana 2:11

Kɛɛ mɔɔ min y'a badenma lagbeyaɲɛla, wo tii yi divi le lɔ. A do yi taamana divi le lɔ. A m'a taaya lɔn, kamasɔlɔn divi v'a ɲa gbɛ.

1 Yohana 2:4

Ni mɔɔ min k'a fɔ ko a ka Ala lɔn, k'a talan a tɛ aa jamalilu labatola, wo vɛ kɛla, faɲafɔba le wo tii le, ado tuɲa tɛ wo tii josokun nɔ.

1 Yohana 3:10

Ala dennu ni Soitana dennu wotɛbɔ yi lɔnna teme, wo le ne: Mɔɔ min tɛ taamana telenmandeya lɔ, wo tii tɛ Ala ta le, kumatɛ mɔɔ min tɛ a badenma kanula.

1 Yohana 4:20

Ni mɔɔ min k'a fɔ ko a yi Ala kanula, k'a talan a a badenma lagbeyaɲɛla, faɲafɔba le wo tii le. Kamasɔlɔn mɔɔ min tɛ a badenma kanula, a ɲa yi min na, wo tii tɛ se Ala kanula, a ɲa tɛ min na.