1 Yohana 2:5 - Ala Ya Salatikan Kula Kitabu

⁵ Kɛɛ mɔɔ min y'a kumakan labatola, Ala ya kanundeya da vɛ fa wo tii josokun nɔ bɛlɛbɛlɛ kɛ. Mɔ do y'a lɔnna min ne ma ko m'i Ala ya kafonɲɔɔya lɔ:

1 Yohana 2:5 ပူးပေါင်းရင်းမြစ်များ

Luka 11:28

A do vɛɛ a yɛ: «Mɔɔ minu y'ai tolomalɔla Ala kumakan na k'a labato, wolu le koni yi duwawuden ne.»

Yohana 14:21

Ǹa jamalilu vɛ kɛla mɔɔ min bolo, a do y'ai labatola, wo tii le yi ǹ kanula. Mɔɔ min do vɛ ǹ kanula, ǹ Fa kɛtɔ wo tii le kanula. Ǹe fana kɛtɔ wo tii kanula ka ǹ jɛlɛ jiya a la.»

Yohana 14:23

Isa k'a javi, a vɛɛ: «Ni mɔɔ min vɛ ǹ kanula, wo tii kɛtɔ ǹ kumakan labatola, ado ǹ Fa fana kɛtɔ a kanula. Ǹe ni ǹ Fa kɛtɔ nala a ma ka to a fɛ.

Yohana 15:5

«Ǹe le lɛzɛnju le, àilu le do y'a bolo le. Ni mɔɔ min kafonnin ka to ǹ kan ani ǹe fana kafonnin ka to a kan, wo tii le kɛtɔ a denna kosɛvɛ, kamasɔlɔn ni ǹe tɛ ài fɛ, ài tɛ se foi kɛla.

Yohana 6:56

Wo le y'a ma, ni mɔɔ min ka ǹ falikolo dɔn ani ka ǹ jeli min, wo tii totɔ ǹa kafonɲɔɔya le lɔ, ǹe fana totɔ kafonɲɔɔya lɔ wo tii fɛ.

Lɔmukalu 8:1

Wo lɔ saa, jobaliyako tɛ mɔɔlu ma butu, minu yi Masa Tɔɔmasenin Isa ya kafonɲɔɔya lɔ.

1 Kolɛntikalu 1:30

Ala le n'ài kafonna Masa Tɔɔmasenin Isa kɔkan, min kɛnin maa hangilimaya le ka bɔ Ala fɛ. Wo sabu la, mɔ vɛ kɛ telenmande le Ala ɲakɔlɔ, ka mɔ lasɛnɛya, ani ka mɔ kunmaka.

2 Kolɛntikalu 5:17

Ni mɔɔ min ka kɛ Masa Tɔɔmasenin ya kafonɲɔɔya lɔ, wo tii vɛ kɛ dannifen kula le. Ko kɔlɔlu vɛ tunun, ado ko kulalu le yi je butu.

2 Kolɛntikalu 5:21

Masa Tɔɔmasenin ma julumbu foi ta, kɛɛ Ala na maa julumbu doni lala ale le kun, fɔsa m'i kɛ telenmande le Ala ɲakɔlɔ aa kafonɲɔɔya lɔ.

Janguba 2:22

I v'a ye ko aa limaniya ni a kɛkolu tɛɛ baalela i ɲɔɔ fɛ, ado a kɛkolu le ka aa limaniya dafa.

1 Yohana 3:24

Mɔɔ min yi Ala ya jamalilu labatola, wo tii yi Ala ya kafonɲɔɔya le lɔ, ado Ala fana yi wo tii ya kafonɲɔɔya le lɔ. Mɔ n'a lɔnna boloɲa min ne ma ko a yi maa kafonɲɔɔya lɔ: A na Nii Sɛnɛyanin dila mɔ ma.

1 Yohana 4:17

Kanundeya dafanin mɔ tɛma boloɲa wo le ma, fɔsa lanaya yi kɛ mɔ josokun nɔ kititɛɛlon, kamasɔlɔn m'i niimaya min kɛla dunuɲa, wo kɛyine iwo Masa Tɔɔmasenin ta yi teme.

1 Yohana 4:18

Siyan tɛ kanundeya lɔ, kanundeya dafanin do yi siyan banna feu, kamasɔlɔn siyan jusiinin kolatɔn ne kɔkan. Wo le y'a ma, ni mɔɔ min ka siyan, wo vɛ kɛla, kanundeya dafanin tɛ wo tii josokun nɔ bene.

1 Yohana 5:2

Ni mɔ ka Ala kanu, ani ka aa jamalilu labato, m'a lɔnna wo le ma ko m'i Ala dennu kanula.

1 Yohana 5:20

Ado mɔ k'a lɔn ne fana ko Ala Denkɛ nanin ka koɲaye di mɔ ma, fɔsa m'i wo lɔn, ale min y'a bɛlɛbɛlɛ le. Mɔ do kafonnin a bɛlɛbɛlɛ le kɔkan, ani a Denkɛ Masa Tɔɔmasenin Isa. Ala bɛlɛbɛlɛ le a le, ani niimaya banbali.

2 Yohana 1:6

Ǹ'i kanundeya min ya ko fɔla yi ne, wo kɔlɔ le ko fɔ m'i Ala ya jamalilu latelen iwo ài n'a mɛnna teme ka ta a damina ma. Wo lɔ, fɔ ài yi taama kanundeya le lɔ.

Ko Lankɛnɛmayanin 12:17

Wo ka jijala lamɔnɛ moso kanma bubale. A do vɛ taala ka kɛlɛ bila moso bɔzɔn tɔlu la, minu yi Ala ya jamalilu latelenna k'ai bolo kɛ Isa ya seleyakan na.

Ko Lankɛnɛmayanin 14:12

Wo le y'a ma, fɔ mumininnu y'ai sawali, ailu minu yi Ala ya jamalilu latelenna k'ai bolo kɛ aiya limaniya la Isa ma.