1 Timote 6:18 - Ala Ya Salatikan Kula Kitabu

¹⁸ A fɔ ai yɛ ko ai yi koɲumalu kɛ, ka nafolotiiya kɛ koɲumakɛko lɔ, ani k'ai bolo fɔlin dɔlu sɔko lɔ.

1 Timote 6:18 ပူးပေါင်းရင်းမြစ်များ

Matiyu 5:42

Ni mɔɔ dɔ k'i dali fen na, i y'a di a ma. Ni do mɔɔ y'a fɛ ka fen siɲa i ma, i k'i ban.»

Luka 12:21

Wo ɲɔɔzii le kɛtɔ wo mɔɔ masɔlɔnna min yi nafolo ladɛnna a jɛlɛ yɛ, a do tɛ nafolotii le Ala ɲakɔlɔ.»

Luka 3:11

Yaya k'ai javi, a vɛɛ: «Ni faaniba fila ka kɛ mɔɔ min bolo, wo tii y'a kelen di dɔ ma, fen tɛ min bolo. Ni dɔnnifen ka kɛ mɔɔ min bolo, wo fana y'a kɛ ten.»

Kɛkolu 10:38

Ala ka Nazalɛtika Isa ta ka a sɔ a Nii Sɛnɛyanin sɔ, ani seetiiya. A do tɛɛ timintiminna kokeinnu kɛla, ka mɔɔlu lakɛnɛya minu bɛ tɔlɔyanin tɛɛ Soitana bolo, kamasɔlɔn Ala tɛɛ a fɛ.

Kɛkolu 11:29

Wo lɔ saa, Isa kɔbiladen minu tɛɛ Antiyɔsi, wolu k'a latɛɛ ko ai kelenkelenna bɛ y'ai senko kɛ k'ai badenmalu madɛmɛn minu siinin tɛɛ Jude koovi lɔ.

Kɛkolu 9:36

Wo k'a talan Isa kɔbiladen dɔ tɛɛ Jopa so kɔnɔ, min tɔɔ tɛɛ ko Tabita. Ai tɛɛ a fɔla a ma Gɛlɛkikan nɔ ko Dɔɔkasi, wo kɔlɔ le ko Minaan. Moso wo tɛɛ kokein ne kɛla kudein ka fandannilu madɛmɛn.

Lɔmukalu 12:13

Ài yi mumininnu madɛmɛn k'ai makolu laɲia, ani ka lonalu jiya.

Lɔmukalu 12:8

Ni min ta ka kɛ sɛmɛdonko le, wo tii yi mɔɔlu sɛmɛdon. Ni mɔɔsɔko see dinin mɔɔ min ma, wo tii bolo yi fɔlin sɔli boloma. Ni kuntiiya see dinin ka kɛ mɔɔ min ma, wo tii y'a baale kɛ sɔvɛdon boloma. Ni do see dinin mɔɔ min ma ka henandeyakolu kɛ, wo tii y'a kɛ sawa boloma.

1 Kolɛntikalu 16:2

Lai o Lai, ài kelenkelenna bɛ y'a dɔ bɔ ài sɔlɔnfennu la ka wo ladalo. Wo vɛ kɛla, m̀'ɛ nala lon min na, bololadɛn tɛnala kɛla.

2 Kolɛntikalu 8:12

Ni mɔɔ min ka bɔ a jɛlɛ lɔ ka fen di, bolo yi siile wo kɔlɔ ka bɛn a senko ma. Kɛɛ ni fen t'a bolo, wo tɛ jatela.

2 Kolɛntikalu 8:9

Kamasɔlɔn ài ka mɔ Tii Masa Tɔɔmasenin Isa ya nɛɛma lɔn. Hali a tɛɛ banaya lɔ, kɛɛ a k'a jɛlɛ kɛ bolokolon ne ka bɛn àiya ko le ma, fɔsa ài yi kɛ bana le aa bolokolonya fɛ.

Galatiyakalu 6:10

Wo le y'a ma, ni koɲumakɛ see ka kɛ mɔ yɛ waate min nɔ, ài m'i koɲuma kɛ bɛ yɛ, mɔ badenma limaniyamɔɔlu bɛlɛbɛlɛ le.

Ɛfɛsikalu 4:28

Ni mɔɔ mɔɔ ka kɛ son ne, a yi suɲali dabila. A do yi baale nafata kɛ a bolo la, fɔsa fen yi kɛ a bolo dɛsɛbatɔ sɔko lɔ.

1 Timote 5:10

A mangutu yi lɔn aa koɲumakɛko lɔ, ko a na a dennu lasonna kobɛn, ka lonalu lɔmina kobɛn, ka mumininnu madɛmɛn fanmajii boloma, ka mɔɔ tɔlɔyaninnu makolu laɲia, ani k'a jɛlɛ di koɲuma suu bɛ dɔ kɛko lɔ.

Tite 2:14

Ale le n'a jɛlɛ dila maa ko lɔ, fɔsa a yi mɔ kunmaka ka mɔ bɔ maa kɔnɔlɔgbeya bɛ lɔ, ani ka mɔɔlu lasɛnɛya a jɛlɛ yɛ minu sɛmɛdonnin kɛko ɲumalu ma.

Tite 3:8

Kuma min yi tuɲa le le. Ǹ'a fɛ i yi ko minu magbeleya fɔsa Ala malimaniyamɔɔlu y'ai gbaladon koɲumakɛko ma, minu keinyanin, ani nafa yi minu la mɔɔ bɛ yɛ.

Hebululu 13:16

Ài do kà ɲina koɲumakɛko lɔ, ani ka sɔniya i ɲɔɔ yɛ, kamasɔlɔn salaka suu wolu le diyanin Ala yɛ.

Janguba 2:5

Ài tolomalɔ, ǹ diyanan badenmalu! Jalasa Ala ma dunuɲa fandannilu ta fɔsa ai yi banaya limaniya lɔ, ani k'ai fɛ bila aa masaya la, a na min lahedi tala a kanundelu yɛ?

1 Piyɛli 3:11

A a kɔdon koyonkɛko la ka koɲuma kɛ, ka josolajii ɲinin ka to wo kɔ.

1 Yohana 3:17

Ni dunuɲa nafololu ka kɛ mɔɔ min bolo, ni wo tii k'a badenma gbalanin ye k'i ban henala a la, wo vɛ kɛla, wo tii yi se a fɔla di ko Ala ya kanundeya y'a josokun nɔ?

3 Yohana 1:11

Ǹ diyananmɔɔ, i k'i bila koyon fɛ, mafɔ koɲuma. Mɔɔ min yi koɲuma kɛla, wo tii yi Ala ta le le. Kɛɛ mɔɔ min yi koyon kɛla, wo tii ma Ala lɔn feu.