1 Yohana 2:22 - Ala Ya Salatikan Kula Kitabu

²² Jene yi faɲafɔba le ni a tɛ mɔɔ le min y'a fɔla ko Isa tɛ Masa Tɔɔmasenin ne? Wo tii yi Masa Tɔɔmasenin kɛlɛkɛɲɔɔ le le, min n'i banna mɔ Fa ni a Denkɛ lɔ.

1 Yohana 2:22 ပူးပေါင်းရင်းမြစ်များ

Matiyu 24:24

Kamasɔlɔn faɲafɔ kelalu wulitɔ, ani mɔɔ minu y'a fɔla ko ailu le Masa Tɔɔmasenin ne. Ai kɛtɔ tɔɔmase ba ni kawanankolu kɛla fɔsa Ala ya mɔɔ taninnu la yi fili, ni wo ka se kɛla.

Matiyu 24:5

Kamasɔlɔn mɔɔ siyama kɛtɔ nala ǹ tɔɔ lɔ k'a fɔ ko: ‹Ǹe le Masa Tɔɔmasenin ne.› Ai kɛtɔ mɔɔ siyama lafilila wo lɔ.

Yohana 8:44

Àilu y'ài fa Soitana ta le le, a do lɔɔ y'ài la k'ai fa ladiyanankolu le kɛ. Ka ta dunuɲa damina ma, mɔɔfaaba le a le, min m'a bolo sii tuɲandeya kɔlɔ, kamasɔlɔn hali tuɲa den kelen gbu t'a lɔ. A vɛ kɛla faɲa fɔla, wo y'a jɛlɛkanu dajoo le le, kamasɔlɔn faɲafɔba le a le ani faɲafɔbalu fa.

1 Yohana 1:6

Ni mɔ k'a fɔ ko m'i Ala ya kafonɲɔɔya lɔ k'a talan m'i divilɔkolu kɛla, wo vɛ kɛla, m'i faɲa le fɔla, ado mɔ tɛ taamana tuɲandeya boloma.

1 Yohana 2:18

Ǹ dennu, dunuɲa laban waate ma vɛ sulunya. Ài n'a mɛnna ko Masa Tɔɔmasenin kɛlɛkɛɲɔɔ natɔ, ado tandainɔ yi ne, Masa Tɔɔmasenin kɛlɛkɛɲɔɔ siyama vɛ ban nala. Wo le n'a kɛla, mɔ k'a lɔn dunuɲa laban waate ma vɛ sulunya.

1 Yohana 2:23

Mɔɔ min n'i banna Denkɛ lɔ, wo tii tɛ a Fa ta le. Ni do mɔɔ min k'a bolo sii Denkɛ kɔlɔ, wo tii fana y'a Fa ta le le.

1 Yohana 2:4

Ni mɔɔ min k'a fɔ ko a ka Ala lɔn, k'a talan a tɛ aa jamalilu labatola, wo vɛ kɛla, faɲafɔba le wo tii le, ado tuɲa tɛ wo tii josokun nɔ.

1 Yohana 4:20

Ni mɔɔ min k'a fɔ ko a yi Ala kanula, k'a talan a a badenma lagbeyaɲɛla, faɲafɔba le wo tii le. Kamasɔlɔn mɔɔ min tɛ a badenma kanula, a ɲa yi min na, wo tii tɛ se Ala kanula, a ɲa tɛ min na.

1 Yohana 4:3

Kɛɛ ni mɔɔ min m'i lɔ Isa ya ko la, wo vɛ kɛla, Ala Nii tɛ wo tii fɛ, mafɔ Masa Tɔɔmasenin kɛlɛkɛɲɔɔ nii, ài na min mangutu mɛnna ko a natɔ dunuɲa, a do vɛ ban nala butu.

1 Yohana 5:1

Ni mɔɔ mɔɔ ka limaniya a ma ko Isa yi Masa Tɔɔmasenin ne le, wo tii vɛ sɔlɔn kula kɛ Ala bolo. Ni do mɔɔ min vɛ den fa kanula, wo tii vɛ a den fana kanu.

2 Yohana 1:7

Mɔɔlafilibalu vɛ siyaya dunuɲa yi ne, minu tɛ diɲala k'ai lɔ a la ko Masa Tɔɔmasenin Isa nanin dunuɲa mɔɔnivin falikolo lɔ. Mɔɔ suu wolu yi mɔɔlafiliba le le, ani Masa Tɔɔmasenin kɛlɛkɛɲɔɔ.

Jude 1:4

Kamasɔlɔn mɔɔ dɔlu vɛ don ài tɛma doon nɔ, minu ya kolatɔn sɛvɛnin ka ta waate jaan ma. Samakan bɛlɛbɛlɛ ka bɛn mɔ Tii Ala ya nɛɛma ma, Alaɲasiyanɲɛbali wolu yi wo kɔlɔ le majɛlɛmana k'a kɛ malobaliyako dailu le, ani k'ai ban Masa Tɔɔmasenin Isa lɔ, min kelenpesa yi mɔ Kuntii le, ani mɔ Tii.

Ko Lankɛnɛmayanin 3:9

Soitana kɔbiladennu minu y'a fɔla ai jɛlɛ ma ko Jahudiya, k'a talan ai tɛ wo le mafɔ faɲafɔbalu, a ye, ǹ kɛtɔ wolu lanala k'ai labilin i sen kɔlɔ. Wo vɛ kɛla, ai kɛtɔ a lɔnna ko ǹ n'i kanula.