1 Timote 6:2 - Ala Ya Salatikan Kula Kitabu

² Jɔn minu ya jɔnfalu taanin kɛla limaniyamɔɔlu le, ai kà aiya jɔnfalu lafeya k'a fɔ ko ai bɛ yi badenma le le. Kɛɛ ai do ka kan k'a dɔ la aiya baale ɲuma kɔkan, kamasɔlɔn mɔɔ minu yi nafa sɔlɔnna aiya baale fɛ, limaniyamɔɔ le wolu le ani Ala diyananmɔɔlu. I yi mɔɔlu kalan ko minu la k'a magbeleya.

1 Timote 6:2 ပူးပေါင်းရင်းမြစ်များ

Matiyu 23:8

Kɛɛ ài kà diɲa mɔɔlu y'a fɔ ài ma ko ‹Kalanmɔɔ›, kamasɔlɔn Kalanmɔɔ kelen ne ài bolo. Ài tɔ bɛ yi badenma le le.

Matiyu 25:40

Wo kɔ, Masakɛ kɛtɔ ai javila, a vɛɛ: ‹Ǹ'i tuɲa fɔ ài yɛ, ni ài ka kokein kɛ m̀ badenma bɛ lɔ dɔɔmaninda dɔ yɛ, ài na wo kɛla ǹe gbugbu le yɛ.›

Matiyu 6:24

«Jɔn tɛ se baale kɛla jɔnfa fila yɛ waate kelen nɔ. Ni wo ka kɛ, jɔn kɛtɔ a dɔ lagbeyaɲɛla, k'a dɔ kanu. A do fasatɔ a dɔ ma, k'i ban a dɔ lɔ. Wo lɔ, ài tɛ se kɛla Ala ya jɔn ne k'ài kɛ wɔli fana ya jɔn ne waate kelen nɔ.»

Kɛkolu 1:15

Tele dana timinnin kɔ, Piyɛli k'i lɔ limaniyajama tɛma ka kuma ai yɛ, mɔɔ kɛmɛ ni mɔɔ muan (120) jate.

Lɔmukalu 11:17

Bani Isilankalu kɛyine iwo zeitunaju min sɛnɛnin gbele lɔ, Ala na wo bolo dɔlu tɛɛla a la. Àilu siboloma gbɛlɛ mɔɔlu minu kɛnin iwo tuu kɔlɔ zaituna bololu, Ala vɛ ài fasa bolo tɛɛninnu nɔ lɔ. Ado ji min yi bɔla a lilen na ka jɛlɛ, wo le àilu ni dɔ zaituna bololu balola i ɲɔɔ fɛ.

Lɔmukalu 8:29

Kamasɔlɔn mɔɔ minu lɔnnin tɛɛ Ala bolo ka ta a damina ma, a k'a latɛɛ fana ko wolu yi kɛ a Denkɛ sawula le le, fɔsa wo yi kɛ den kunfɔlɔ le badenma siyama wotɛ.

Galatiyakalu 5:6

Damanda mɔɔ yi Masa Tɔɔmasenin Isa ya kafonɲɔɔya lɔ, i ka kɛnɛkɛ o, i ma kɛnɛkɛ o, wo foi tɛ jatela. Min yi jatela, wo le limaniya le, min yi mɔɔ lɔla koɲuma kɛla kanundeya boloma.

Ɛfɛsikalu 1:1

Ǹe Pɔli min kɛnin Masa Tɔɔmasenin Isa ya keladen ne ka bɛn Ala sawo ma, ǹ'i lɛtɛlɛ min sɛvɛla mumininnu ma Ɛfɛsi so kɔnɔ, minu yi lanande le Masa Tɔɔmasenin Isa ya kafonɲɔɔya lɔ.

Ɛfɛsikalu 1:15

Wo le n'a kɛla, ka ta ǹ k'àiya limaniyako mɛn mɔ Tii Isa ma, ani ài yi kanundeya jiyala teme mumininnu bɛ la,

Ɛfɛsikalu 3:6

Wo gbonoko le min ne: Ka bɛn Samakan Kein ma, Ala yi balayi minu ladalola aa mɔɔlu yɛ, Jahudiyalu ni siboloma gbɛlɛ mɔɔlu kɛtɔ wolu sɔlɔnna kelen ne, k'ai kɛ falikolo kelen ɲɔɔma le, ani k'ai dɛn lahedi la Masa Tɔɔmasenin Isa ya kafonɲɔɔya lɔ.

Kɔlɔsikalu 1:2

k'a lataa mumininnu ma Kɔlɔsi so kɔnɔ, àilu minu tanin kɛla mɔ badenma lanandelu le Masa Tɔɔmasenin ya kafonɲɔɔya lɔ. Mɔ Fa Ala ya nɛɛma yi kɛ ài yɛ, k'ài josolajii.

Kɔlɔsikalu 1:4

Kamasɔlɔn mɔ v'a mɛn ko ài limaniyanin Masa Tɔɔmasenin Isa ma teme ani àiya kanundeya, ài yi min jiyala mumininnu bɛ la.

Kɔlɔsikalu 4:1

Jɔnfalu, ài àiya jɔnnu lɔmina telenmandeya boloma k'ai ta hakɛ di ai ma. Ài do y'a lɔn ko Tii y'ài la haijɛnɛ.

2 Tɛsalonikakalu 1:3

Mɔ badenmalu, a bɛnyine m'i kɛ Ala balika bɔla waate bɛ àiya ko lɔ, kamasɔlɔn àiya limaniya yi wala kan bɛlɛbɛlɛ kɛ, a dɔ le yi lala àiya ɲɔɔkanu kɔkan kudein.

1 Timote 4:11

I yi jamali minu di, ka mɔɔlu kalan ai la.

1 Timote 5:1

I kà kɛmɔba makuma, mafɔ i y'a lali iwo i fa. I yi wo suu kɛ kavelennu la iwo i dɔɔkɛlu,

Tite 2:1

Ile koni, i yi mɔɔlu kalan ka bɛn kalan sɔvɛ ma.

Tite 2:15

I ka kan k'ai kalan ko minu le la, k'ai sɛmɛdon, ani k'ai makuma iya kuntiiya see bɛ le. I do kà diɲa mɔɔ suu suu yi jɔ i ma.

Tite 3:8

Kuma min yi tuɲa le le. Ǹ'a fɛ i yi ko minu magbeleya fɔsa Ala malimaniyamɔɔlu y'ai gbaladon koɲumakɛko ma, minu keinyanin, ani nafa yi minu la mɔɔ bɛ yɛ.

Hebululu 3:1

Wo lɔ saa, m̀ badenma sɛnɛyaninnu, minu kilinin Ala bolo iwo ǹu, ài m'i mili Isa ma, mɔ lɔnin a la ko Ala na min kelayala k'a lasii salakalase kuntiibaya la.

Hebululu 3:14

Kamasɔlɔn mɔ vɛ kɛ Masa Tɔɔmasenin lankan ne, ni mɔ bolo ka to maa lanaya kunfɔlɔ la kpekpe haan fɔɔ a laban nɔ.

1 Piyɛli 5:1

Ǹ'i min ne fɔla ɲamɔɔlu yɛ k'a magbeleya minu y'ài tɛma, ǹe min yi ɲamɔɔ dɔ le iwo àilu, ani Masa Tɔɔmasenin ya tɔlɔyalu sele min fɛ kɛtɔ kɛla magbiliyali la min lankɛnɛmayatɔ,

2 Piyɛli 2:10

Wo kolatɔn kɛtɔ lala mɔɔ minu kɔkan bɛlɛbɛlɛ kɛ, wolu le yi bɔlila ai niikanuko kɔsɔninnu kɔ, ani ka kuntiiya lagbeyaɲɛ. Faɲafɔ kalanmɔɔ wolu wakaliyine k'ai kafa. Ai do tɛ siyanna nii nɔɔlɔnilu lafeyako lɔ minu yi haijɛnɛ.

Jude 1:8

Wo boloɲa kelen ne ma, faɲafɔ kalanmɔɔ minu bolomalanin aiya kibalokannu ma, wolu y'ai falikolo lakɔsɔla, ka kuntiiya lagbeyaɲɛ, ani ka nii nɔɔlɔnilu lafeya minu yi haijɛnɛ.