1 Timote 6:10 - Ala Ya Salatikan Kula Kitabu

¹⁰ Kamasɔlɔn koyon suu siyama jusiinin wɔliko nata le kɔkan. Ka bɛn nafolo lɔɔ ma, mɔɔ dɔlu vɛ limaniya siya bila k'ai josokun tɔlɔya ko siyama le.

1 Timote 6:10 ပူးပေါင်းရင်းမြစ်များ

Matiyu 13:22

Malo minu na benna wonilu tɛma, wolu le mɔɔlu le minu yi Ala kumakan mɛnna, kɛɛ do dunuɲakolu hamin ni nafolo ladiyaɲɛ yi donna ai josokun nɔ ka Ala kumakan lɔgbalin, a do tɛ sawatila ai ma.

Matiyu 23:13

«Gbalo yi ài yɛ, seliya kalanmɔɔlu ni Falisilu! Àilu filangafolu! Kamasɔlɔn ài yi haijɛnɛ masaya datuunna mɔɔlu ɲa. Àilu gbu tɛ donna haijɛnɛ masaya lɔ, ado mɔɔ minu a fɛ ka don a lɔ, ài yi wolu dansiila fɔsa ai kana don a lɔ.

Matiyu 6:19

«Ài kà nafolo ladɛn ài jɛlɛ yɛ dunuɲa min nɔ, baabaa ni soon yi tiɲali kɛla tɛɛminja. Son fana yi se da kalila tɛɛminja ka suɲali kɛ.

Malɛkɛ 4:19

kɛɛ do dunuɲakolu le hamin ni nafolo ladiyaɲɛ ani fen kaijakaijalu lɔɔ yi donna ai josokun nɔ ka Ala kumakan lɔgbalin, a do tɛ sawatila ai ma.

Kɔlɔsikalu 3:5

Wo ma, àiya dunuɲa dajoo kɔlɔlu minu y'ài lɔsunna koyonkɛ kanma, ài yi wolu lɔsa: kanukɛko, kokɔsɔninnu, niikanuko, miliya yon, ani natabaya (min taanin kɛla joo batoko suu dɔ le).

1 Timote 3:3

A do kà kɛ gbɛtɔ le, niwotɛ mɔɔ faiyanin, mafɔ mɔɔ sɔniyanin. A kà kɛ sɔsɔyalikɛba le, niwotɛ wɔliko nata yi mɔɔ min na.

1 Timote 6:21

Mɔɔ dɔlu n'ai jɛlɛ kɛla lɔnnila ba le ka bɔ limaniya siya kɔkan. Ala ya nɛɛma yi kɛ ài yɛ.

1 Timote 6:9

Kɛɛ a lɔɔ yi mɔɔ minu la ka nafolotiiya kɛ, wolu ma yi nɛɛla ka ben nata kolon suu bɛ le ma, minu yi mɔɔlu minala iwo sɔɔ ka tiɲali ni halaki lana ai ma.

2 Timote 3:2

Kamasɔlɔn mɔɔlu kɛtɔ gbalala ai jɛlɛkanu kunko le le dein, ka kɛ nataba le wɔliko lɔ, ani wasokɛba, ani mɔɔ kafanin, ani jɛvɛlikɛba, ani kolobali ai wolobalu kanma, ani koɲumalɔnbali, ani Alabuɲabali,

2 Timote 4:10

Kamasɔlɔn Demasi vɛ m̀ bila ka taa Tɛsalonika so kɔnɔ ka bɛn dunuɲa ladiyaɲɛ ma. Ado Kelesen vɛ taa Galatiya koovi lɔ, ani Tite fana taanin Damatiya koovi lɔ.

Tite 1:11

Fɔ wolu la yi jeden, kamasɔlɔn ai yi bonkelennamɔɔlu bɛ le kunnɔtɛɛla kelen ne aiya kalan bɛnbali le, fɔsa ai yi tɔnɔ sɔlɔn malobaliya boloma.

Janguba 5:19

M̀ badenmalu, ni ài dɔ ka fili k'i majaanya tuɲa siya la, ni mɔɔ dɔ k'a laseikɔ k'a bila tuɲa siya kɔkan,

Jude 1:11

Gbalo y'ai yɛ! Kamasɔlɔn ai vɛ Kabila ya siya ta, ani k'ai fɛ bila Balaamu ya filibandeyako ɲɔɔzii la ka bɛn wɔliko nata ma. Ai vɛ mulutu iwo Kole ka kɛ teme, ai do yi halakile iwo wo fana.

Ko Lankɛnɛmayanin 18:13

ani sinamɔn wɔmɔn sumadiyanin, ani latikɔlɔn, ani wusulan, ani kɔlɔmanjɛn sumadiyanin suu dɔlu, ani gbɛ, ani tulu, ani fainimuu, ani malo, ani nisi ni saalu, ani soo ni soowotololu, ani mɔɔnivin minu yi felela jɔnya boloma.