1 Yohana 1:8 - Ala Ya Salatikan Kula Kitabu

⁸ Ni mɔ k'a fɔ ko julumbu tɛ mɔ ma, m'i mɔ jɛlɛkanu le manɛɛla, ado tuɲa tɛ mɔ josokun nɔ.

1 Yohana 1:8 ပူးပေါင်းရင်းမြစ်များ

Yohana 8:44

Àilu y'ài fa Soitana ta le le, a do lɔɔ y'ài la k'ai fa ladiyanankolu le kɛ. Ka ta dunuɲa damina ma, mɔɔfaaba le a le, min m'a bolo sii tuɲandeya kɔlɔ, kamasɔlɔn hali tuɲa den kelen gbu t'a lɔ. A vɛ kɛla faɲa fɔla, wo y'a jɛlɛkanu dajoo le le, kamasɔlɔn faɲafɔba le a le ani faɲafɔbalu fa.

Lɔmukalu 3:10

A sɛvɛnin kitabu kɔnɔ tan ne, ko: «Mɔɔ foi telennin tɛ, hali mɔɔ den kelen gbu!

Lɔmukalu 3:23

kamasɔlɔn bɛ vɛ julumbu ta k'ai fo Ala ya magbiliyali la,

1 Kolɛntikalu 3:18

Mɔɔ mɔɔ kà a jɛlɛ manɛɛ. Ni mɔɔ dɔ y'ài tɛma min y'a jɛlɛ tala hangilima le ka bɛn dunuɲamɔɔlu miliyalu ma, wo tii y'a jɛlɛ kɛ hangilindan ne, fɔsa a yi kɛ hangilima bɛlɛbɛlɛ le.

Galatiyakalu 6:3

Ni mɔɔ min k'a jɛlɛ ye mɔɔba le k'a talan a tɛ foi le, wo tii y'a jɛlɛ le manɛɛla.

1 Timote 6:5

ani kɛlɛ banbalilu mɔɔ hangili tiɲaninnu tɛma, minu dɛsɛnin tuɲa la. Wolu le y'ai milila ko Ala ya siya lataamanko yi nafolo ɲinin siya le le.

2 Timote 3:13

Kɛɛ mɔɔ yonnu ni wunafalilu koni, a dɔ kɛtɔ tola lala aiya koyon ne kɔkan kudein, ai vɛ dɔlu lafilila iwo ailu gbu lafilinin teme.

Janguba 1:22

Ài yi kɛ Ala kumakan labatobalu le. Ài do kà kɛ a lamɛnba le dein, k'ài jɛlɛ lafili wo le.

Janguba 1:26

Ni mɔɔ dɔ k'a jɛlɛ jate diinamɔɔ le, k'a talan a tɛ a nɛɛ kunmafɛlɛnna, wo tii y'a jɛlɛ le manɛɛla, ado aa diinako yi kofuun ne le.

Janguba 3:2

Mɔ bɛ le la yi filila ko siyama lɔ. Ni mɔɔ min tɛ filila a dalakan nɔ feu, wo tii yi mɔɔ dafanin ne le, min yi se a jɛlɛkanu falikolo makolola ko bɛ lɔ.

2 Piyɛli 2:13

Ai na koyon minu kɛla, wo ɲɔɔzii le kɛtɔ kɛla ai sala le. A do diyayine ai yɛ ka manamanakolu kɛ tele gba la. Ni ai vɛ kɛla ài tɛma àiya feetikɛya lɔ, ai àiya kolu lakɔsɔla k'ài lanɔɔ, ai v'ai jɛlɛ diyabɔla aiya janvandeyakolu le.

1 Yohana 1:10

Ni mɔ k'a fɔ ko mɔ ma julumbu ta, mɔ vɛ Ala kɛ faɲafɔba le, a do kumakan tɛ mɔ josokun nɔ.

1 Yohana 1:6

Ni mɔ k'a fɔ ko m'i Ala ya kafonɲɔɔya lɔ k'a talan m'i divilɔkolu kɛla, wo vɛ kɛla, m'i faɲa le fɔla, ado mɔ tɛ taamana tuɲandeya boloma.

1 Yohana 2:4

Ni mɔɔ min k'a fɔ ko a ka Ala lɔn, k'a talan a tɛ aa jamalilu labatola, wo vɛ kɛla, faɲafɔba le wo tii le, ado tuɲa tɛ wo tii josokun nɔ.

1 Yohana 4:20

Ni mɔɔ min k'a fɔ ko a yi Ala kanula, k'a talan a a badenma lagbeyaɲɛla, faɲafɔba le wo tii le. Kamasɔlɔn mɔɔ min tɛ a badenma kanula, a ɲa yi min na, wo tii tɛ se Ala kanula, a ɲa tɛ min na.

2 Yohana 1:2

kamasɔlɔn tuɲa yi mɔ josokun nɔ, a do totɔle mɔ fɛ kudein.

3 Yohana 1:3

Ǹ ka sawa bubale, mɔ badenma dɔlu ka na waate min nɔ ka seleya di ka bɛn i bolo kɛɲa ma tuɲa la, ani i taamaɲa ka bɛn tuɲandeya ma.