A do ka jama javi, a vɛɛ: «Kɛnɛya kɛtɔ waateni kɛla ài tɛma bene. Damanda kɛnɛya y'ài tɛma, ài yi to taamana alako divi kana bala ài lɔ. Mɔɔ min yi taamana divi lɔ, wo tii ma a taaya lɔn.
«Ala vɛ ai ɲa gbɛ ani k'ai josokun ja, alako ai ɲa kana yeni kɛ, ani ai josokun kana koɲaye, kamasɔlɔn ai t'a fɛ k'ai jɛlɛ lasei Ala ma, fɔsa a tɛɛ ai lakisi.»
Kɛɛ do, Bani Isilankalu hangili la ka gbasi. Hali bi, ni wolu ka kɛ salatikan kɔlɔ kitabulu kalanna, a kɛyine iwo faani kelen wo le bilinnin ai ɲa la bene. Faani wo ma bɔ je, kamasɔlɔn a tɛ se bɔla je ni mɔɔ ma don Masa Tɔɔmasenin ya kafonɲɔɔya lɔ.
Mɔɔ wolu limaniyanin tɛ, kamasɔlɔn dunuɲa min kuntii yon vɛ ai hangili bila divi lɔ, fɔsa ai kana se Samakan Kein ya kɛnɛya yena, min yi Masa Tɔɔmasenin nɔɔlɔ lagbɛla, ale min yi Ala sawula le.
Kamasɔlɔn waate lɔ, ǹu gbu tɛɛ hangilindan ne le, ani kolobali, ani mɔɔ filinin, ado mɔ tɛɛ jɔnya le lɔ niikanuko kaijakaijalu bolo ani jɛlɛdiyabɔ. Mɔ do tɛɛ maa dunuɲalɔtɛɛ kɛla kɔnɔlɔgbeya ni ɲangbeya le lɔ. Mɔ gbeyayine tɛɛ dɔlu yɛ, ailu fana gbeyayine tɛɛ mɔ yɛ.
Kɛɛ ni mɔɔ min dɛsɛnin ka kɛ ko minu la, wo tii tɛ yeni kɛla kosɛvɛ, a do yi ɲagbɛ le le, kamasɔlɔn a vɛ ɲina ko a la vɛ sɛnɛya ka bɔ aa julumbu kɔlɔlu ma.
Ni mɔɔ min k'a fɔ ko a yi Ala kanula, k'a talan a a badenma lagbeyaɲɛla, faɲafɔba le wo tii le. Kamasɔlɔn mɔɔ min tɛ a badenma kanula, a ɲa yi min na, wo tii tɛ se Ala kanula, a ɲa tɛ min na.
I bolo ko bana le i le, iya ko la vɛ ɲia, i mako tɛ fen fen si la. Kɛɛ i m'a lɔn ko mɔɔ manɔɔnin ne i le le, ani mɔɔ maɲumanin, ani bolokolon, ani ɲagbɛ, i do falimakolon ne.