1 Timote 6:4 - Ala Ya Salatikan Kula Kitabu

⁴ wo vɛ kɛla, wo tii v'a fannɔbuɲa, a do ma foi lɔn. Wo ma, sɔsɔyali diyayine a yɛ, ani sɔɔnsɔɔn ka bɛn kumalu kɔlɔ ma. Ko minu yi nala keleya ni falanɲɔɔya le, ani tɔɔtiɲali, ani miliya yon,

1 Timote 6:4 ပူးပေါင်းရင်းမြစ်များ

Kɛkolu 15:2

Wo lɔ, sɔsɔyali ba ka don kalanmɔɔ wolu ani Pɔli ni Baanabasi wotɛ. Wo le k'a kɛ, limaniyajama ka Pɔli ni Baanabasi ta, ani ai lɔ mɔɔ dɔlu, k'ai bɛ lataa Jelusalɛmu fɔsa ai yi ko min lase keladennu ni ɲamɔɔlu ma.

Kɛkolu 18:15

Kɛɛ komi ài i ɲɔɔ sɔsɔla ka bɛn kuma dɔlu ma, ani tɔɔ dɔlu, ani àiya seliyakolu, wo lɔ, ǹ tɛ diɲa ka kiti min tɛɛ. Àilu gbu y'a ɲabɔ.»

Kɛkolu 8:9

Kɛ́ dɔ tɛɛ je, min tɔɔ tɛɛ ko Simɔn. A tɛɛ wɔimaya le kɛla so wo la ka Samaliyakalu bɛ lakawakoya. A do tɛɛ a jɛlɛ kɛla mɔɔba le le.

Lɔmukalu 12:16

Bɛn yi kɛ ài wotɛ. Ài k'ài fannɔbuɲa, mafɔ diɲɔɔya yi kɛ àilu ni bolomadɔɔlu wotɛ. Ài k'ài jɛlɛ jate hangilima le feu.

Lɔmukalu 13:13

Ài m'i taama mɔɔsɔvɛya boloma iwo m'i taamana teme tele gba la. Ài m'i mɔ jɛlɛ matanga dannatimin tolonnu ma, ani gbɛtɔya, ani kanukɛko, ani malobaliya, ani sɔsɔyalilu, ani keleya.

Lɔmukalu 14:1

Mɔɔ min ya limaniya dɔɔyanin ài tɛma, ài y'ài bolo sii wo tii kɔlɔ. Ài do kà sɔsɔyali bila a la ka bɛn koɲayenkolu ma.

Lɔmukalu 2:8

Kɛɛ do, mɔɔ minu gbalanin ai jɛlɛ kunko le ani minu tɛ tuɲandeya labatola, mafɔ ka telenbaliya labato, Ala ya mɔnɛya ni aa josolakuna wulitɔ mɔɔ suu wolu le kanma.

1 Kolɛntikalu 11:16

Ni mɔɔ dɔ y'a fɛ ka sɔsɔyali kɛ ka bɛn ko wo ma, laana gbɛlɛ tɛ mɔ bolo, kumatɛ Ala ya limaniyajamalu ma.

1 Kolɛntikalu 11:18

A kunfɔlɔ lɔ, ǹ n'a mɛnna ko ài vɛ ài ladɛnna kotan ka kɛ limaniyajama le, falanɲɔɔya yi donna ài tɛma. Ǹ layine wo la dɔni ne.

1 Kolɛntikalu 3:18

Mɔɔ mɔɔ kà a jɛlɛ manɛɛ. Ni mɔɔ dɔ y'ài tɛma min y'a jɛlɛ tala hangilima le ka bɛn dunuɲamɔɔlu miliyalu ma, wo tii y'a jɛlɛ kɛ hangilindan ne, fɔsa a yi kɛ hangilima bɛlɛbɛlɛ le.

1 Kolɛntikalu 3:3

kamasɔlɔn dunuɲamɔɔlu dajoo le y'ài la bene. Komi keleya ni bɛnbaliya y'ài tɛma, jalasa wo t'a jiyala ko dunuɲamɔɔlu dajoo le ài la, ani ài yi taamana iwo adamaden jɛlɛla?

2 Kolɛntikalu 11:20

Kamasɔlɔn ài yi mɔɔlu ya ko minala ài ma minu y'ài minala jɔnya boloma, k'ài bolo latɛ, k'ài tɔɲɔ, ka kafa ài ma, ani k'ài gbasi ài ɲa lɔ.

Galatiyakalu 5:15

Kɛɛ do, ni ài ka kɛ i ɲɔɔ kinna k'i ɲɔɔ lɔfalafala, ài y'alama ài kana ài ɲɔɔ siyasa.

Galatiyakalu 5:26

Mɔ kà fannɔbaya kɛ, ka baa i ɲɔɔ ma, ani k'i ɲɔɔ ɲangbeya.

Galatiyakalu 6:3

Ni mɔɔ min k'a jɛlɛ ye mɔɔba le k'a talan a tɛ foi le, wo tii y'a jɛlɛ le manɛɛla.

Filipikalu 1:15

Tuɲa le, a dɔlu yi Masa Tɔɔmasenin ya ko lasena keleya ni ɲangbeya boloma, kɛɛ a dɔlu y'a kɛla josolɔgbɛya le lɔ.

Filipikalu 2:14

Ài vɛ ko ko si kɛla, ài kà a kɛ dakɔlɔkuma le niwotɛ sɔsɔyali,

Filipikalu 2:3

Ài kà ko ko si kɛ jɛlɛlafisaya boloma niwotɛ fannɔbaya, mafɔ ài y'ài fanmajii ka dɔlu ta iwo ai fisayanin vɛ ài le.

Kɔlɔsikalu 2:18

Ài kà diɲa mɔɔ suu suu y'ài jobaliya, minu yi faɲafɔ fanmajii kɛla ani ka mɛlɛkalu bato. Mɔɔ wolu yi ko siyama le ɲafɔla, ai vɛɛ ko Ala le na wolu lajɛlɛla ai ɲa ma, k'ai fannɔbuɲa fuun ka bɛn aiya adamadenya miliya ma dein.

2 Tɛsalonikakalu 2:4

Mɔɔlu y'a fɔla fen fen si ma ko ai tii, ani ai yi fen fen si batola, kɛ́ wo kɛtɔ a wulila wolu bɛ le kanma, haan fɔɔ ka taa don Ala ya lɔhɔlɔmabonba gbu kɔnɔ, k'i sii je k'a fɔ a jɛlɛ ma ko Ala.

1 Timote 1:4

Ai do kà ai jɛlɛ bila faɲafɔ taliku fɔko lɔ, ani jilijaa ɲafɔko le minu tɛ banna. Ko suu wolu le yi nala sɔsɔyali le, ai do tɛ Ala ya baale lataala ɲafɛ min jusiinin limaniya kɔkan.

1 Timote 1:7

Ai do y'a fɛ k'ai jɛlɛ kɛ seliya kalanmɔɔlu le, k'a talan koɲaye foi tɛ ai bolo ka bɛn ai kumakan ma, kumatɛ ai yi ko minu magbeleyala.

1 Timote 3:6

A kà kɛ mɔɔ tubenin kula le, fɔsa a kana a fannɔbuɲa ka Soitana ya kolatɔn ɲɔɔzii sɔlɔn.

2 Timote 2:14

Iya mɔɔlu hangili bila k'a magbeleya Ala ɲakɔlɔ ko ai kà sɔsɔyali kɛ ka bɛn kumalu kɔlɔ ma. Sɔsɔyali wo suulu tɛ foi ɲiala, mafɔ ka fitina lana a lamɛnbalu ma.

2 Timote 2:23

I yi kolɔnbaliya sɔsɔyali fuunnu to je, kamasɔlɔn i k'a lɔn ne wolu yi nala sɔɔnsɔɔn ne le dein.

2 Timote 3:4

ani janvande, ani kolakɔlɔsibali, ani mɔɔ fannɔba. Ai jɛlɛ diyabɔkolu le kɛtɔ diyala ai yɛ ka timin Ala ya kolu la.

Tite 3:9

Kɛɛ i k'i fɛ bila sɔsɔyali fuunnu la, ani jilijaa ɲafɔkolu, ani ko minu yi mɔɔlu falanna i ɲɔɔ ma, ani kɛlɛkɛkolu ka bɛn Nabi Musa ya seliya ma. Kamasɔlɔn nafa tɛ kofuun wo suu suu la.

Janguba 1:19

Ǹ diyanan badenmalu, ài y'a lɔn ko ài kelenkelenna bɛ y'a lateleja a tolomalɔla, k'a kunsuma kuma fɔko lɔ, ani k'a kunsuma mɔnɛla.

2 Piyɛli 2:12

Faɲafɔ kalanmɔɔ wolu koni, ai yi kuma yonnu fɔla ka bɛn kolu ma ai ma minu ɲaye. Ai do kɛyine iwo tuukɔlɔsoo hangilindannu, minu ladannin ai minako ni ai faako kanma. Ai do halakitɔle iwo tuukɔlɔsoo wolu.

2 Piyɛli 2:18

Ai y'ai wasola kuma kundannu le, fɔsa mɔɔ minu yi kisi boloma ka bɔ mɔɔ filininnu tɛma, ai yi wolu manɛɛ ka bɛn falikolo niikanukolu ma.

Jude 1:10

Faɲafɔ kalanmɔɔ minu koni yi lafeyalikan ne fɔla ka bɛn kolu ma, ai ma minu ɲaye. Ai kɛyine iwo tuukɔlɔsoo hangilindannu, minu yi kolu kɛla ai kunfɛ, ka halaki lana ai jɛlɛ ma ko minu gbugbu sabu la.

Jude 1:16

Faɲafɔ kalanmɔɔ wolu yi kunnɔkumafɔbalu le le, ani wasabali, minu bilanin ai jɛlɛkanu niikanuko yonnu kɔ. Ai do y'ai wasola kuma babalu le le, ka mɔɔlu matɔɔ fuun nafa sɔlɔnko lɔ.

Ko Lankɛnɛmayanin 3:17

I bolo ko bana le i le, iya ko la vɛ ɲia, i mako tɛ fen fen si la. Kɛɛ i m'a lɔn ko mɔɔ manɔɔnin ne i le le, ani mɔɔ maɲumanin, ani bolokolon, ani ɲagbɛ, i do falimakolon ne.