1 Yohana 2:2 - Ala Ya Salatikan Kula Kitabu

² Ale le na kɛla julumbu lɔkoto salaka le mɔ yɛ. A do ma dan maa julumbulu ma dein, mafɔ dunuɲamɔɔlu bɛ ta.

1 Yohana 2:2 ပူးပေါင်းရင်းမြစ်များ

Luka 14:22

Bɔiden do vɛɛ: ‹Ǹ kuntii, m̀'ɛ iya jamali wo mafa. Kɛɛ hali bi, iya bonna ma fa ba bene.›

Yohana 1:29

Wo kɛnɛbɔlon, Yaya ka Isa natɔla ye a ma k'a fɔ, a vɛɛ: «Ài ɲa kaa! Ala ya Saa Bolan ne ve le, min yi julumbu bɔla dunuɲamɔɔlu ma.

Yohana 12:32

Ǹe koni la vɛ jɛlɛla ka bɔ duukolo kɔkan, ǹ kɛtɔ adamaden bɛ masamana k'ai lana m̀ ma.»

Yohana 4:42

Ai k'a fɔ moso yɛ, ai vɛɛ: «Tandainɔ yi ne, mɔ ma limaniya ka bɛn i kumakan ma, kɛɛ ǹu gbu v'a kumakan mɛn yi ne, ado mɔ v'a lɔn feu ko ale le dunuɲa bɛ Lakisiba le.»

Hebululu 2:17

Wo le n'a kɛla, fɔ a tɛɛ kɛ a badenmalu ɲɔɔzii le ko bɛ lɔ, fɔsa a yi kɛ salakalase kuntiiba lanande ni henande le Ala ya baale lɔ, ani ka kɛ mɔɔlu ya julumbulu lɔkotoko sabu le.

1 Piyɛli 2:24

Masa Tɔɔmasenin gbu le na maa julumbulu tala a jɛlɛkanu falikolo lɔ kɔlɔman ma, fɔsa m'i sa ka bɔ julumbu fanga kɔlɔ ka niimaya kɛ telenmandeya yɛ. Daa minu ka bɔ a falikolo ma, wo le na kɛnɛya lasena mɔ ma.

1 Piyɛli 3:18

Masa Tɔɔmasenin fana ka tɔlɔya masɔlɔn siɲa kelen ne le ka bɛn adamadennu ya julumbulu ma. Ale telenmande na sala mɔɔ telenbalilu ya ko lɔ, fɔsa a tɛɛ ài madon Ala la. A do falikolo ka saya masɔlɔn, kɛɛ a ka niimaya sɔlɔn kɔtunun Nii Sɛnɛyanin sabu la.

1 Yohana 1:7

Kɛɛ ni mɔ ka kɛ kɛnɛyalɔkolu kɛla, iwo Ala gbu yi kɛnɛya lɔ teme, kafonɲɔɔya le kɛtɔ kɛla mɔ wotɛ, ado a Denkɛ Isa jeli yi mɔ lasɛnɛyale ka maa julumbulu bɛ bɔ mɔ ma.

1 Yohana 3:5

Ài k'a lɔn ko Isa la na nkɛnɛmayala fɔsa a yi maa julumbulu bɔ mɔ ma, ado julumbu foi tɛ ale ma.

1 Yohana 4:10

Kanundeya bɛlɛbɛlɛ le min ne: A tɛ k'a fɔ ko mɔ na Ala kanula, kɛɛ ale le na mɔ kanula ka a Denkɛ lana, k'a kɛ maa julumbulu lɔkoto salaka le.

1 Yohana 4:14

Mɔ v'a ye ka wo seleya di ko mɔ Fa ka a Denkɛ lana dunuɲa k'a kɛ dunuɲa Lakisiba le.

1 Yohana 5:19

Mɔ k'a lɔn ne ko Ala ta le mɔ le, ado dunuɲa bɛ yi Soitana fanga le kɔlɔ.

Ko Lankɛnɛmayanin 12:9

Wo boloɲa ma, ai ka jijala ni aa mɛlɛkalu gbɛn k'ai laben duukolo kɔkan. Ale le taanin kɛla sa kɔlɔkɔlɔ ba le, ai y'a fɔla min ma ko Jebulusa niwotɛ Soitana, dunuɲa muumɛ lafiliba koni.