Kɛɛ kuma wo lilen tɛ donna ka jaanfa ai josokun nɔ, a do tɛ tola ai kɔnɔ. Gbeleya vɛ ai masɔlɔnna, niwotɛ mɔɔlu vɛ ai tɔlɔyala ka bɛn Ala kumakan ma, ai yi limaniya siya bilala telemanin.
Isa do vɛɛ ai yɛ: «Jaa lɛlɛ tan ni fila (12) le tele kɔlɔ, kɛlɛ? Ni mɔɔ min vɛ kɛla taamana tele lɔ, wo tii sen tɛ tuu, kamasɔlɔn a yi dunuɲa kɛnɛya yena.
A do ka jama javi, a vɛɛ: «Kɛnɛya kɛtɔ waateni kɛla ài tɛma bene. Damanda kɛnɛya y'ài tɛma, ài yi to taamana alako divi kana bala ài lɔ. Mɔɔ min yi taamana divi lɔ, wo tii ma a taaya lɔn.
Wo le y'a ma, m̀ badenmalu, Ala n'ài kilila k'ài ta ko min kanma, ài y'ài lɔgbeleya k'a dɔ la wo kɔkan. Ni ài do ka wo kɛ, ài sen tɛnala tuula tuun k'ài ben.