1 Yohana 2:27 - Ala Ya Salatikan Kula Kitabu

²⁷ Wo bɛ n'a kɛ, Masa Tɔɔmasenin n'ài sɔla a Nii Sɛnɛyanin min sɔ, wo le tonin ài fɛ. Ài mako tɛ kalanmɔɔ la, kamasɔlɔn Nii Sɛnɛyanin gbu y'ài kalanna ko bɛ la. Aa kalan do yi tuɲa le le, faɲa t'a lɔ. Wo le y'a ma, ài yi to aa kafonɲɔɔya lɔ iwo Nii Sɛnɛyanin n'ài kalanna teme.

1 Yohana 2:27 ပူးပေါင်းရင်းမြစ်များ

Matiyu 13:11

Isa k'ai javi, a vɛɛ: «Haijɛnɛ masaya gbonolu lɔnni vɛ di àilu ma, kɛɛ a ma di a dɔlu ma.

Yohana 14:16

Ǹ kɛtɔ ǹ Fa dalila, a do kɛtɔ Dɛmɛliba gbɛlɛ dila ài ma min totɔ ài fɛ kudein,

Yohana 14:17

Nii Sɛnɛyanin koni, min yi tuɲa lankɛnɛmayala. Dunuɲa tɛ se wo sɔlɔnna, kamasɔlɔn a tɛ se a yena, kumatɛ k'a lɔn. Kɛɛ àilu k'a lɔn ne, kamasɔlɔn a ài fɛ, ani a kɛtɔ ài josokun nɔ.

Yohana 14:26

Kɛɛ Dɛmɛliba min kɛnin Nii Sɛnɛyanin ne, ǹ Fa kɛtɔ min lanala ǹ tɔɔ lɔ, ale le kɛtɔ ài kalanna ko bɛ la, ani k'ài hangili bila ko bɛ lɔ, ǹ na minu fɔla ài yɛ.

Yohana 16:13

Kɛɛ Nii Sɛnɛyanin vɛ nala, min yi tuɲa lankɛnɛmayala, ale le kɛtɔ tuɲa bɛ jiyala ài la. A do tɛnala kumala a jɛlɛkanu ya seetiiya lɔ, kɛɛ a vɛ ko ko si mɛnna, a kɛtɔ wo le fɔla, ani ka ko natɔlu lase ài ma.

Yohana 4:14

Kɛɛ ǹ'i ji min dila, mɔɔ mɔɔ vɛ wo dɔ minna, minkɛlɔɔ tɛnala wo tii minala butu tuun. Wo kɛtɔle a kɔnɔlɔ iwo kɔɔkun min yi woyola ka niimaya banbali di a ma.»

Yohana 6:45

A sɛvɛnin kelalu ya kitabulu kɔnɔ, ko: ‹Ala gbu le kɛtɔ ai bɛ kalanna.› Wo le y'a ma, mɔɔ minu bɛ vɛ ai tolomalɔla ǹ Fa kumakan na ani ka diɲa aa kalan ma, wolu bɛ yi nale m̀ ma.

1 Kolɛntikalu 2:12

Ǹu koni, mɔ na hangili min sɔlɔnna, wo tɛ dunuɲa ta le. Mɔ do vɛ Ala Nii Sɛnɛyanin sɔlɔn, fɔsa m'i se Ala ya sɔlilu lɔnna teme.

1 Kolɛntikalu 2:13

M'i kuma minu fɔla, wolu ma bɔ adamadennu ya hangilimaya lɔ. Kɛɛ m'a fɔla ka bɛn Nii Sɛnɛyanin ya kalan ne ma. Wo boloɲa ma, m'i Nii Sɛnɛyanin ya tuɲakolu ɲafɔla ka bɛn Nii Sɛnɛyanin sabu le ma.

2 Kolɛntikalu 1:21

Ado Ala gbu yi mɔ ni àilu lasawatila Masa Tɔɔmasenin ya kafonɲɔɔya le lɔ. Ale le na mɔ tala,

Ɛfɛsikalu 4:21

Ǹ jii y'a ma le k'a fɔ ko ài na Isa ya ko mɛnna k'ài kalan aa tuɲa la,

Kɔlɔsikalu 2:6

Komi ài vɛ ài bolo sii Masa Tɔɔmasenin Isa kɔlɔ k'a kɛ ài Tii le, wo ma, ài yi kɛ taamana aa kafonɲɔɔya lɔ,

1 Tɛsalonikakalu 2:13

M'i balika bɔla Ala yɛ waate bɛ ka bɛn min ne ma, kamasɔlɔn ài na Ala kumakan mɛnna mɔ da mingɛ, ài ma a jate iwo adamaden kumakan dein, mafɔ ài n'ài bolo siila a kɔlɔ iwo a yi teme bɛlɛbɛlɛ kɛ, min yi Ala kumakan ne. Wo le do yi baalela àilu limaniyamɔɔlu josokun nɔ.

1 Tɛsalonikakalu 4:9

Dailu tɛ a la butu k'a fɔ ko mɔɔ dɔ yi sɛvɛ lataa ài ma ka bɛn ɲɔɔkanuko ma, kamasɔlɔn Ala vɛ ài kalan ka bɛn ɲɔɔkanuko ma.

1 Timote 2:7

Wo le n'a kɛla, Ala na m̀ bilala aa keladenya la ka ǹ kɛ kawanilikɛba le, ko ǹ'i siboloma gbɛlɛ mɔɔlu kalan ka bɛn limaniya ni tuɲandeya ma. Ǹ'i tuɲa le fɔla, ǹ tɛ faɲa fɔla.

1 Piyɛli 1:23

Kamasɔlɔn ài ma sɔlɔn kula kɛ sɛnɛfensi tiɲata sabu la, mafɔ sɛnɛfensi tiɲabali, min kɛnin Ala kumakan ɲɛnɛma le, min yi je kudein.

1 Yohana 2:28

Wo lɔ saa, dennilu, ài yi to Masa Tɔɔmasenin ya kafonɲɔɔya lɔ, fɔsa a la vɛ nkɛnɛmayala lon min na, lanaya yi kɛ mɔ josokun nɔ, ani mɔ kana mɔ majaanya a la maloya boloma.

1 Yohana 3:24

Mɔɔ min yi Ala ya jamalilu labatola, wo tii yi Ala ya kafonɲɔɔya le lɔ, ado Ala fana yi wo tii ya kafonɲɔɔya le lɔ. Mɔ n'a lɔnna boloɲa min ne ma ko a yi maa kafonɲɔɔya lɔ: A na Nii Sɛnɛyanin dila mɔ ma.

2 Yohana 1:2

kamasɔlɔn tuɲa yi mɔ josokun nɔ, a do totɔle mɔ fɛ kudein.